Roma 15:27 - Kaili Ledo

²⁷ Niara haitu nipoviara lako ri dotara mboto, ledo nipasuu. Tapi kakanana, masipato muni ira mantulungi roara toYahudi sampomparasaya. Apa lako ri toYahudi sampe tesa nu Alatala nikeni ka tona ledo toYahudi. Jadi masipato mpuu tona ledo toYahudi mantulungi toYahudi ante mbara-mbara lako ri dunia hitu.

Roma 15:27 ပူးပေါင်းရင်းမြစ်များ

Matius 6:12

Bo ampungi sala kami, nasimbayu eva kami muni nombaampungi tona novia sala nte kami.

Roma 11:17

ToYahudi namala nirapaka kayu zaitun nipiara nu Alatala. Bo sanu tingguna nikotosi nu Alatala. Komiu tona ledo toYahudi anu nomparasaya i Yesus, nirapaka tinggu-tinggu lako ri kayu zaitun anu ledo nipiara. Tinggu-tinggu haitu niala nu Alatala bo nipatakaNa ri bela ntinggu nikotoNa pangane ala tinggu-tinggu nabaru haitu matuvu bo movua lako ri kayu nipiaraNa. Ivesiamo komiu nantarima belo lako nte Alatala, nasimbayu mpo belo nitarima ntoYahudi nggaulu.

Roma 7:14

Sampesuvu-sampesuvu, nisanita Atura agama mpuu-mpuu nabelo sabana Atura haitu lako nte Nosa Gasa nu Alatala. Tapi yaku hii aga manusia nalente, yaku nipobatua nu dosa.

1 Korintus 9:11

Kami suro-suro i Yesus nombasavu Tesa nu Alatala riara ntaimiu. Jadi, ledo masipato kami manjarumaka petanggumiu sakide?

Galatia 6:6

Tona nipatudukika Tesa nu Alatala masipato mantulungi topompatuduki ia, bo mombabagi ka ia nuapa-nuapa nabelo naria nte ia.

Filemon 1:19

Yaku i Paulus, notulisi tesa hitu ante paleku mboto. Yaku mombabayari indana pura-pura ka iko. Kakanana iko mboto noinda nte yaku sabana lako nte yaku sampe iko nanggava katuvua nabaru.