Roma 2:27 - Kaili Ledo

²⁷ Ane ivesia, pokainggu ntona ledo toYahudi nompopakita kasala ntoYahudi. Sabana, kita toYahudi naria Atura agama nitulisi, bo kita muni nisuna tandana kita todea nu Alatala, tano mai kita ledo nangoseaka parentaNa. Ira ledo nisuna tapi iramo anu nangoseaka parenta-parenta riara Atura agama.

Roma 2:27 ပူးပေါင်းရင်းမြစ်များ

Matius 3:15

Tapi nangulimo i Yesus ka ia, “Diumo Yaku, sabana ivesiamo kita mompakadupa pura-pura anu nipodota nu Alatala.” Nangepe pesanaNa haitu, nadota mpuumo i Yohanes nombadiu i Yesus.

Suro-Suro 13:22

Tapi kaupuna i Saul nileso nu Alatala, bo Alatala nompelisi i Daud majadi magaura. Hitumo anu niuli nu Alatala nombatesa Magau Daud: ‘NikitaKu i Daud ana Isai. Ia nompakadamba raraKu bo nipoviana pura-pura dotaKu.’

Roma 13:10

Isema-sema mompotove singgamanusiana, natantumo ledo rapoviana anu nadaa ka ira. Jadi ane nipotoveta singgamanusiata, nireke nioseakata puramo Atura agama.

Roma 2:15

Lako ri pokainggura nisanita naria parenta lako ri Atura agama nitulisi riara ntaira. Lako ri pekiri rara ntaira muni nisanita naria parenta riara ntaira, apa neumba lako riara ntaira mboto: <> atau: <>

Roma 2:20

Niulimiu komiumo natau nompatuduki tona nadoyo bo nompaguru tona dopa nanoto, sabana nisanimiumo Atura agama bo riara Atura agama naria mpengaya-ngaya pangisani bo pepatuduki nakana.

Roma 2:25

Kita toYahudi nisuna, tandana kita todea nu Alatala. Ada posuna haitu naria gunana ane mpuu-mpuu nioseakata Atura agama. Tapi ane niliunakata Atura haitu, ada posuna ledo ria batuana, apa kita nasimbayu ante tona ledo toYahudi anu ledo nisuna.

Roma 2:26

Tona ledo toYahudi ledo nisuna, tapi ane raoseakara parenta riara Atura agama, rareke nu Alatala nasimbayu nte todeaNa nisuna.

Roma 2:29

Tapi toYahudi anu mpuu-mpuu todea nu Alatala, haitumo tona mpuu-mpuu rarana nangoseaka Alatala. Bo tona mpuu-mpuu nisuna, nisuna riara ntaira. Batuana, ira najadi todea nu Alatala sabana pokarajaa Nosa Gasa nu Alatala riara ntaira, ledo sabana pangoseakara atura-atura nitulisi. Tona ivehaitu ratoiya nu Alatala, nau ledo nitoiya nu manusia.

Roma 3:30

Alatala aga saito, bo Iamo nompakanoa toYahudi ane ira momparasaya i Yesus, bo Ia muni mompakanoa tona ledo toYahudi ane ira momparasaya i Yesus.

Roma 8:4

Alatala novia haitu ala kita mpuu-mpuu mompakule mokainggu manoa, mangoseaka parenta ri Atura agama. Apa kita domo natuvu nangoseaka dota rarata anu nadaa. Sii-sii kita nangoseaka dota Nosa Gasa nu Alatala.

1 Korintus 7:19

Apa ledo ria gunana ane kita mangoseaka ada posuna bo ledo muni naria gunana ane kita ledo mangoseaka ada haitu. Anu noguna ntoto, haitumo, mangoseaka parenta-parenta nu Alatala.

2 Korintus 3:6

Iamo nombadekei ka kami pompakule nompatuduki pojanjiNa nabaru ka tona. Pojanji nabaru haitu ledo atura-atura nitulisi, tapi nopuna lako ri Nosa Gasa nu Alatala. Atura-atura anu nitulisi nanggeni kamatea sabana ledo nipakule manusia mangoseakana, tapi Nosa Gasa nu Alatala nombadekei katuvua nabelo sampe ri kasae-saena.

Galatia 5:14

Naria parenta nanguli ivei: “Potovemo singgamanusiamiu nasimbayu mpo pompotovemiu karomiu mboto.” Ane raoseakamiu parenta sangu hitu, nasimbayu mpo nioseakamiu pura-pura Atura agama.

Efesus 2:11

Jadi, sampesuvu-sampesuvuku, toramo katuvumiu bara ipia. Nangoseaka pompoanaka komiu, komiu ledo toYahudi. Panguli ntoYahudi komiu “tona nasomu”, haitumo tona ledo todea nu Alatala. Ira toYahudi nanguli aga iramo todea nu Alatala sabana ira nisuna nangoseaka ada agamara. Tapi kakanana ada posuna haitu aga tanda nipovia nu manusia ri karora.

2 Timotius 3:15

Lako ri kakodimu nisanimu isi Buku Gasa, bo Buku Gasa haitumo nompakanoto raramu sampe iko namala nomparasaya i Yesus Kristus bo rapakasalama.

Ibrani 11:3

Lako ri pomparasayata, nisanita dunia nipajadi nu Alatala ante TesaNa. Jadi, anu nikita nipajadi lako ri anu ledo nikita.