Roma 15:32 - Kaili Ledo

³² Kuperapi muni, ane rapodota nTupu, yaku mamala tou mesai nte komiu ante damba nu raraku, bo kita mamala mosipakavoe rarata.

Roma 15:32 ပူးပေါင်းရင်းမြစ်များ

Suro-Suro 18:21

Ia nopalakana nte ira bo nanguli, “Ane rapodota nu Alatala, tumai vai yaku.” I Priskila ante i Akwila naboli ri Efesus tapi i Paulus nesavi kapala ntasi bo napola sampe ri ngata Kaisarea.

Suro-Suro 27:1

Naupu haitu Gubernur Festus nompakatantu i Paulus bo kami anu nomporoa ia, kana mesavi kapala ntasi hau ri ngata Roma ri propinsi Italia. Jadi i Paulus ante bara sako-ndua tona ntanina anu nitavani, niparasayaka i Yulius, saito balengga ntantara lako ri tantara-tantara Magau Mbaso.

Roma 15:29

Bo nisaniku ane yaku makava nte komiu, natantumo madea belo lako nte i Kristus kukeni ka komiu.

1 Korintus 16:18

Ira nompakasana raraku nasimbayu mpo raramiu nipakasanara muni. Haitu sampe kuperapi nte komiu, bilamo tona ivehaitu!

1 Korintus 4:19

Tapi ane rapodota nTupu, masalisa yaku tou nte komiu. Bo ane makava yaku, kupeinta mboto nuapa rapovia ntona nalanga rarana haitu. Kupeinta ira bara mpuu-mpuu nakuasa atau aga notesa nggoo.

2 Korintus 7:13

Jadi, narosomo rara kami nangepe anu nipoviamiu naupu nibacamiu sura kami. Rara kami nipakaroso mpuu, bo nelabipa vai kadamba rara kami nanggita kadamba rara i Titus. Apa tempo nipeliodana komiu ri Korintus, rarana mpuu-mpuu naleva nanggita pokainggumiu.

2 Timotius 1:16

Tapi kuperapi i Pue Yesus maasi mataNa nte gi Onesiforus sambanua, sabana nadea ngganimo ia nakava nompakadamba raraku. Nau yaku nitarunggu, ledo naeya matana nanggita yaku.

Filemon 1:20

Sampesuvuku, kita nomparasaya i Kristus, jadi kuperapi ala iko movia anu noguna ka yaku, haitumo, tarima mpanjilimo i Onesimus ala madamba raraku sabana posampesuvuta sampomparasaya.

Filemon 1:7

Sampesuvuku, nadamba mpuu yaku, bo raraku nipakaroso nangepe pepotovemu ka todea nu Alatala. Bo petulungimu mpuu-mpuu nompakasana rarara!

Yakobus 4:15

Aginapa komiu manguli ivei: “Ane rapodota nTupu, kami matuvu bo movia anu hitu, bara anu haitu.”