Roma 2:14 - Kaili Ledo

¹⁴ Tona ledo toYahudi ledo nisanira Atura agama Yahudi. Tapi biasa pekiri rara ntaira mboto nanggeni ira nokainggu nabelo, nasimbayu mpo pokainggu niuli riara Atura agama. Nau ledo nisanira Atura agama Yahudi, pekiri rara ntaira mboto najadi Atura agama ka ira.

Roma 2:14 ပူးပေါင်းရင်းမြစ်များ

Suro-Suro 10:35

Isema-sema natundu nte Alatala bo novia anu nanoa, tona haitumo nitarima nu Alatala. Alatala ledo nompelisi tona lako ri umba.

Suro-Suro 14:16

Tempo nggaulu, Alatala nompalamba manusia natuvu nangoseaka dotara mboto.

Suro-Suro 17:30

Tempo nggaulu ane manusia nombasomba tupu-tupu ntanina, Alatala ledo nombahuku ira. NibotusiNa ledo rarekeNa kadoyora haitu. Tapi sii-sii, nituduNa pura-pura manusia ri umba-umba ri dunia majea lako ri dosara.

Roma 1:32

Nisanira mami parenta nu Alatala anu nanguli tona nokainggu ivesia masipato rahuku mate. Tapi nau nisanira pokainggura haitu nadaa, kana nipoviara. Bo ane maria tona ntanina mantuntuni pokainggura nadaa, nadamba rarara.

Roma 2:12

Tona ledo toYahudi ledo nangisani Atura-atura agama Yahudi anu nipapola Nabi Musa. Tapi ane ira novia dosa, ira kana rahuku nau ledo nisanira Atura agama Yahudi. Tapi ane toYahudi anu nangisani Atura agama bo nipoviara dosa, ira kana rahuku nantuntuni Atura agamara haitu.

Roma 2:15

Lako ri pokainggura nisanita naria parenta lako ri Atura agama nitulisi riara ntaira. Lako ri pekiri rara ntaira muni nisanita naria parenta riara ntaira, apa neumba lako riara ntaira mboto: <> atau: <>

Roma 2:27

Ane ivesia, pokainggu ntona ledo toYahudi nompopakita kasala ntoYahudi. Sabana, kita toYahudi naria Atura agama nitulisi, bo kita muni nisuna tandana kita todea nu Alatala, tano mai kita ledo nangoseaka parentaNa. Ira ledo nisuna tapi iramo anu nangoseaka parenta-parenta riara Atura agama.

1 Korintus 11:14

Nangoseaka kabiasa naria nte kita mboto, nisanita ane langgai nandoe buluana, haitu nepakaeya.

1 Korintus 9:21

Ivesia muni ane yaku nosanggani-nggani nte tona ledo nisanina Atura-atura agama Yahudi, yaku nokainggu mpo tona ledo nangisani Atura-atura haitu. Patujuku ala mamala kukeni ira momparasaya i Yesus. Tapi nee rauli yaku ledo nangoseaka parenta-parenta nu Alatala, apa yaku hii mpuu-mpuu nangoseaka parenta-parenta i Kristus!

Efesus 2:12

Bara ipia, dopa nisanimiu i Kristus. Komiu mpo tosangatana apa komiu ledo nosamporoa nte toYahudi anu nipelisi nu Alatala majadi todeaNa. Komiu ledo nanggava bagia riara pojanji nu Alatala ka todeaNa. Komiu aga natuvu bayangi riara dunia hitu bo ledo nisanimiu Alatala, bo ledo ria panjarumakamiu nuapa-nuapa.

Efesus 2:3

Bara ipia kita pura-pura nokainggu nasimbayu mpo tona haitu; kita muni natuvu nangoseaka mpengaya-ngaya dota rarata nadaa. Kita aga novia anu nompakasana karota bo pekiri rara ntaita nadaa. Kakanana kita masipato rapambela pehuku nu Alatala sabana pokaingguta haitu. Kita nasimbayu mpo tona ntanina nadaa.

Filipi 4:8

Kaupuna, sampesuvu-sampesuvu, tanondoakamo anu nakana, anu nanoa, bo anu masipato rapakaoge. Pekirikamo anu nagasa, anu nagaya, bo anu nabelo raepe ntona. Tanondoakamo anu mpuu-mpuu nabelo, bo anu masipato ratoiya.