Roma 12:8 - Kaili Ledo

⁸ Isema-sema nidekeika pompakule mompakaroso rara ntona ntanina, kana rapakarosona mpuu-mpuu. Isema-sema nidekeika pompakule mombadekei anu naria nte ia ka tona ntanina, kana radekeina ante joi rarana. Isema-sema nidekeika pompakule manggeniaka todea, kana rakeniakana ira ante rarana mpuu-mpuu. Isema-sema nidekeika pompakule mompoasi tona nandasa, kana rapoasina ante damba rarana.

Roma 12:8 ပူးပေါင်းရင်းမြစ်များ

Matius 25:40

Bo Yaku, Magau, mesana, ‘Pariaramo tesaKu hitu! Belo nipoviamiu ka sampesuvu-sampesuvuKu hitu, nau tona naede panggana, haitu nasimbayu mpo belo nipoviamiu ka Yaku.’

Suro-Suro 11:23

Nakavapa i Barnabas ri Antiokhia, nadamba mpuu rarana nanggita kabelo nu Alatala nte ira. Jadi nipakarosona rarara ala ira bate-batena mangoseaka i Pue Yesus ante mpuu-mpuu rarara.

Suro-Suro 13:12

Nanggita kajadia haitu, niparasaya nu gubernurmo i Yesus. Nokumaa mpuu ia nangepe tesa i Pue Yesus, anu nipepatudukika i Paulus bo Barnabas.

Suro-Suro 13:15

Naupu nibaca sanggoto lako ri Buku Atura Agama bo Buku Nabi-nabi, pakeni-pakeni ri banua petupu haitu nantudu tona hau mompekutana i Paulus nte roana, “Sampesuvu-sampesuvu, ane maria tesamiu mompakaroso pomparasaya ntodea gahitu, radekei kami loga ka komiu motesa ka kami.”

Suro-Suro 15:32

Naliu haitu, i Yudas bo i Silas nasae notesa nte topomparasaya ri Antiokhia ala mompakadidi rarara bo mompakaroso pomparasayara, apa ira randua nabi anu nompakule mompasimbayu tesa nidekei nu Alatala ka ira.

Suro-Suro 20:2

Riara mpolipana, ia nompesayo ngata-ngata ri Makedonia bo nompakaroso rara ntopomparasaya hamai ante mpengaya-ngaya pepangajari. Naupu haitu, napolamo ia hau ri propinsi Akhaya, tana ntoYunani.

Suro-Suro 20:28

Komiu kana mombajagai karomiu mboto. Jagai muni todea topomparasaya, anu niparasayaka Nosa Gasa ka komiu. Komiu kana mompiara todea nu Alatala, nasimbayu mpo topoevu nompiara bimbana. Apa Tuputa Yesus namate bo raaNa natiti mombasompo dosata ala kita majadi todeaNa.

Suro-Suro 4:36

Ivesia muni nipovia i Yusuf. Nipobaluna tanana bo doi haitu nikenina bo nidekeina ka suro-suro i Yesus. I Yusuf haitu toLewi lako ri levuto Siprus. Suro-suro nombadae ia i Barnabas, batuana, “topompakavoe rara ntona.”

Roma 12:13

Tulungimo roa sampomparasaya anu napepa, bo tarimamo torata riara banuamiu.

Roma 13:6

Ivesia muni sampe kita masipato mombayari balasitee, apa topeparenta nantulungi Alatala tempo ira nompapola bagora.

1 Korintus 12:28

Ri tatangamiu sampomparasaya, Alatala nanganggataka tona mantui mpengaya-ngaya bago. Pamulana naria tona nianggatakaNa majadi suroNa. Bo karanduana, naria tona nianggatakaNa majadi nabi mompasimbayu tesa nitarimana lako nte Alatala. Katataluna, naria anu nianggatakaNa majadi guru. Bo naria muni nidekeikaNa pompakule movia kabaraka. Naria nidekeikaNa pompakule mompakabelo dua-dua ntona. Naria nidekeikaNa pompakule mantulungi tona ntanina, naria nidekeikaNa pompakule manggeniaka todea, bo naria nidekeikaNa pompakule motesa basa-basa anu nopuna lako ri Nosa Gasa.

1 Korintus 14:3

Tapi ane tona nompasimbayu tesa nu Alatala, ia notesa ka manusia bo tesana haitu nompakaroso rara roa ntanina bo nompakadidi rarara, bo nompakavoe rarara.

2 Korintus 1:12

Nadamba mpuu rara kami apa nisani kami nabula rara kami. Kami nasaro nokainggu nanoa nte tona pura-pura, nelabipa nte komiu. Pura-pura anu nipovia kami, ledo ria nuapa-nuapa nitabuniaka kami. Patuju kami nanoa, nangoseaka dota nu Alatala. Pokainggu kami ledo nangoseaka kapande nu manusia, tapi nangoseaka pompakule nidekei nu Alatala.

