Roma 16:6 - Kaili Ledo

⁶ Bo pakavote muni tabeku ka i Maria. Ia nokarajaa ntamo ka komiu.

Roma 16:6 ပူးပေါင်းရင်းမြစ်များ

Matius 27:55

Nadea mombine neangga nakavao sakide nantara kajadia-kajadia haitu. Iramo mombine-mombine anu nangoseaka i Yesus bo nantulungi Ia nompamula lako ri pokarajaaNa ri bagia Galilea.

Matius 5:47

Bo ane komiu aga nabelo nte roamiu mboto, natantumo pokainggumiu haitu ledo mbeki ratoiya. Nau tona ledo nosisani nte Alatala nabelo nte roara mboto!

Roma 16:12

Pakavote muni tabeku ka i Trifena bo i Trifosa. Randua mombine haitu nokarajaa ntamo ka Tupu. Bo pakavote tabeku ka i Persis anu nipotoveta. Ia muni mombine anu nokarajaa ntamo ka Tupu.

Roma 16:5

Pakavote muni tabeku ka todea topomparasaya anu nodade ri banuara. Pakavote tabeku ka i Epenetus nipotoveku. Iamo tona paratama nomparasaya i Yesus Kristus ri propinsi Asia.

Roma 16:7

Pakavote tabeku ka i Andronikus bo i Yunias, sampesuvuku toYahudi. Ira muni nitarunggu nosanggani-nggani ante yaku bara ipia. Pura-pura suro i Yesus nombabila ira. Dopame yaku nomparasaya i Yesus, lave nomparasayamo ira.

1 Tesalonika 5:12

Sampesuvu-sampesuvuku, kami merapi komiu mombabila pakeni-pakeni anu nokarajaa ntamo ri tatangamiu, haitumo ira anu nipelisi nu Alatala manggeniaka komiu bo mompatuduki komiu.

1 Timotius 5:10

Bo nisani ntonamo pokaingguna nabelo. Jonjona: nipakambasona pakabelo anana, nadamba rarana nantarima torata riara banuana, nijampangina topomparasaya, nitulungina tona nasusa, bo ia nabiasamo novia mpengaya-ngaya anu nabelo.