Roma 2:2 - Kaili Ledo

² Nisanita ane Alatala mombahuku tona nokainggu ivehaitu, tantu botu potangaraNa mpuu-mpuu nanoa.

Roma 2:2 ပူးပေါင်းရင်းမြစ်များ

Suro-Suro 17:31

Apa nipakatantuNamo tempona bara maipia pura-pura manusia ri dunia ratangara ri kanoana. Pokarajaa motangara haitu nidekeiNa ka saito tona nipelisiNa lako ri nggauluname. Alatala nompakatuvu mpanjili tona haitu lako ri kamateNa ala malanto ka pura-pura tona Ia mpuu-mpuu nipelisi nu Alatala majadi Topotangara pura-pura manusia.”

Roma 2:1

Jadi sampesuvu-sampesuvu, ane komiu nompakasala tona ntanina, ledo mamala raulimiu <> Apa pokainggumiu mboto nasimbayu nte pokainggura. Jadi ane komiu nompakasala tona ntanina, batuana komiu nompakasala karomiu mboto.

Roma 2:3

Tapi berimba komiu? Pokainggumiu nasimbayu nte pokainggura! Jadi nee rasarumakamiu Alatala mombahuku tona ntanina, tapi komiu ledo rahukuNa!

Roma 2:5

Tapi nau nisanimiu tona nokainggu nadaa kana rahuku, da nakaa bagamiu, bo komiu ledo nadota najea. Sabana haitu, komiu mbotomo nantambai kantamo nu pehuku rapambela ka komiu ri Eo Potangara. Ri Eo Potangara Alatala mombatangara pura-pura manusia ante nanoa bo Ia mombahuku pura-pura tona novia nadaa.

Roma 9:14

Jadi ane Alatala nompelisi saito bo nompoara tosaitona, nee rasarumakata Ia ledo nanoa! Ledo ntoto nakana!

Pompakita 16:5

Naliu haitu niepeku suara malaeka anu nombakuasai uve nanguli, “O, Pue Alatala, Komiu naria mamimo lako ri pamulana bo sii-sii bate-batena naria. Komiu toGasa, Nanoa mpuu pobotusiMiu,

Pompakita 19:2

Ratoiyamo Ia sabana pombabotusiNa nakana bo nanoa. NihukuNamo bajinga haitu, anu nompakadaa dunia apa nipakenina tona ntanina nosipogau ante ia. Nipesava nu Alatalamo mombine haitu sabana pompatesina topangoseaka Alatala.”