Roma 16:7 - Kaili Ledo

⁷ Pakavote tabeku ka i Andronikus bo i Yunias, sampesuvuku toYahudi. Ira muni nitarunggu nosanggani-nggani ante yaku bara ipia. Pura-pura suro i Yesus nombabila ira. Dopame yaku nomparasaya i Yesus, lave nomparasayamo ira.

Roma 16:7 ပူးပေါင်းရင်းမြစ်များ

Yohanes 14:20

Ane makavamo tempo haitu, rasanimiumo Yaku nosangu ante TuamaKu bo komiu muni nosangu ante Yaku, bo Yaku nosangu ante komiu.

Yohanes 15:2

Tinggu-tingguKu anu ledo novua nikoto bo nitedakaNa. Tapi tinggu-tinggu novua nipegasaNa pakabelo-belo ala mantambai kadea vuana.

Yohanes 6:56

Isema-sema mangande isi karoKu bo manginu raaKu, iamo maroo mosangu rara ante Yaku bo Yaku maroo mosangu rara ante ia.

Roma 16:10

Pakavote tabeku ka i Apeles. Nadea kasusa nirasaina, tapi ia bate-batena nangoseaka i Kristus. Bo pakavote tabeku ka gi Aristobulus sambanua.

Roma 16:11

Pakavote tabeku ka i Herodion, roaku toYahudi, bo muni ka sampesuvuku sampomparasaya ri banua i Narkisus.

Roma 16:21

I Timotius, roaku sampokarajaa nompakavote tabe ka komiu. Ivesia muni i Lukius, i Yason bo i Sosipater, roa-roaku toYahudi.

Roma 16:3

Pakavote tabeku ka i Priskila bo i Akwila. Ira njamboko roaku sampokarajaa nanggeni Kareba Belo i Yesus Kristus.

Roma 16:6

Bo pakavote muni tabeku ka i Maria. Ia nokarajaa ntamo ka komiu.

Roma 16:8

Pakavote tabeku ka i Ampliatus anu nipotoveku, apa kami randua nosangu rara nte Tupu.

Roma 16:9

Pakavote tabeku ka i Urbanus, roata sampokarajaa nompatolele Kareba i Kristus. Bo pakavote tabeku ka i Stakhis nipotoveku.

Roma 8:1

Jadi sii-sii domo ria pehuku rapambela ka tona nosangu rara ante i Yesus Kristus.

Roma 8:11

Alatala nompakatuvu mpanjili i Yesus ante kuasa Nosa Gasa, bo Nosa Gasa muni nonturo riara ntaita. Jadi nau karota mamate, Alatala mompakatuvu mpanjili karota ante kuasa Nosa Gasa anu nonturo riara ntaita.

Roma 9:3

Ane rapana mamala, aginapa yaku rapindasi nu Alatala bo rapopogaa lako nte i Kristus, asaa sampesuvuku toYahudi momparasaya.

1 Korintus 1:30

Lako nte Alatala sampe kita najadi nosangu rara ante i Yesus Kristus. Bo lako nte i Kristus sampe nisanita kapande nu Alatala. Ia nompoposinggabelo kita ante Alatala sampe kita najadi todea nagasa nipatani ka Alatala. Bo Iamo nombakabasaka kita lako ri pura-pura anu nadaa.

2 Korintus 11:23

Batua i Kristus ira? Tesaku hitu eva tesa ntogila! Yaku batua i Kristus anu nelabi nabelopa pade ira! Nantamopa pokarajaaku pade pokarajaara! Nasaropa yaku nisuaraka riara ntarunggu pade ira! Yaku nicambu pakandasapa pade ira, bo nadea ngganimo yaku sakidepa namate!

2 Korintus 12:2

Sapulu pata-mpae naliu, naria saito topangoseaka i Kristus niposisaniku anu niore hau ri ponturo nu Alatala ri suruga. Ledo nisaniku ane karona mpuu-mpuu neore atau aga anu nipopakita ka ia. Aga Alatala nangisanina.

