Roma 15:30 - Kaili Ledo

³⁰ Sampesuvu-sampesuvu, kita nosangu rara ante Tuputa Yesus Kristus bo kita nosimpotove sabana pokarajaa Nosa Gasa riara ntaita. Sabana haitu, kuperapi nte komiu, pekakaimo mpuu-mpuu nte Alatala mosanggani-nggani ante yaku, mosambaya ka yaku.

Roma 15:30 ပူးပေါင်းရင်းမြစ်များ

2 Korintus 1:11

Nisani kami ane komiu muni mantulungi mosambayaka kami, Alatala bate-batena mompakasalama kami riara kasusa. RadekeiNa belo ka kami sabana madea tona mosambaya ka kami. Bo madea tona manguli tarima kasi ka Ia ane rakitara nipoiyoNa pomperapira ka kami.

2 Korintus 12:10

Jadi ane nalente yaku, nadamba yaku. Ane yaku rasalai, atau mapepa atau rapandasa, atau rapakasusa sabana yaku nangoseaka i Kristus, nadamba yaku. Apa ane nalente yaku, kuasa i Kristus mpuu-mpuu nompakaroso yaku.

2 Korintus 4:11

Ane da matuvupa kami, da mariapa tona madota mompatesi kami sabana kami nangoseaka i Yesus. Haitu najadi ala malanto i Yesus natuvu mpanjili, apa kuasaNa rakita riara nggatuvu kami anu mamate.

2 Korintus 4:5

Kareba nipatolele kami haitu ledo kareba karo kami mboto. Tapi kareba haitu nompakalanto i Yesus Kristusmo Tuputa pura-pura, bo kami hitu najadi batua nisuro i Yesus mombatulungi komiu.

Galatia 5:22

Tapi ane tona nikeniaka Nosa Gasa nu Alatala, iveimo inggura: ira nosimpotove, ira nadamba bo natinonto rarara. Ira nosabara, nalusu bo nabelo rarara nte tona ntanina. Ira namala raparasaya,

Efesus 6:19

Bo posambayaka muni yaku ala tempo yaku motesa, Alatala mombadekei ka yaku tesa-tesa masipato, bo nau bara nuapa majadi, yaku mabia mompatolele Kareba Belo anu ledo nisani ntona nggaulu.

Filipi 2:1

Jadi sampesuvu-sampesuvu, nisaniku narosomo pomparasayamiu sabana komiu nosangu rara ante i Kristus. Raramiu nipakavoe sabana komiu nipotoveNa. Komiu nasintuvu ante Nosa Gasa nu Alatala bo komiu muni nosimpotove bo nosipoasi mata.

Kolose 1:8

Iamo nanguli ka kami, komiu nosimpotove sabana pekeniaka Nosa Gasa.

Kolose 2:1

Jadi, kana rasanimiu yaku nompasimbuku mpuu nantulungi komiu bo tona ri ngata Laodikia, bo pura-pura tona anu dopa nosisani ante yaku.

Kolose 4:12

Bo tabe muni lako nte i Epafras, batua i Yesus Kristus lako ri ngatamiu mboto. Ia bate-batena nekakai nte Alatala ante mpuu-mpuu rarana ala ledo molengga-lengga pomparasayamiu, bo ala komiu majadi topomparasaya anu ledo makura nuapa-nuapa ri panggita nu Alatala, bo ala komiu maroo mangoseaka pura-pura dota nu Alatala.

1 Tesalonika 5:25

Sampesuvu-sampesuvu, tulungi posambayaka kami.

2 Tesalonika 3:1

Kapolana, sampesuvu-sampesuvu, posambayakamo kami. Perapi nte Alatala ala TesaNa masalisa matolele bo ratarima mabelo, mpo anu najadi nte komiu bara ipia.

2 Timotius 4:1

Timotius, petevai hitu niuliku nte mpuu-mpuu raraku. Makava tempona i Yesus Kristus makava mpanjili momparenta ri dunia hitu, bo ratangaraNa pura-pura manusia, tona da natuvu bo tona namatemo. Jadi, kuuli ka iko ri ngayo nu Alatala bo i Yesus Kristus anu nanggita pura-pura poviata: