Roma 2:26 - Kaili Ledo

²⁶ Tona ledo toYahudi ledo nisuna, tapi ane raoseakara parenta riara Atura agama, rareke nu Alatala nasimbayu nte todeaNa nisuna.

Roma 2:26 ပူးပေါင်းရင်းမြစ်များ

Matius 15:28

Naupu haitu nanguli i Yesus, “Ina, naroso mpuu pomparasayamu! Jadi, kajadimo anu niperapimu tutu!” Bo eva nisuka, tempo haitu muni nabelo mpanjilimo anana mombine haitu.

Roma 2:25

Kita toYahudi nisuna, tandana kita todea nu Alatala. Ada posuna haitu naria gunana ane mpuu-mpuu nioseakata Atura agama. Tapi ane niliunakata Atura haitu, ada posuna ledo ria batuana, apa kita nasimbayu ante tona ledo toYahudi anu ledo nisuna.

Roma 2:27

Ane ivesia, pokainggu ntona ledo toYahudi nompopakita kasala ntoYahudi. Sabana, kita toYahudi naria Atura agama nitulisi, bo kita muni nisuna tandana kita todea nu Alatala, tano mai kita ledo nangoseaka parentaNa. Ira ledo nisuna tapi iramo anu nangoseaka parenta-parenta riara Atura agama.

Roma 3:30

Alatala aga saito, bo Iamo nompakanoa toYahudi ane ira momparasaya i Yesus, bo Ia muni mompakanoa tona ledo toYahudi ane ira momparasaya i Yesus.

Roma 8:4

Alatala novia haitu ala kita mpuu-mpuu mompakule mokainggu manoa, mangoseaka parenta ri Atura agama. Apa kita domo natuvu nangoseaka dota rarata anu nadaa. Sii-sii kita nangoseaka dota Nosa Gasa nu Alatala.

Galatia 6:15

Ledo ria gunana nisuna atau ledo nisuna. Anu nopoko, Alatala nompajadi kita manusia nabaru.

Efesus 2:11

Jadi, sampesuvu-sampesuvuku, toramo katuvumiu bara ipia. Nangoseaka pompoanaka komiu, komiu ledo toYahudi. Panguli ntoYahudi komiu “tona nasomu”, haitumo tona ledo todea nu Alatala. Ira toYahudi nanguli aga iramo todea nu Alatala sabana ira nisuna nangoseaka ada agamara. Tapi kakanana ada posuna haitu aga tanda nipovia nu manusia ri karora.

Filipi 3:3

Kakanana, kitamo anu nanoa ri panggita nu Alatala, ledo ira, apa kita nombasomba Alatala ante pekeniaka Nosa GasaNa. Kita nadamba sabana kita nosangu rara nte i Yesus Kristus, bo ledo nisarumakata pompasimbukuta mboto atau tonuapa kita, ala majadi manoa ri panggita nu Alatala.

Kolose 2:11

Kita nosangu rara ante i Kristus jadi kita nireke nisuna. Tapi posunata haitu ledo anu nipovia nu manusia ri karota tapi anu nipovia i Kristus riara ntaita. Batuana, kita nikabasaka lako ri kuasa nu dosa.