Roma 16:10 - Kaili Ledo

¹⁰ Pakavote tabeku ka i Apeles. Nadea kasusa nirasaina, tapi ia bate-batena nangoseaka i Kristus. Bo pakavote tabeku ka gi Aristobulus sambanua.

Roma 16:10 ပူးပေါင်းရင်းမြစ်များ

Roma 14:18

Ane ivesia pangoseakata i Kristus, kita mompakadamba rara nu Alatala, bo roata muni mombabila kita.

Roma 16:3

Pakavote tabeku ka i Priskila bo i Akwila. Ira njamboko roaku sampokarajaa nanggeni Kareba Belo i Yesus Kristus.

Roma 16:7

Pakavote tabeku ka i Andronikus bo i Yunias, sampesuvuku toYahudi. Ira muni nitarunggu nosanggani-nggani ante yaku bara ipia. Pura-pura suro i Yesus nombabila ira. Dopame yaku nomparasaya i Yesus, lave nomparasayamo ira.

Roma 8:11

Alatala nompakatuvu mpanjili i Yesus ante kuasa Nosa Gasa, bo Nosa Gasa muni nonturo riara ntaita. Jadi nau karota mamate, Alatala mompakatuvu mpanjili karota ante kuasa Nosa Gasa anu nonturo riara ntaita.

1 Korintus 11:19

Komiu kana matebagi-bagi mami ala rasani isema komiu mpuu-mpuu nangoseaka i Yesus!

2 Korintus 12:2

Sapulu pata-mpae naliu, naria saito topangoseaka i Kristus niposisaniku anu niore hau ri ponturo nu Alatala ri suruga. Ledo nisaniku ane karona mpuu-mpuu neore atau aga anu nipopakita ka ia. Aga Alatala nangisanina.

2 Korintus 2:9

Ri suraku bara ipia nituduku komiu mombahuku ia. Patujuku notulisi sura haitu ala kusani bara raoseakamiu pura-pura parentaku bara ledo.

2 Korintus 5:17

Ane tona nosangu rara ante i Kristus, ia najadi manusia nabaru. Katuvuna nggaulu naliumo bo katuvuna nabaru mpuu-mpuu nariamo.

2 Korintus 8:22

Nitudu kami munimo saitopa sampesuvu ntanina mosangganika gi Titus. Nadea ngganimo nipopakitana kaoge nu rarana mantulungi tona ntanina. Bo sii-sii naoge mpuu rarana mantulungi komiu mompasiayu pompasiromu doi petulungi haitu, sabana ia mpuu-mpuu nanjarumaka komiu muni madota mombatulungi tona napakasi.

Galatia 1:22

Sampe ri tempo haitu, todea topomparasaya i Kristus ri bagia Yudea dopa nisanira lenjeku.

Filipi 2:22

Nisanimiu mbotomo i Timotius namala raparasaya. Ia nokarajaa ntamo nosanggani-nggani ante yaku nompatolele Kareba Belo nasimbayu mpo ngana nantulungi tuamana.

1 Timotius 3:10

Dopame ia raanggataka, ia kana raparesa ntani ruru. Bo ane nikita ledo ria pokaingguna nasala, pade mamala ia raanggataka majadi topotulungi pakeni ntopomparasaya.

2 Timotius 4:19

Pakavote tabeku ka i Priskila bo Akwila, bo ka gi Onesiforus sambanua.

1 Petrus 1:7

Patuju nu pesori-pesori haitu ala rasani kaliangu pomparasayamiu. Bulava nigonu ante apu ala rasani bara maria galona bara ledo. Pomparasayamiu noalipa pade bulava anu namala magero. Jadi pomparasayamiu kana rapesori muni ante mpengaya pesori. Bo ane pomparasayamiu mpuu-mpuu maliangu, komiu ratoiya bo rabila bo rapakaoge tempo i Yesus Kristus makava mpanjili ri dunia.