Roma 15:31 - Kaili Ledo

³¹ Posambayamo ala yaku ledo rapakadaa ntoYahudi ri bagia Yudea anu ledo nomparasaya i Yesus. Bo posambayaka munimo ala topomparasaya ri Yerusalem mantarima mabelo doi petulungi kukeni hitu.

Roma 15:31 ပူးပေါင်းရင်းမြစ်များ

Suro-Suro 22:24

Haitu sampe tadulako Magau Mbaso nomparenta ala i Paulus rakeni riara asrama tantara. Patujuna, i Paulus racambu bo raparesa ri sia ala rasani nuapa sabana toYahudi nongare-ngare ivesia ka ia.

Suro-Suro 25:2

Nakava sumai, balengga-balengga ntopanggeni pesomba bo pakeni-pakeni ntoYahudi nakava nte ia mombatesa parakara i Paulus ka ia. Ira mpuu-mpuu nerapi nte i Festus,

Suro-Suro 25:24

Nakavapa i Paulus, nangulimo i Festus, “Magau Agripa, bo pura-pura tona naria ri sii. Peintamo tona hitu! Pura-pura toYahudi nompangadu ia ri ngayoku, tona lako ri ngata Yerusalem, bo tona naria ri sii ri Kaisarea. Ira nongare-ngare nanguli ia masipato rahuku mate.

Suro-Suro 9:13

Nesanamo i Ananias, “Pue, niepeku nadea tona notesa i Saulus haitu. Niulira nadea mpuu todeaMiu nipandasana ri ngata Yerusalem

Suro-Suro 9:15

Tapi nanguli i Pue, “Koimo! Apa nipelisiKumo ia mokarajaa ka Yaku mompatolele karebaKu ka tona ledo noagama Yahudi, ka magau-magau bo ka todea toIsrael muni.

Roma 15:25

Tapi yaku hau ri ngata Yerusalem ntani ruru. Apa topomparasaya i Yesus ri propinsi Makedonia bo Akhaya nompakatantu mompakatu doi petulungi ka topomparasaya napakasi ri ngata Yerusalem. Jadi, yaku manggeni petulungira haitu hau ri Yerusalem.

1 Korintus 16:15

Sampesuvu-sampesuvu, natantu nisanimiumo i Stefanus sambanua. Ira tona pamulana nomparasaya i Yesus ri propinsi Akhaya, bo ira nompasimbuku ante mpuu-mpuu rarara mantulungi todea nu Alatala. Jadi sampesuvu-sampesuvu, kuperapi nte komiu ante mpuu-mpuu raraku,

2 Korintus 1:10

Jadi sampesuvu-sampesuvu, Alatala nompakasalama kami lako ri pepandasa anu nompakaviora rara haitu, sampe kami ledo namate. Bo Iamo bate-batena mompakasalama kami. Iamo nisarumaka kami bate-batena mompakasalama kami nggani-nggani kami mombarasai kasusa bo kapari.

2 Korintus 8:4

Dotara mboto, ira nerapi nte kami ante rarara mpuu-mpuu ala ira muni radekeika loga mombatulungi topomparasaya napakasi ri bagia Yudea.

2 Korintus 9:1

Kakanana ledo paraluu ntoto kutulisi ka komiu doi petulungi ka topomparasaya napakasi ri Yudea.

2 Korintus 9:13

Apa ane rakitara pedekei petulungimiu haitu, ira mantoiya bo mombabila Alatala, sabana rakitara komiu mpuu-mpuu nomparasaya Kareba Belo i Kristus bo natundu nte parentaNa. Bo ratoiyara Alatala sabana komiu ledo mpuu natove raramiu nobagi ka ira bo ka tona ntanina anu naria nte komiu.

1 Tesalonika 2:15

ToYahudi anu ledo nomparasaya haitumo nompatesi i Pue Yesus bo nabi-nabi nu Alatala bo ira muni nompandasa kami. Ira nangeva pura-pura manusia bo Alatala ledo ntoto nadamba nte ira.

2 Tesalonika 3:2

Posambayaka muni ala kami rakabasaka lako ri tolia ntona natenggo bo nadaa rarana, apa ledo pura-pura tona nomparasaya Tesa nu Alatala.

2 Timotius 3:11

Nipeintamu mbotomo berimba yaku naroo tempo yaku nipandasa bo nipakasusa evamo najadi ri karoku ri ngata-ngata Antiokhia, Ikonium, bo Listra bara ipia. Yaku mpuu-mpuu nipandasa, tapi Tupu bate-batena nompakasalama yaku lako ri pura-pura kasusaku haitu.

2 Timotius 4:17

Tapi i Pue Yesus nantulungi yaku, bo Ia nompakaroso yaku sampe nipakuleku nompatolele pura-pura Kareba Belo ka pura-pura tona anu ledo toYahudi ri sii. Kaupuna yaku nikabasaka lako ri kuasa ntona madota mompatesi yaku.