Roma 12:3 - Kaili Ledo

³ Lako ri kabelo rara nu Alatala, yaku nianggatakaNa majadi suroNa. Jadi sia sampe kuuli ka komiu pura-pura, Nee rapekirita karota mboto naoge ane ledo ivesia kakanana. Kita kana manoa bo manoto mompekirika karota mboto, nangoseaka suka pomparasaya nibagi nu Alatala ka kita saito-saito.

Roma 12:3 ပူးပေါင်းရင်းမြစ်များ

Lukas 18:11

ToFarisi haitu neangga bo nosambaya riara ntaina, ‘Pue, yaku nosukuru nte Komiu sabana yaku hii ledo nasimbayu ante tona ntanina, haitumo topebagiu, tona natenggo rarana, bo tona nobualo. Yaku nosukuru apa yaku ledo nasimbayu ante topesingara balasitee moitu.

Yohanes 3:34

Tona nisuro nu Alatala, Iamo nompapola tesa nu Alatala, sabana Alatala nombadekei Nosa GasaNa ka Ia, ledo ria pantaaNa.

Roma 1:5

Alatala nabelo raraNa nte yaku bo yaku nipajadiNa suroNa sabana i Yesus. Yaku niposuroNa mompatolele Kareba Belo ka tona ri umba-umba ri dunia bo manggeniaka ira momparasaya bo matundu nte i Yesus, ala Ia rabila bo rapakaoge

Roma 11:20

Haitu nakana mami, tapi toramo, ira nipoara sabana ira ledo nomparasaya, bo komiu nitarima sabana komiu nomparasaya. Jadi nee malanga raramiu, agina komiu maeka!

Roma 11:25

Sampesuvu-sampesuvu sampomparasaya! Ledo mabelo malanga gaga raramiu. Jadi yaku madota ala rasanimiu nia nu Alatala anu dopa nisani nu manusia nggaulu, haitumo, anu majadi nte toYahudi. Sii-sii nadea toIsrael nakaa bagara bo ledo nomparasaya. Tapi kakaa bagara haitu aga sampalai, sampe magana kadea ntona ledo toYahudi anu momparasaya i Yesus.

Roma 12:16

Komiu kana matuvu mosintuvu nte roa. Nee malanga raramiu tapi komiu kana masadia mosimporoa ante tona naede katuvuna. Nee rapekiri karomiu napandepa pade kakanana.

1 Korintus 15:10

Tapi lako ri pepotove nu Alatala, yaku najadi suro i Pue Yesus. Bo pepotoveNa haitu naria aselena riara nggatuvuku. Yaku nokarajaa nelabipa kantamona pade suro-suro i Yesus ntanina. Tapi kakanana ledo yaku anu nokarajaa ntamo ivesia. Alatala anu nompotove yaku, Iamo nokarajaa nosanggani-nggani ante yaku.

1 Korintus 3:10

Yaku hii mpo topande novia banua. Lako ri kabelo rara nu Alatala, nianggatakaNa bo nipopompakuleNa yaku novia pandasi banua, bo tona ntanina nombabangu banua ri bavo nu pandasi haitu. Tapi simbo rabanguna pakabelo-belo.

1 Korintus 7:17

Pura-pura tona kana matuvu nangoseaka pantuu i Pue Yesus ka ia. Pura-pura kana matuvu batena mpo tempo ia nipokio nu Alatala momparasaya i Kristus. Haitumo atura nipatudukiku ka pura-pura topomparasaya.

2 Korintus 10:13

Tapi kami ledo ntoto nasimbayu ante ira! Ane kami mangoe karo kami mboto, kami ledo mombaliunaka anu masipato, haitumo kami aga mangoe pokarajaa niparasaya nu Alatala ka kami. Bo komiu pura-pura ri Korintus nambela bagia pokarajaa kami, apa Alatala nantudu kami manggeni Kareba Belo ri ngatamiu.

2 Korintus 12:13

Ledo nipoposisalaku komiu ante todea topomparasaya ntanina. Aga sangaya ledo nipoviaku nte komiu, haitumo yaku ledo nekitanggu nte komiu. Nipekirimiu nasala yaku novia ivesia? Ledo ntoto!

2 Korintus 12:7

Tapi ledo mabelo ane malanga gaga raraku nantora pura-pura anu nipokumaaka nipopakita i Yesus ka yaku. Haitumo sabana nidekeiNa dua mompandasa yaku. Dua haitu nirapaka suro lako ri Magau nu Seta nompandasa yaku ala yaku ledo majadi masombo.

Galatia 6:3

Ane tona nompekiri karona nabelopa pade karo roa, tano ledo, ia aga nombabagiu karona mboto.

Efesus 3:2

Natantu niepemiumo Alatala nombadekei ka yaku pokarajaa mompatolele Kareba Belo ka komiu tona ledo toYahudi. Pokarajaa haitu nidekeiNa ka yaku lako ri kabelo nu raraNa.

Efesus 3:4

bo ane rabacamiu, rasanimiu muni anu nipopaisani ka yaku, haitumo, patuju nu Alatala anu nipakadupa riara nggatuvu i Kristus.)

