Roma 14:23 - Kaili Ledo

²³ Tapi ane nonggai rarata nangande, nasala kita ane rakandeta kandea haitu, apa ledo nioseakata anu niparasayata. Bo nuapa-nuapa nipoviata anu ledo nangoseaka pomparasayata, pokainggu haitu dosa.

Roma 14:23 ပူးပေါင်းရင်းမြစ်များ

Roma 13:2

Jadi isema-sema mangeva pomarenta, nangeva anu nipakatantu nu Alatala mboto. Bo isema-sema mangeva pomarenta natantumo rahuku.

Roma 14:5

Naria muni topomparasaya nanguli naria eo nopokopa pade eo-eo ntanina. Tapi topomparasaya ntanina nanguli pura-pura eo nasimbayu. Ledo nakuya, asaa pura-pura tona mpuu-mpuu nomparasaya riara ntaira Alatala nompokono anu nipoviara.

1 Korintus 8:7

Tapi naupa ivesia, ledo pura-pura topomparasaya nangisani anu haitu. Dopame ira nomparasaya i Kristus, sanu topomparasaya nabiasa nompakande tupu-tupu ntanina. Jadi sampe sii-sii ane rakandera kandea anu nipakande ka tupu-tupu ntanina, kandea haitu nirekera mpuu-mpuu kandea nu tupu-tupu haitu. Ane mangande kandea haitu, nirasaira nadosa, apa dopa naroso pomparasayara.

Titus 1:15

Ane tona nagasa rarana, pura-pura poviana nagasa. Tapi ane tona nadaa pekirina bo ledo nomparasaya Alatala, ledo ria poviana nuapa-nuapa nagasa, sabana pekiri bo rara ntaira nadaa mami.

Ibrani 11:6

Ledo ria saitoa namala rapodamba nu Alatala ane ledo ria pomparasayana. Apa isema-sema madota metupu nte Alatala, kana raparasayana naria Alatala. Bo kana raparasayana muni Alatala mombadekei belo ka tona nangelo Ia ante rara mpuu-mpuu.