Roma 16:3 - Kaili Ledo

³ Pakavote tabeku ka i Priskila bo i Akwila. Ira njamboko roaku sampokarajaa nanggeni Kareba Belo i Yesus Kristus.

Roma 16:3 ပူးပေါင်းရင်းမြစ်များ

Suro-Suro 18:26

Ledo naeka rara i Apolos notesa ri banua petupu ntoYahudi. Tempo i Priskila bo i Akwila nangepe ia, nikeniramo ia hau ri banuara. Bo ri sia nitesakara pakalanto nia nu Alatala mompakasalama manusia sabana anu nipovia i Yesus.

Roma 16:10

Pakavote tabeku ka i Apeles. Nadea kasusa nirasaina, tapi ia bate-batena nangoseaka i Kristus. Bo pakavote tabeku ka gi Aristobulus sambanua.

Roma 16:4

Ira sakidepa namate nantulungi yaku. Yaku nosukuru nte ira, bo ledo aga yaku, tapi pura-pura todea topomparasaya anu ledo toYahudi.

Roma 16:7

Pakavote tabeku ka i Andronikus bo i Yunias, sampesuvuku toYahudi. Ira muni nitarunggu nosanggani-nggani ante yaku bara ipia. Pura-pura suro i Yesus nombabila ira. Dopame yaku nomparasaya i Yesus, lave nomparasayamo ira.

Roma 16:9

Pakavote tabeku ka i Urbanus, roata sampokarajaa nompatolele Kareba i Kristus. Bo pakavote tabeku ka i Stakhis nipotoveku.

Roma 8:1

Jadi sii-sii domo ria pehuku rapambela ka tona nosangu rara ante i Yesus Kristus.

Roma 8:11

Alatala nompakatuvu mpanjili i Yesus ante kuasa Nosa Gasa, bo Nosa Gasa muni nonturo riara ntaita. Jadi nau karota mamate, Alatala mompakatuvu mpanjili karota ante kuasa Nosa Gasa anu nonturo riara ntaita.

Roma 8:2

Apa Nosa Gasa anu nanggeni kita natuvu nosangu rara nte i Yesus Kristus, nombakabasaka kita lako ri kuasa dosa bo kamatea.

1 Korintus 16:16

pekoumo nte tona ivehaitu bo nte pura-pura tona nokarajaa ntamo nosanggani-nggani nte ira nantulungi todea topomparasaya.

1 Korintus 16:19

Nadea tabe lako nte todea topomparasaya ri propinsi Asia. Bo tarima muni nadea tabe lako nte i Akwila bo i Priskila nosanggani-nggani ante todea topomparasaya anu nasiromu ri banuara, apa komiu pura-pura nosampesuvu sabana pomparasayamiu i Pue Yesus.

2 Korintus 12:2

Sapulu pata-mpae naliu, naria saito topangoseaka i Kristus niposisaniku anu niore hau ri ponturo nu Alatala ri suruga. Ledo nisaniku ane karona mpuu-mpuu neore atau aga anu nipopakita ka ia. Aga Alatala nangisanina.

2 Korintus 5:17

Ane tona nosangu rara ante i Kristus, ia najadi manusia nabaru. Katuvuna nggaulu naliumo bo katuvuna nabaru mpuu-mpuu nariamo.

Galatia 1:22

Sampe ri tempo haitu, todea topomparasaya i Kristus ri bagia Yudea dopa nisanira lenjeku.

Filipi 2:25

Ane sampesuvuta i Epafroditus, anu nitudumiu bara ipia tumai mombatulungi yaku, nipekiriku kana kutudu manjili tou nte komiu vai ia. Ia roaku sampokarajaa anu nosanggani-nggani ante yaku nompatolele Kareba Belo i Kristus nau nieva ntona.

Kolose 4:11

Tabe muni lako nte i Yesus anu nidae i Yustus. Lako ri pura-pura toYahudi anu nomparasaya i Kristus, aga ira tatalu nokajaraa nte yaku sii-sii nangelo tona majadi todea ri Poparenta nu Alatala. Ira mpuu-mpuu nantulungi yaku.

2 Timotius 4:19

Pakavote tabeku ka i Priskila bo Akwila, bo ka gi Onesiforus sambanua.