Roma 11:7 - Kaili Ledo

⁷ Jadi, kambukuna, todea toYahudi nadota najadi nanoa ri panggita nu Alatala, tapi ledo nikavara anu nielora. Topanggavana aga sakide, haitumo tona nipelisi nu Alatala. ToYahudi ntanina aga nakaa bagara.

Roma 11:7 ပူးပေါင်းရင်းမြစ်များ

Markus 6:52

Naupa nikitaramo kajadia ante roti pangane, ledo nisanira isema kakanana i Yesus, sabana da nakumba pompahara.

Lukas 13:24

“Tona rapakasalama namala nirapaka tona mesua ri vamba napii. Pasimbukumo mesua ri vamba napii haitu. Apa nadea tona mompasimbuku mesua tapi ledo rapakulera.

Yohanes 12:40

“Tupu nompakaburo matara bo nompakakaa bagara, ala matara ledo mekita bo rarara ledo mesani, ala ira ledo manjili nte Ia bo rapakabeloNa.” Yesaya 6:10

Roma 10:3

Apa ledo nipokonora nantarima cara nu Alatala mompakanoa manusia. Jadi ira ledo nadota nomparasaya i Kristus ala majadi manoa ri panggita nu Alatala. Ira aga nadota nangoseaka carara mboto, haitumo, ira nompasimbuku mangoseaka atura agama apa nisarumakara haitumo mompakanoa ira ri panggita nu Alatala.

Roma 11:25

Sampesuvu-sampesuvu sampomparasaya! Ledo mabelo malanga gaga raramiu. Jadi yaku madota ala rasanimiu nia nu Alatala anu dopa nisani nu manusia nggaulu, haitumo, anu majadi nte toYahudi. Sii-sii nadea toIsrael nakaa bagara bo ledo nomparasaya. Tapi kakaa bagara haitu aga sampalai, sampe magana kadea ntona ledo toYahudi anu momparasaya i Yesus.

Roma 11:5

Ivesia muni sii-sii. Nau damo deanapa toYahudi ledo nomparasaya i Yesus, naria muni sanu nomparasaya sabana iramo nipelisi nu Alatala lako ri nggauluname majadi bagiaNa. Ira nipelisiNa sabana kabelo nu raraNa

Roma 3:9

Jadi, ri panggita nu Alatala, ledo nabelopa kita toYahudi pade tona ntanina. Apa, evamo niuliku pangane, pura-pura manusia nikuasai nu dota rara novia dosa, toYahudi bo tona ledo toYahudi.

Roma 6:15

Jadi, ane kita domo nipou Atura agama, tapi nanjarumaka pepotove nu Alatala, berimbamo? Mamala kita batena movia dosa? Ledo ntoto mamala!

Roma 9:18

Jadi, Alatala nompoasi isema-sema nipodotaNa rapoasiNa bo Ia nompakakaa baga isema-sema nipodotaNa rapakakaaNa.

Roma 9:23

Ia nosabara nte ira ala mompopakita kambaso nu kaogeNa ka kita anu nipoasiNa bo nipasadiaNa mami lako ri nggauluname manggava bagia ri kaogeNa.

1 Korintus 10:19

Jadi nuapa patuju ntesaku hitu? Panguliku nakana tupu-tupu ntanina haitu? Naria gunana kandea nipakandeka tupu-tupu ntanina? Natantu ledo!

2 Korintus 3:14

Pekiri ntoIsrael haitu natetutui muni, ledo nisanira batuana anu najadi nte i Musa. Sampe sii-sii ane Atura-atura nokolu haitu rabaca ka ira, ledo nisanira mpuu batuana. Namala raulita da naria anu nombasalibumbuni pekirira. Pekiri manusia nisalibumbuni ivesia aga namala rabuka ane tona haitu mosangu rara ante i Kristus.

2 Korintus 4:4

Ira ledo nomparasaya sabana Magau nu Seta anu nombakuasai dunia hitu nompakaburo pekirira ala ledo rakitara reme nu Kareba Belo. Kareba Belo haitu nompakalanto kaoge i Kristus anu nasimbayu ntoto ante Alatala.

Efesus 1:4

Dopame dunia nipajadi, Alatala nompelisi kita majadi todeaNa anu nosangu rara nte i Kristus. Kita nipelisiNa majadi todea anu matuvu magasa bo ledo maria salata ri panggitaNa.

Efesus 4:18

bo ledo nipahara nuapa-nuapa. Katuvu nabaru lako nte Alatala ledo naria nte ira sabana ledo ntoto nisanira pepatuduki nakana anu notesaki Alatala. Ledo nisanira sabana nakaa bagara.

Filipi 1:18

Tapi ledo makuya! Sabana nau bara berimba, nau nipovia ante patuju nabelo atau patuju nasala, asaa kareba i Kristus nipatolele. Haitumo nompakadamba raraku.

Ibrani 12:17

Nisanimiu mbotomo, naupu sia, tempo ia nerapi kalumbuana haitu lako nte tuamana, ia nipoara ntuamana naupa niperapina nte tangi. Domo nikavana dala mombabaliki sala nipoviana.