2 Korintus 11:3

Tapi nakini mpuumo raraku, nee-nee raakalani ntona komiu sampe komiu domo ante raramiu mpuu-mpuu mompotove i Kristus. Apa ivesia najadi nte i Hawa anu niakalani nu ule tempo nggaulu.

2 Korintus 8:12

Apa ane rarata mpuu-mpuu mombadekei, pedekeita haitu ratarima nu Alatala nangoseaka anu naria nte kita, ledo nangoseaka anu ledo ria nte kita.

2 Korintus 9:11

Alatala mombadekei mpengaya-ngaya belo ka komiu ala komiu batena mompakule mombadekei ka tona ntanina. Bo tempo kami manggeni pedekeimiu haitu ka tona napakasi ri bagia Yudea, madea tona manguli tarima kasi ka Alatala.

2 Korintus 9:13

Apa ane rakitara pedekei petulungimiu haitu, ira mantoiya bo mombabila Alatala, sabana rakitara komiu mpuu-mpuu nomparasaya Kareba Belo i Kristus bo natundu nte parentaNa. Bo ratoiyara Alatala sabana komiu ledo mpuu natove raramiu nobagi ka ira bo ka tona ntanina anu naria nte komiu.

2 Korintus 9:7

Pura-pura tona kana simbo mombadekei nangoseaka anu nipakatantu riara ntaina mboto. Nee monggai rara mombadekei bo nee muni mombadekei sabana nirasai aga nipasuu. Sabana, Alatala nompotove tona nombadekei ante rara nadamba.

Efesus 6:5

Sampesuvu-sampesuvu anu najadi batua, turusimo parenta nu tuamiu anu naria ri dunia hitu. Bilamo ira bo pekoumo nte ira ante mpuu-mpuu raramiu, nasimbayu mpo komiu nekou nte i Kristus mboto.

Kolose 3:22

Sampesuvu-sampesuvu anu najadi batua, oseakamo pura-pura parenta nu tuamiu ri dunia hitu. Nee aga mangoseaka parentara tempo nikitara komiu ala komiu ratoiyara. Tapi oseakamo parentara ante rara mpuu-mpuu sabana komiu nombabila i Pue Yesus.

1 Tesalonika 2:3

Kami ledo nombaunaka komiu mangoseaka pepatuduki nasala. Ledo muni naria patuju nadaa riara ntai kami bo ledo muni kami nopatuju mombabagiu tona.

1 Tesalonika 2:8

Nambaso mpuu tove kami nte komiu, sampe kami nadamba nompatolele Kareba Belo ka komiu. Bo kami muni nasadia mantulungi komiu nau kami mamate, sabana kami mpuu-mpuu nompotove komiu!

1 Timotius 4:13

Papolamo mombaca Buku Gasa ka todea topomparasaya bo nee menonto mompakaroso pomparasayara bo mompatuduki ira sampe makava yaku.

1 Timotius 5:17

Pakeni ntodea topomparasaya anu nabelo pekeniakara, masipato rabila ronggani kadeana pade tona ntanina, nelabipa ira anu nompasimbuku mpuu nompatuduki bo nompatolele Tesa nu Alatala.

1 Timotius 6:18

Popatoramo tona nakalumana, mokainggu mabelo ala pokainggura nabelo haitu majadi kakalumanara. Ira kana majoi rara bo masadia mombatulungi tona ntanina.

Ibrani 10:25

Nee menonto masiromu metupu mosanggani-nggani, mpo kabiasa ntona sanu. Tapi kita kana mosipakaroso rara, nelabipa sii-sii sabana nisanita naparamo kakava i Yesus.

Ibrani 13:17

Oseakamo parenta-parenta nu pakeni-pakenimiu bo pekoumo nte ira, sabana iramo nombajagai pomparasayamiu. Makava tempona bara maipia ira kana manguli pakalanto ri ngayo nu Alatala berimbana komiu nikeniakara. Jadi pekoumo nte ira ala ira mamala mantui pokarajaa haitu ante damba nu rara. Ane komiu ledo mekou, aga masusa rarara bo haitu ledo manggeni belo ka komiu.

Ibrani 13:22

Sampesuvu-sampesuvu, kuperapi nte komiu posabaramo mangepe tesa nitulisiku hitu, sabana suraku hitu ledo nandoe ntoto.

Ibrani 13:24

Pakavote tabe kami ka pura-pura pakenimiu bo ka pura-pura todea nu Alatala ri situ. Bo tarimamo tabe lako nte sampesuvuta sampomparasaya ri propinsi Italia.

Ibrani 13:7

Pekirikamo katuvu pakeni-pakeni anu nanggeni Tesa nu Alatala ka komiu bara ipia. Pariarantaimo jonjo katuvura bo kamatera, bo pasialamo pomparasayara.