Roma 14:22 - Kaili Ledo

²² Ane niparasayata pokaingguta haitu ledo nasala, aginamo rabolita pomparasayata haitu riara ntaita ri ngayo nu Alatala. Nasana mpuu kita ane nipoviata anu niparasayata riara ntaita nabelo, bo ane pekiri rara ntaita mboto ledo nanjalai kita.

Roma 14:22 ပူးပေါင်းရင်းမြစ်များ

Suro-Suro 24:16

Haitumo sabana yaku nasaro nompasimbuku mokainggu nabelo ala ledo maria nuapa-nuapa nipoviaku masala ri panggita nu Alatala bara ri panggita nu manusia.

Roma 14:14

Yaku nosangu rara ante i Pue Yesus, jadi nisaniku mpuu ledo ria kandea nuapa-nuapa nipopali ri panggita nu Alatala. Tapi ane maria tona nomparasaya sangaya kandea nipopali, ia mpuu-mpuu masala ane rakandena.

Roma 14:2

Rapana, naria tona nomparasaya ia namala mangande mpengaya-ngaya kandea. Tapi tona ntanina anu dopa naroso pomparasayana, nanguli ledo nipokono nu Alatala kita mangande bau, aga uta-uta mamala rakandeta.

Roma 14:23

Tapi ane nonggai rarata nangande, nasala kita ane rakandeta kandea haitu, apa ledo nioseakata anu niparasayata. Bo nuapa-nuapa nipoviata anu ledo nangoseaka pomparasayata, pokainggu haitu dosa.

Roma 14:5

Naria muni topomparasaya nanguli naria eo nopokopa pade eo-eo ntanina. Tapi topomparasaya ntanina nanguli pura-pura eo nasimbayu. Ledo nakuya, asaa pura-pura tona mpuu-mpuu nomparasaya riara ntaira Alatala nompokono anu nipoviara.

Roma 2:1

Jadi sampesuvu-sampesuvu, ane komiu nompakasala tona ntanina, ledo mamala raulimiu <> Apa pokainggumiu mboto nasimbayu nte pokainggura. Jadi ane komiu nompakasala tona ntanina, batuana komiu nompakasala karomiu mboto.

Roma 7:15

Ledo ntoto nipahaku pokaingguku mboto. Pokainggu nabelo anu nipokonoku kupovia, ledo sia nipoviaku. Pokainggu anu nipovuu mataku, haitumo nipoviaku!

Roma 7:24

Nasilaka mpuumo yaku! Isemamo mamala mombakabasaka yaku lako ri karo anu nanggeni kamate hitu?

1 Korintus 8:7

Tapi naupa ivesia, ledo pura-pura topomparasaya nangisani anu haitu. Dopame ira nomparasaya i Kristus, sanu topomparasaya nabiasa nompakande tupu-tupu ntanina. Jadi sampe sii-sii ane rakandera kandea anu nipakande ka tupu-tupu ntanina, kandea haitu nirekera mpuu-mpuu kandea nu tupu-tupu haitu. Ane mangande kandea haitu, nirasaira nadosa, apa dopa naroso pomparasayara.

2 Korintus 1:12

Nadamba mpuu rara kami apa nisani kami nabula rara kami. Kami nasaro nokainggu nanoa nte tona pura-pura, nelabipa nte komiu. Pura-pura anu nipovia kami, ledo ria nuapa-nuapa nitabuniaka kami. Patuju kami nanoa, nangoseaka dota nu Alatala. Pokainggu kami ledo nangoseaka kapande nu manusia, tapi nangoseaka pompakule nidekei nu Alatala.

Galatia 6:1

Sampesuvu-sampesuvu, ane rakavamiu roamiu sampomparasaya novia dosa, komiu anu natuvu nangoseaka Nosa Gasa nu Alatala kana manggeni ia manjili ri dala nakana. Tapi tesamiu ledo mamala makasara, kana malusu raramiu motesa ka ia. Bo pakabelo-belo! Nee sampe komiu mboto manavu riara dosa!

Yakobus 3:13

Ane maria nte komiu tona nabelo pekirina bo nanoto rarana, ia kana mompopakita notona ante pokaingguna nabelo. Noto pompekirina haitu kana rapopakitana ante pokainggu nabelo anu neumba lako ri kaede rarana, mpo masipato ka tona nanoto rarana.

1 Yohanes 3:21

Jadi sampesuvu-sampesuvu nipotoveku, ane rara ntaita ledo nompakasala kita, ledo makaja rarata merapi nte Alatala.