Roma 13:2 - Kaili Ledo

² Jadi isema-sema mangeva pomarenta, nangeva anu nipakatantu nu Alatala mboto. Bo isema-sema mangeva pomarenta natantumo rahuku.

Roma 13:2 ပူးပေါင်းရင်းမြစ်များ

Matius 23:13

Tapi mandasa mpuumo komiu guru-guru agama bo toFarisi! Komiu aga nabelo ri sumba tapi nadaa riara. Komiu nombalava tona ntanina majadi todea riara Poparenta nu Alatala. Komiu mboto ledo madota raparenta nu Alatala bo ledo nidekeimiu tona ntanina anu madota raparentaNa.

Markus 12:40

Nibagiura timbala-timbala ala mangalasi banuara. Bo nitabuniakara pokainggura nadaa haitu ante nosambaya pakandoe. Mantamo mpuu pehuku ka ira ngena!>>

Lukas 20:47

Nibagiura timbala-timbala ala raalasira banua ntimbala haitu. Bo nitabuniakara pokainggura nadaa ante nosambaya pakandoe. Natantu mantamo mpuu pehuku ka ira ngena!”

Roma 13:1

Pura-pura kita kana matundu nte pomarenta sabana ledo ria pomarenta anu ledo nanggava kuasana lako nte Alatala. Pura-pura pomarenta anu naria nipakakuasa nu Alatala.

Roma 13:3

Apa tona nokainggu nabelo ledo paraluu maeka ka pomarenta. Aga tona nokainggu nadaa masipato maeka ka pomarenta. Jadi ane ledo madota kita matuvu maeka nte pomarenta, kita kana movia anu nabelo, bo kita ratoiya ntopeparenta.

Roma 13:5

Haitu sabana kita masipato mangoseaka parenta nu pomarenta. Kita matundu ala ledo rapambela pehuku. Tapi ledo aga haitu, kita muni matundu sabana pekiri rara ntaita mboto nanguli kita masipato matundu nte pomarenta.

Roma 9:19

Jadi natantumo maria tona mompekutana ivei: <>

Titus 3:1

Popatoramo topomparasaya i Yesus ri situ, ira masipato matundu bo mangoseaka parenta nu pomarenta bo totua-totua ngata. Ira kana masadia mantui pura-pura pokarajaa nabelo.

Yakobus 3:1

Sampesuvu-sampesuvuku, nee madea komiu madota majadi guru agama, apa nisanimiu mantamopa potangara nu Alatala ka guru pade ka tona ntanina.

1 Petrus 2:13

Pekoumo nte pura-pura topoparenta nipakatantu nu manusia, sabana haitumo nipodota i Pue. Pekoumo nte magau mbaso apa ia nalangapa nturona.