Roma 13:1 - Kaili Ledo

¹ Pura-pura kita kana matundu nte pomarenta sabana ledo ria pomarenta anu ledo nanggava kuasana lako nte Alatala. Pura-pura pomarenta anu naria nipakakuasa nu Alatala.

Roma 13:1 ပူးပေါင်းရင်းမြစ်များ

Matius 6:13

Nee rapalamba kami rapesori bo kabasakamo kami lako ri kuasa Magau nu Seta. [Sabana Komiumo Magau nakuasa bo nipokumaaka sampe ri kasae-saena. Amin.]

Yohanes 19:11

Nesana i Yesus, “Ane Alatala ledo mombadekei kuasa ka komiu, komiu ledo mamala mombakuasai karoKu. Jadi dosa ntona anu nanggeni Yaku tumai nte komiu nambasopa pade dosamiu.”

Suro-Suro 2:41

Naupu nangepe tesa i Petrus, nantambaimo kadea ntona nomparasaya i Yesus, bo ira nidiu, tandana ira topangoseaka Ia. Bo ri eo haitu tona nomparasaya i Yesus natetambai talu-njobu kadeana.

Roma 12:21

Nee rabalasi pokainggu ntona nadaa ante pokainggu nadaa. Ane ivesia, nidagimo kita, nidagi nu daa. Aginamo pokainggu nadaa rabalasi ante pokainggu nabelo, ala belota mombadagi anu nadaa.

Roma 13:2

Jadi isema-sema mangeva pomarenta, nangeva anu nipakatantu nu Alatala mboto. Bo isema-sema mangeva pomarenta natantumo rahuku.

Efesus 5:21

Pekoumo nte roamiu ntanina sampomparasaya sabana komiu nombabila i Kristus.

1 Timotius 2:2

Posambayaka muni magau-magau bo pura-pura tona anu nidekeika kuasa momparenta, ala kita mamala matuvu masiayu bo matinonto, bo ala kita maloga metupu nte Alatala bo mokainggu mabelo, anu masipato rabila ntona.

Titus 3:1

Popatoramo topomparasaya i Yesus ri situ, ira masipato matundu bo mangoseaka parenta nu pomarenta bo totua-totua ngata. Ira kana masadia mantui pura-pura pokarajaa nabelo.

Yudas 1:8

Nau naria jonjo pehuku nu Alatala ka tona nadaa pangane, guru-guru mpodava gahaitu batena novia nadaa. Pangipi-pangipira niulira lako nte Alatala, tano mai ledo nakana. Pangipira haitu nanggeni ira novia dosa anu nompakaruto karora mboto. Ira nompandaente kuasa nu Alatala bo nanjalai malaeka anu nipokumaaka ri suruga.

Pompakita 1:5

bo lako nte i Yesus Kristus. Iamo sabi anu namala raparasaya, Iamo tona paratama nipakatuvu mpanjili lako ri kamateNa. Iamo nomparenta pura-pura magau riara dunia. Ia nompotove kita bo nombakabasaka kita lako ri dosata ante raa kamateNa.

Pompakita 17:14

Bo ira mosieva ante Ana Bimba. Tapi Ana Bimba mombadagi ira sabana Iamo Tupu nu pura-pura tupu bo Magau nu pura-pura magau. Bo nosanggani-nggani ante Ana Bimba haitu maria muni topangoseaka-topangoseaka Ia anu nipokioNa bo nipelisiNa, anu natutu nangoseaka Ia.”

Pompakita 19:16

Ri bajuNa bo ri timpuNa nitulisi sangaNa ivei: MAGAU NU PURA-PURA MAGAU, TUPU NU PURA-PURA TUPU.