2 Korintus 5:17

Ane tona nosangu rara ante i Kristus, ia najadi manusia nabaru. Katuvuna nggaulu naliumo bo katuvuna nabaru mpuu-mpuu nariamo.

2 Korintus 5:21

I Kristus ledo ntoto nadosa. Tapi Alatala nompoposimbuaka ka Ia dosata bo nipoviaNa Ia mpo tona nadosa ala manjambei kita. Alatala novia haitu ala kita anu nosangu rara nte i Kristus majadi manoa ri panggitaNa.

Galatia 1:22

Sampe ri tempo haitu, todea topomparasaya i Kristus ri bagia Yudea dopa nisanira lenjeku.

Galatia 2:2

Yaku hau ri Yerusalem sabana naria tesa nu Alatala nombatudu yaku hau. Nakavapa hamai, yaku aga nasiromu ante pakeni-pakeni ntodea topomparasaya, bo nipopaisaniku ka ira isi Kareba Belo anu nipatoleleku ka tona ledo toYahudi. Nakini raraku mbelaka rasalaira pepatudukiku sampe domo maria gunana pokarajaaku mompatolele Kareba Belo, nau anu nipoviaku bara ipia, atau anu da nipoviaku sii-sii.

Galatia 2:6

Jadi pakeni-pakeni ntodea topomparasaya anu nireke nalanga nturora nasituju ante Kareba Belo nipatoleleku. (Nau nalanga panggana nau ledo, nasimbayu ri panggitaku, sabana Alatala ledo nompelenje.) Ledo ria nuapa-nuapa nitambaira ka Kareba haitu.

Galatia 5:6

Ane nosangu rara ante i Yesus Kristus kita, ledo ria gunana kita nisuna atau ledo nisuna. Aga nomparasaya i Kristus noguna. Bo ane kita mpuu-mpuu nomparasaya, rapotoveta roata.

Galatia 6:15

Ledo ria gunana nisuna atau ledo nisuna. Anu nopoko, Alatala nompajadi kita manusia nabaru.

Efesus 2:10

Kita hii nipajadi nu Alatala manusia nabaru anu nosangu rara nte i Yesus Kristus. Patuju nu Alatala novia ivehaitu ala kita mompakule mokainggu mabelo, mpo nipakatantuNa mami ka kita lako ri nggauluname.

Kolose 4:10

Tabe lako nte i Aristarkhus anu nosanggani ante yaku nitarunggu ri sii. Bo tabe lako nte i Markus sampesuvu i Barnabas. Toramo anu nitevaiku ka komiu bara ipia: ane ia tou nte komiu ri situ, tarimamo ia ante mabelo.

Filemon 1:23

Tabe lako nte i Epafras, anu nosanggani-nggani ante yaku riara ntarunggu sabana nompatolele kareba i Yesus Kristus.

1 Yohanes 4:13

Alatala nombadekei Nosa GasaNa ka kita. Sia sampe nisanita kita natuvu nosangu rara ante Alatala bo Ia natuvu riara ntaita.

1 Yohanes 5:20

Nisanita muni i Yesus, Ana nu Alatala, nakava ri dunia hitu mompakanoto rarata ala kita mamala mosisani belo ante Alatala anu nakana. Kita natuvu nosangu rara nte Alatala anu nakana sabana kita natuvu nosangu rara nte AnaNa, i Yesus. Iamo Alatala anu nakana bo Iamo nombadekei katuvua nabelo sampe ri kasae-saena.

Pompakita 1:9

Yaku hii i Yohanes, sampesuvumiu sampomparasaya. Yaku nombarasai susa bo pari nasimbayu ante pura-pura topangoseaka i Yesus, bo yaku muni najadi todea riara PoparentaNa nasimbayu ante pura-pura topangoseaka i Yesus, bo yaku muni nosabara tempo nipandasa, nasimbayu ante pura-pura topangoseaka i Yesus. Yaku nitaniaka ri levuto Patmos, sabana nompatolele Tesa nu Alatala bo pepatuduki i Yesus.