Roma 2:23 - Kaili Ledo

²³ Komiu nangoe sabana naria Atura agama nte komiu. Tapi nipandaentemiu Alatala apa ledo nioseakamiu AturaNa!

Roma 2:23 ပူးပေါင်းရင်းမြစ်များ

Lukas 18:11

ToFarisi haitu neangga bo nosambaya riara ntaina, ‘Pue, yaku nosukuru nte Komiu sabana yaku hii ledo nasimbayu ante tona ntanina, haitumo topebagiu, tona natenggo rarana, bo tona nobualo. Yaku nosukuru apa yaku ledo nasimbayu ante topesingara balasitee moitu.

Yohanes 5:45

Tapi naupa ivesia, nee rasarumakamiu Yaku mompakasala komiu ri ngayo nTuamaKu bara maipia. Naria tona mompakasala komiu, haitumo Nabi Musa anu nisarumakamiu.

Roma 2:17

Tapi berimbamo komiu? Komiu nompangaku karomiu toYahudi. Komiu nanjarumaka Atura-atura agama Yahudi. Komiu nangoeki posisanimiu nte Alatala.

Roma 3:2

Tantu nadea pelabina, naria mami gunana. Pamula-mulana, Alatala nombadekei tesaNa ka toYahudi nggaulu.

Roma 3:27

Jadi domo mamala kita malanga rarata. Apa Alatala nantarima kita sabana pomparasayata, ledo sabana kita nangoseaka atura-atura.

Roma 9:4

Iramo toIsrael, todea nu Alatala, anu nantarima mpengaya belo lako nte Ia. NianggatakaNa ira najadi ana-anaNa mboto bo nipopakitakaNa ka ira kuasaNa bo kaogeNa. NipoviaNa pojanji nte ira, bo nidekeikaNa Atura-atura agama ka ira. NipatudukikaNa ka ira ada-ada metupu nte Ia. Nadea mpuu janji nu Alatala ka toIsrael.