Roma 13:7 - Kaili Ledo

⁷ Dekei ka pura-pura tona anu masipato radekei ka ira. Bayarimo balasitee ka tona nipakatantu mantarima balasitee. Bo bayarimo bea ka tona nipakatantu mantarima bea. Pekoumo nte tona anu masipato rapekou, bo bilamo tona masipato rabila.

Roma 13:7 ပူးပေါင်းရင်းမြစ်များ

Matius 17:25

Nesana i Petrus, “Iyo, nibayariNa.” Naupu haitu nanjilimo i Petrus hau ri banua niponturora. Nakava hamai, dopame ia notesa nuapa-nuapa nekutanamo i Yesus, “Simon, berimba panggavamu? Isema kakanana masipato mombabayari balasitee ka magau-magau ri dunia hitu? Todeana mboto atau tupu ngata ntanina anu nidagina?”

Matius 22:21

Nesana ira, “Lenje bo sanga Magau Mbaso Kaisar.” Jadi nanguli i Yesus ka ira, “Ane ivesia, dekei ka Magau Mbaso anu masipato radekei ka Magau Mbaso, bo dekei ka Alatala anu masipato radekei ka Alatala!”

Markus 12:17

Pade nanguli i Yesus ka ira, <> Nokumaa mpuumo ira nangepe pesanaNa.

Lukas 20:22

Jadi, uli ka kami: nantuntuni atura-atura agamata, masipato kita mombabayari balasitee ka Magau Mbaso Kaisar atau ledo?”

Lukas 20:25

Nanguli i Yesus ka ira, “Ane ivesia, dekeimo ka Magau Kaisar anu masipato radekei ka Magau Kaisar, bo dekeimo ka Alatala anu masipato radekei ka Alatala.”

Lukas 23:2

Ri sia ira nombarai Ia. Niulikara i Pilatus, “Tona hitu nikava kami nompatuduki tona mangeva pomarenta. NitagiNa tona mombayari balasitee ka Magau Mbaso Kaisar, bo niuliNa Iamo i Kristus, saito Magau.”

Roma 12:10

Posimpotovemo mpo posimpotove ntali sampesuvu. Bila ntanimo roamiu pade karomiu mboto.

Roma 13:6

Ivesia muni sampe kita masipato mombayari balasitee, apa topeparenta nantulungi Alatala tempo ira nompapola bagora.

Efesus 5:33

Tapi tesa hitu nosinggambela muni ante komiu topoberei. Pura-pura langgai kana mompotove bereina nasimbayu mpo pompotovena karona mboto, bo pura-pura mombine kana mompasimbuku mombabila bereina langgai.

Efesus 6:5

Sampesuvu-sampesuvu anu najadi batua, turusimo parenta nu tuamiu anu naria ri dunia hitu. Bilamo ira bo pekoumo nte ira ante mpuu-mpuu raramiu, nasimbayu mpo komiu nekou nte i Kristus mboto.

1 Timotius 5:13

Ledo aga haitu, timbala namuda bara aga majadi tosanda bo aga manjayo-njayo mompene ri sou ntona. Ia ledo aga majadi tosanda ia muni manggeni tesa bo mombagalo urusa ntona ntanina bo motesa mpengaya-ngaya anu nadaa anu ledo masipato ratesa.

1 Timotius 5:17

Pakeni ntodea topomparasaya anu nabelo pekeniakara, masipato rabila ronggani kadeana pade tona ntanina, nelabipa ira anu nompasimbuku mpuu nompatuduki bo nompatolele Tesa nu Alatala.

1 Timotius 6:1

Topomparasaya i Yesus anu najadi batua ntona kana mombabila bo matundu nte tuana ala Alatala ledo rasalai ntona bo pepatudukita nakana ledo rapakadaa ntona.

1 Petrus 3:7

Ivesia muni komiu totua-totua langgai. Komiu kana matuvu mosanggani-nggani ante bereimiu ante pokainggu nanoto. Toramo, mombine ledo nasimbayu karosona ante langgai. Bilamo ira sabana ira muni nidekeika nu Alatala katuvua nabelo sampe ri kasae-saena nasimbayu mpo komiu langgai. Bilamo ira ala ledo maria nuapa-nuapa mombalava posambayamiu.