Roma 11:25 - Kaili Ledo

²⁵ Sampesuvu-sampesuvu sampomparasaya! Ledo mabelo malanga gaga raramiu. Jadi yaku madota ala rasanimiu nia nu Alatala anu dopa nisani nu manusia nggaulu, haitumo, anu majadi nte toYahudi. Sii-sii nadea toIsrael nakaa bagara bo ledo nomparasaya. Tapi kakaa bagara haitu aga sampalai, sampe magana kadea ntona ledo toYahudi anu momparasaya i Yesus.

Roma 11:25 ပူးပေါင်းရင်းမြစ်များ

Matius 13:11

Nesana i Yesus, “Bara ipia dopa nisani nu manusia berimba Poparenta nu Alatala. Sii-sii Alatala nompopaisanina ka komiu, tapi ledo nipopaisaniNa ka todea.

Lukas 21:24

Sanu ira rapatesi ante guma. Sanu rasaka ratavani nu balira bo rakeni hau ri ngata-ngata ntanina. Bo ngata Yerusalem raparenta ntona ledo toYahudi sampe magana tempona nipakatantu nu Alatala ka ira.”

Yohanes 10:16

Da nariapa bimba-bimbaKu ntanina anu dopa nesua riara gimpu hitu. Ira muni kana Kukeni tumai. Ira mombatalingai suaraKu bo pura-pura bimbaKu majadi salunu rapoevu ntona saito.

Roma 1:13

Sampesuvu-sampesuvu, kana rasanimiu nadea ngganimo yaku nonia tou mosinggava nte komiu tapi nasaro natelava sampe sii-sii. Patujuku mosinggava nte komiu ala madea komiu mangoseaka i Pue Yesus nasimbayu mpo anu najadi nte tona ledo toYahudi ri ngata ntanina.

Roma 11:12

Deanapa toYahudi nesapuaka bo nompoara i Kristus. Sabana haitu, nadea tona ledo toYahudi nanggava belo lako nte Alatala. Jadi, ane tona ntanina nanggava belo sabana pesapuaka ntoYahudi, nemopa ane toYahudi majea bo momparasaya! Natantu melabi kadea belo rakavara.

Roma 11:24

Komiu tona ledo toYahudi nasimbayu mpo tinggu kayu anu ledo nipiara. Naupa ivesia, komiu nipataka ri kayu nipiara. Jadi ane tinggu kayu ledo nipiara namala rapataka ri kayu nipiara, natantu tinggu kayu nipiara mamala rapataka mpanjili ri batana mboto.

Roma 12:16

Komiu kana matuvu mosintuvu nte roa. Nee malanga raramiu tapi komiu kana masadia mosimporoa ante tona naede katuvuna. Nee rapekiri karomiu napandepa pade kakanana.

Roma 16:25

Ratoiyata Alatala! Ia nakuasa mompakaroso pomparasayamiu mpo niuli ri Kareba Belo nipatoleleku, haitumo kareba i Yesus Kristus. Kareba i Kristus haitumo nia nu Alatala anu nitabuniakaNa lako ri lamba pamulana.

Roma 9:18

Jadi, Alatala nompoasi isema-sema nipodotaNa rapoasiNa bo Ia nompakakaa baga isema-sema nipodotaNa rapakakaaNa.

1 Korintus 10:1

Sampesuvu-sampesuvuku, toramo anu najadi ante totuata nggaulu tempo ira nangoseaka Nabi Musa. Ira pura-pura nilenduti nu tinja kulimu tandana Alatala nosanggani-nggani nte ira, bo pura-pura ira nasalama nombavote Tasi Lei.

1 Korintus 12:1

Kapolana, sampesuvu-sampesuvu. Kutesaki pompakule nidekei nu Nosa Gasa nu Alatala ala rasanimiu mpuu-mpuu anu nakana.

1 Korintus 2:7

Kapande nipatolele kami, iamo kapande lako nte Alatala. Kapande haitu ledo nisani ntona ri dunia. Tapi dopame dunia nipajadi, Alatala nonia mamimo mompopaisani kapandeNa haitu ka kita sii-sii. Haitu nipoviaNa ala manggeni belo ka kita.

1 Korintus 4:1

Jadi kami pakenimiu kana rarekemiu batua i Kristus. Kami hii niparasayaka nu Alatala mompatolele tesaNa anu dopa nisani ntodea ri dunia.

Efesus 1:9

Alatala nompopaisani ka kita niaNa anu dopa nisani nu manusia bara ipia. Nangoseaka dotaNa mboto, Alatala nompakatantu lako ri nggauluname ala niaNa haitu rapakadupa i Kristus

Efesus 3:9

Yaku nidekeika pokarajaa muni mompopaisani ka pura-pura tona berimba Alatala nompakadupa niaNa, haitumo, niaNa mompopakasangu toYahudi bo tona ledo toYahudi lako ri posangu rarara nte i Kristus. Lako ri lamba pamulana, Alatala Topompajadi dunia hitu dopa nompopaisani niaNa haitu.

Efesus 4:18

bo ledo nipahara nuapa-nuapa. Katuvu nabaru lako nte Alatala ledo naria nte ira sabana ledo ntoto nisanira pepatuduki nakana anu notesaki Alatala. Ledo nisanira sabana nakaa bagara.

2 Petrus 3:8

Tapi, sampesuvu-sampesuvu nipotoveku, nee rakalingasimiu tesa hitu: Ri panggita nTupu, sanjobu mpae nasimbayu mpo saeo, bo saeo nasimbayu mpo sanjobu mpae.

Pompakita 1:20

Dopa nisanimu batuana pitu-angu betue nikitamu ri pale ngganaKu hitu bo pitu nggada poindo bulava. Jadi kupakalanto batuana ivei: pitu-angu betue haitu nirapaka papitu malaeka anu nanggeniaka todea topomparasaya anu nonturo ri pitu-ngata. Bo pitu nggada poindo bulava haitu nirapaka todea topomparasaya anu naria ri pitu-ngata haitu.”

Pompakita 10:7

Ane malaeka kapapituna mompopomoni tabuena, tempo haitumo Alatala mompakadupa niaNa nasaemo nitabuniakaNa. Kadupana haitu niuliNa ka batuaNa nggaulu, haitumo nabi-nabi anu nompasimbayu tesaNa.”

Pompakita 11:15

Naupu haitu malaeka kapapituna nompopomoni tabuena. Bo kaliu-liu nariamo suara-suara ri suruga nongare ante namangga mpuu ivei: “Sii-sii pura-pura poparenta ri dunia hitu najadi poparenta nTuputa bo poparenta nu Magau Topepakasalama anu nijanji nu Alatala. Ia momparenta sampe ri kasae-saena!”

Pompakita 7:9

Naupu haitu, naria vai anu nipopakita ka yaku. Nikitaku nadea mpuu manusia, ledo rapakule ntona mombabila kadeana! Ira topomparasaya lako ri njumangu dunia, lako ri pura-pura ngata, lako ri pura-pura valaa, bo tona lako ri pura-pura basa ri dunia. Ira neangga ri ngayo Gadera Kamagaua nu Alatala bo ri ngayo Ana Bimba. Ira nopakea mputi pura bo novenggo-venggo tava, tandana nadamba rarara.