Roma 2:12 - Kaili Ledo

¹² Tona ledo toYahudi ledo nangisani Atura-atura agama Yahudi anu nipapola Nabi Musa. Tapi ane ira novia dosa, ira kana rahuku nau ledo nisanira Atura agama Yahudi. Tapi ane toYahudi anu nangisani Atura agama bo nipoviara dosa, ira kana rahuku nantuntuni Atura agamara haitu.

Roma 2:12 ပူးပေါင်းရင်းမြစ်များ

Matius 11:22

Pariaramo! Tempo Alatala mombatangara manusia bara maipia, pehuku ka komiu melabipa kantamona pade pehuku ka toponturo ri ngata Tirus bo Sidon.

Matius 11:24

Jadi pariaramo! Ri Eo Potangara bara maipia mandasapa pehuku rapambela ka komiu pade pehuku rapambela ka tupu ngata Sodom!”

Yohanes 19:11

Nesana i Yesus, “Ane Alatala ledo mombadekei kuasa ka komiu, komiu ledo mamala mombakuasai karoKu. Jadi dosa ntona anu nanggeni Yaku tumai nte komiu nambasopa pade dosamiu.”

Suro-Suro 2:23

I Yesus haitu nidekei nu Alatala ka komiu bo nipatesimiu. Ia nidekeimiu ka tona nadaa nombapaku ri kayu salib. Tano mai, anu najadi haitu nangoseaka nia nipakatantu nu Alatala lako ri pamulana, apa nisaniNa mami lako ri pamulana anu majadi ante i Yesus.

Roma 1:32

Nisanira mami parenta nu Alatala anu nanguli tona nokainggu ivesia masipato rahuku mate. Tapi nau nisanira pokainggura haitu nadaa, kana nipoviara. Bo ane maria tona ntanina mantuntuni pokainggura nadaa, nadamba rarara.

Roma 4:15

Ane kita aga mompasimbuku mangoseaka Atura agama, kita aga mambela pehuku nu Alatala sabana kita nasaro nombaliunaka AturaNa. Ane rapana ledo maria Atura agama, tantu ledo maria nuapa-nuapa raliunakata bo kita ledo masala.

Roma 8:3

Atura agama ledo namala mombakabasaka kita lako ri kuasa dosa sabana kita manusia ledo nompakule mangoseaka Atura haitu. Tapi anu ledo namala nipovia nu Atura agama, namala nipovia nu Alatala. NituduNa AnaNa mboto tumai ri dunia, bo AnaNa najadi manusia ante karo nasimbayu mpo karo nu manusia nadosa ala Ia mombarasai pehuku nu Alatala ri karoNa sabana dosata. Bo ante pohuku karo i Yesus, Alatala nombadagi kuasa nu dosa riara ntaita.

1 Korintus 9:21

Ivesia muni ane yaku nosanggani-nggani nte tona ledo nisanina Atura-atura agama Yahudi, yaku nokainggu mpo tona ledo nangisani Atura-atura haitu. Patujuku ala mamala kukeni ira momparasaya i Yesus. Tapi nee rauli yaku ledo nangoseaka parenta-parenta nu Alatala, apa yaku hii mpuu-mpuu nangoseaka parenta-parenta i Kristus!

Galatia 3:10

Isema-sema nanjarumaka majadi manoa ri panggita nu Alatala sabana nioseakana Atura agama, iamo rahuku nu Alatala. Nisanita haitu sabana riara Buku Gasa nitulisi ivei: “Isema-sema ledo natutu nangoseaka pura-pura parenta nitulisi riara Buku Atura Agama, iamo rahuku nu Alatala.”

Galatia 3:22

Tapi niuli ri Buku Gasa, pura-pura manusia nikuasai nu dosa. Jadi, ledo ria dala ntanina mompakanoa kita ri panggitaNa, aga momparasaya i Yesus Kristus. Katuvua mabelo nijanji nu Alatala radekeiNa ka isema-sema nomparasaya.

Yakobus 2:10

Apa ane rapasimbukuta mangoseaka pura-pura atura nu Alatala, bo nau aga sangaya raliunakata, nasimbayu mpo niliunakata pura-pura atura haitu.