Roma 12:13 - Kaili Ledo

¹³ Tulungimo roa sampomparasaya anu napepa, bo tarimamo torata riara banuamiu.

Roma 12:13 ပူးပေါင်းရင်းမြစ်များ

Matius 25:35

Sabana tempo naara taiKu, nipakandemiu. Tempo nabai tamboloKu, nipainumiu. Nau Yaku tosangatana, nitarimamiu ri banuamiu.

Suro-Suro 10:4

Naeka mpuu i Kornelius nanggita malaeka haitu. Nesana i Kornelius, “Nuapa, tua?” Nanguli malaeka, “Posambayamu nitarima nu Alatalamo, bo nitoraNa kabelo raramu nantulungi tona napakasi.

Roma 12:8

Isema-sema nidekeika pompakule mompakaroso rara ntona ntanina, kana rapakarosona mpuu-mpuu. Isema-sema nidekeika pompakule mombadekei anu naria nte ia ka tona ntanina, kana radekeina ante joi rarana. Isema-sema nidekeika pompakule manggeniaka todea, kana rakeniakana ira ante rarana mpuu-mpuu. Isema-sema nidekeika pompakule mompoasi tona nandasa, kana rapoasina ante damba rarana.

1 Korintus 16:15

Sampesuvu-sampesuvu, natantu nisanimiumo i Stefanus sambanua. Ira tona pamulana nomparasaya i Yesus ri propinsi Akhaya, bo ira nompasimbuku ante mpuu-mpuu rarara mantulungi todea nu Alatala. Jadi sampesuvu-sampesuvu, kuperapi nte komiu ante mpuu-mpuu raraku,

2 Korintus 9:1

Kakanana ledo paraluu ntoto kutulisi ka komiu doi petulungi ka topomparasaya napakasi ri Yudea.

2 Korintus 9:12

Jadi petulungi nidekeimiu haitu ledo aga mombatulungi todea topomparasaya anu napepa, tapi manggeni madea tona manguli tarima kasi ka Alatala.

Galatia 6:10

Jadi tempo da naria loga kita kana movia anu nabelo ka pura-pura tona, nelabipa ka sampesuvuta sampomparasaya.

1 Timotius 3:2

Tona masipato manggeniaka todea topomparasaya kana mabelo pokaingguna sampe ledo ria pokaingguna nuapa-nuapa rapakasala. Ia aga saito bereina bo nipakulena mombatidamaka dota rarana mboto. Nanoto pekirina bo naria adana. Ia nadamba nantarima torata riara banuana bo nipakulena nompatuduki tona ntanina.

1 Timotius 5:10

Bo nisani ntonamo pokaingguna nabelo. Jonjona: nipakambasona pakabelo anana, nadamba rarana nantarima torata riara banuana, nijampangina topomparasaya, nitulungina tona nasusa, bo ia nabiasamo novia mpengaya-ngaya anu nabelo.

Titus 1:8

Tona raanggataka majadi pakeni ntopomparasaya kana majoi rarana mantarima torata riara banuana, bo nompokono anu nabelo. Ia kana nanoto, nanoa, bo nagasa katuvuna, bo kana rapakulena mombatidamaka dota nu rarana mboto.

Titus 3:14

Sampesuvuta sampomparasaya kana masaro movia anu nabelo, ala mamala mombatulungi tona napepa. Nee sampe katuvura ledo maria gunana.

Filemon 1:7

Sampesuvuku, nadamba mpuu yaku, bo raraku nipakaroso nangepe pepotovemu ka todea nu Alatala. Bo petulungimu mpuu-mpuu nompakasana rarara!

Ibrani 13:16

Bo nee rakalingasita mositulungi bo movia anu nabelo, sabana haitu muni nireke pesombata anu nompakadamba rara nu Alatala.

Ibrani 13:2

Nee makaja raramiu mantarima torata makava ri banuamiu naupa torata haitu ledo nisanimiu, sabana nariamo sanu tona nantarima bo nantande torata ledo nisanira, tano mai toratara haitu malaeka nu Alatala.

Ibrani 6:10

Alatala ledo natenggo raraNa, Ia ledo malinga raraNa ante poviamiu bo pepotovemiu. Nipopakitamiu tovemiu ka Ia tempo komiu nombatulungi sampesuvumiu sampomparasaya, nompamula lako ri nggauluname sampe sii-sii.

1 Petrus 4:9

Komiu kana majole mantarima torata riara banuamiu bo nemo mongau-ngau.

1 Yohanes 3:17

Isema-sema nagana katuvuna bo nikitana sampesuvuna napepa, tapi ledo nadota ia mantulungi sampesuvuna haitu, natantumo ledo ntoto nipotovena Alatala.

3 Yohanes 1:5

Vegaku, pokainggumu nosinggambela nte pomparasayamu tempo iko nantulungi sampesuvuta sampomparasaya anu nesai nte iko. Nau iko dopa nosisani ante ira, iko batena nombatulungi ira.