Roma 2:7 - Kaili Ledo

⁷ Sanu tona ledo nasau rarara nokainggu nabelo sabana ira madota ratoiya bo rabila nu Alatala, bo madota manggava katuvu nabelo anu ledo maupu-upu. Bo Alatala mombadekei katuvu nabelo sampe ri kasae-saena ka tona gahaitu.

Roma 2:7 ပူးပေါင်းရင်းမြစ်များ

Matius 25:46

Bo i Yesus nompakaupu tesaNa ante nanguli, “Pura-pura tona nadaa haitu rahuku sampe ri kasae-saena. Tapi tona nanoa, matuvu mabelo sampe ri kasae-saena.”

Lukas 21:19

Ane komiu bate-batena momparasaya bo ledo moura, komiu mpuu-mpuu manggava katuvu mabelo sampe ri kasae-saena.”

Lukas 8:15

Savua nanavu ri tana naboya, nirapaka tona nanoa bo nabelo rarara. Niepera Tesa nu Alatala bo nipariarara. Ira bate-batena nangoseaka Tesa nu Alatala sampe noguna mpuu katuvura.”

Yohanes 4:36

Topokato nompamulamo nantarima tambora apa nipasiromura asele anu manggeni katuvua nabelo sampe ri kasae-saena. Jadi topotuda bo topokato madamba-damba mpasanggani. Asele nipasiromura, batuana manusia anu manggava katuvua mabelo sampe ri kasae-saena.

Yohanes 5:44

Berimbamo komiu mamala momparasaya Yaku? Apa komiu aga madota rabila nu roa. Ledo nipasimbukumiu manggava pebila nu Alatala Saito-itoNa!

Roma 2:10

Tapi pura-pura tona nokainggu nabelo kana ratoiya bo rabila bo manggava katuvu nabelo lako nte Alatala, pamula-mulana toYahudi bo muni tona ntanina,

Roma 6:23

Isema-sema novia dosa manggava tambo, bo tambo haitu kamatea anu mompopogaa ia lako nte Alatala. Tapi pedekei bayangi lako nte Alatala ka kita, haitumo kita matuvu mabelo sampe ri kasae-saena. Kita nanggava pedekei bayangi sabana kita nosangu rara ante Tuputa i Yesus Kristus.

Roma 8:18

Niparasayaku kasusa bo kapari nirasaita sii-sii damo njongona ane rapoposisala ante kabelo rarasaita bara maipia.

Roma 9:23

Ia nosabara nte ira ala mompopakita kambaso nu kaogeNa ka kita anu nipoasiNa bo nipasadiaNa mami lako ri nggauluname manggava bagia ri kaogeNa.

1 Korintus 15:42

Ivesia muni ante karobata ntomate anu rapakatuvu mpanjili. Karobata anu nitana mapopo. Tapi ane karobata rapakatuvu mpanjili domo mamate domo mapopo.

1 Korintus 15:50

Sampesuvu-sampesuvu, iveimo patujuku: karota ri dunia hitu nipovia lako ri isi bo raa. Kita ledo mamala monturo ri Poparenta nu Alatala ri suruga ante karota anu mamate bo mapopo, sabana ri suruga ledo ria kamatea.

1 Korintus 15:58

Jadi sampesuvu-sampesuvu nipotoveku, pakaroso pomparasayamiu bo nee molengga-lengga. Pasimbuku ante mpuu-mpuu raramiu mantui pokarajaa nidekei i Pue Yesus ka komiu, apa nisanimiu ledo ria nuapa-nuapa anu ledo ria gunana rapoviamiu ka Ia. Natantu kana maria aselena.

Galatia 6:9

Sabana haitu, nee mabasa rarata movia anu nabelo, sabana ane ledo maupu rarata movia anu nabelo, makava tempona ratarimata aselena.

Efesus 6:24

Kuperapi Alatala bate-batena nabelo nte pura-pura tona anu ledo naupu-upu nompotove Tuputa Yesus Kristus. Amin. Tabe lako nte yaku Paulus

Kolose 1:27

Apa dota nu Alatala ala rasani ntodeaNa kabelo bo kaoge niaNa ka pura-pura manusia. NiaNa haitumo: i Kristus natuvu riara ntaita, jadi nisanita kita mpuu-mpuu matuvu mabelo nte Alatala sampe ri kasae-saena.

1 Timotius 1:17

Alatala masipato rabila bo ratoiyata sampe ri kasae-saena, apa Iamo Magau anu nomparenta sampe ri kasae-saena. Ia ledo mamate, ledo namala rakitata, aga Ia saito-itoNa Alatala nakana. Amin!

2 Timotius 1:10

Bo sii-sii nakavamo i Yesus Kristus topompakasalama kita bo nikitata kambaso pepotove nu Alatala ka kita. Lako ri Kareba Belo nisanita i Kristus nombadagi kuasa kamate, bo nombadekei katuvua nabelo anu ledo maupu-upu.

Ibrani 2:7

Komiu nomparitambe manusia sampalai lako ri malaeka. Komiu nompakaoge manusia bo nombadekei nturo nibila ka ira.

Ibrani 6:12

Nee sampe komiu majadi masanda, tapi pasialamo jonjo ntona anu nomparasaya Alatala bo nosabara nompopea sampe nikavara anu nijanjiNa ka ira.

Ibrani 6:15

I Abraham nosabara nompopea, jadi nitarimanamo anu nijanji nu Alatala ka ia.

1 Yohanes 2:25

Hitumo nijanjiNa ka kita: Kita matuvu mabelo sampe ri kasae-saena.