Efesus 4:16

bo kita todea topomparasaya nirapaka sipa nu karoNa. Ri karo manusia sipa nu karo nikuasai nu balengga. Sipa-sipa haitu niposidumpa pakabelo-belo bo niposiumpu ante uva ala majadi sangu karo. Bo ane pura-pura sipa haitu mokarajaa mangoseaka pompakule nidekei ka ia, njumangu karo haitu matuvu mabelo bo mantambai maroso. Ivesia muni kita topomparasaya. Kita pura-pura nosangu rara nte i Kristus bo Ia nompopakasangu kita. Jadi ane kita mosimpotove bo mositulungi, mantambai kabelona kasintuvuta bo karoso pangoseakata i Pue.

Filipi 2:13

Apa Alatala mbotomo nokarajaa riara ntaimiu nombadekei ka komiu dota rara bo pompakule mangoseaka dotaNa.

Kolose 1:29

Haitumo sampe yaku nokarajaa ntamo, yaku mpuu-mpuu nompasimbuku nokarajaa ante kuasa nidekei i Kristus, apa kuasaNa riara nggatuvuku mpuu-mpuu naroso.

Kolose 2:13

Bara ipia dopame komiu nomparasaya i Kristus, komiu nireke namate sabana komiu nadosa bo ledo nangoseaka atura-atura nu Alatala. Tapi sii-sii, Alatala nompakatuvu komiu nosanggani-nggani nte i Kristus, bo pura-pura dosamiu niampungiNamo.

1 Timotius 1:14

Naoge mpuu pepotove nTuputa nte yaku! Lako ri kabelo raraNa nipopompakuleNa yaku momparasaya Ia bo mompotove singgamanusiaku sabana yaku nosangu rara nte i Yesus Kristus.

1 Timotius 2:15

Tapi naupa ivesia, ane mombine maroo momparasaya i Yesus, mompotove tona ntanina, bo matuvu nte pokainggu nabelo bo masipato, ia rapakasalama tempo moana.

1 Timotius 2:9

Ivesia muni mombine. Ira kana mobaju masipato bo moada. Nee mompengaya-ngaya bulua. Nee mombavera karo ante ramba-ramba nasuli mpo bulava, mutiara bo baju nasuli-suli.

Titus 2:12

Lako ri kabelo raraNa, kita nipatudukiNa mombakabasaka pokaingguta ledo nipokonoNa bo dota nu rarata nadaa. Bo kita nipatudukiNa majadi manoto, manoa, bo matuvu mangoseaka dotaNa ri dunia sii-sii.

Titus 2:2

Ulimo ka totua-totua langgai ira kana mombakuasai karora mboto. Ira kana manoto bo matuvu nte pokainggu masipato ratoiya. Ira kana matutu mangoseaka pepatuduki nakana, ira kana mpuu-mpuu mompotove tona ntanina, bo mombatidamaka riara kasusa.

Titus 2:4

Ivesiamo ira mamala mompatuduki ngana-ngana mombine mompotove bereira bo ana-anara,

Titus 2:6

Ivesia muni mupatuduki ka ngana-ngana langgai. Ulika ira, ira kana mombakuasai karo mboto. Bo iko mboto kana mokainggu mabelo riara mpengaya-ngaya ala iko majadi jonjo namala rapasiala ntona. Ane iko mompatuduki, patudukimo ante manoa bo ante mpuu-mpuu raramu.

Yakobus 4:6

Tapi Alatala nombatulungi kita lako ri kabelo nu raraNa. Bo petulungiNa haitu naogepa pade pura-pura anu nipoinota. Haitumo sampe naria tesa nitulisi riara Buku Gasa ivei: “Alatala nangeva tona nalanga rarana, tapi tona naede rarana nipoasiNa.”

1 Petrus 1:13

Sampesuvu-sampesuvu, naria mamimo panjarumakata naroso. Sabana haitu, komiu kana mompakanoto raramiu bo mainga, bo maroo manjarumaka belo radekei ka komiu tempo i Yesus Kristus makava mpanjili.

1 Petrus 4:11

Jonjona, isema-sema nidekeika pompakule mompasimbayu Tesa nu Alatala kana motesa mpo tona niposumba nu Alatala mboto. Isema-sema nidekeika pompakule mantulungi tona ntanina, kana mantulungi ante karoso nidekei nu Alatala ka ia. Pakemo pompakule-pompakule haitu ala nau damo nuapa majadi, Alatala ratoiya bo rabila sabana anu nipovia i Yesus Kristus ri katuvumiu. Alatalamo nakuasa bo masipato ratoiya bo rabila sampe ri kasae-saena. Amin!

1 Petrus 4:7

Naparamo kaupu nu dunia. Jadi komiu kana mainga bo mompakanoto raramiu ala komiu mamala mosambaya.

1 Petrus 5:5

Ivesia muni komiu da namuda. Komiu kana mekou nte totua. Bo komiu topomparasaya pura-pura kana mompakaede raramiu bo mositulungi. Apa nitulisi riara Buku Gasa: “Alatala nangeva tona nalanga rarana, tapi nipoasiNa tona naede rarana.” Amsal 3:34

1 Petrus 5:8

Komiu kana mainga bo manoto rara, sabana balimiu, Magau nu Seta hau tumai nasimbayu mpo singa nongao-ngao nompengavu tona rasakana.

3 Yohanes 1:9

Nariamo sura nitulisiku ka topomparasaya hamai, tapi i Diotrefes ledo nadota nangoseaka tesaku. Patujuna, ia mboto majadi pakeni ntopomparasaya.