Roma 11:21 - Kaili Ledo

²¹ Apa ane Alatala nompoara toYahudi anu nirapaka tinggu nu kayu mami, nee rasarumakamiu Ia ledo mompoara komiu ane ledo raparasayamiu!

Roma 11:21 ပူးပေါင်းရင်းမြစ်များ

Roma 11:17

ToYahudi namala nirapaka kayu zaitun nipiara nu Alatala. Bo sanu tingguna nikotosi nu Alatala. Komiu tona ledo toYahudi anu nomparasaya i Yesus, nirapaka tinggu-tinggu lako ri kayu zaitun anu ledo nipiara. Tinggu-tinggu haitu niala nu Alatala bo nipatakaNa ri bela ntinggu nikotoNa pangane ala tinggu-tinggu nabaru haitu matuvu bo movua lako ri kayu nipiaraNa. Ivesiamo komiu nantarima belo lako nte Alatala, nasimbayu mpo belo nitarima ntoYahudi nggaulu.

Roma 11:19

Bara raulimiu ivei: <>

Roma 11:20

Haitu nakana mami, tapi toramo, ira nipoara sabana ira ledo nomparasaya, bo komiu nitarima sabana komiu nomparasaya. Jadi nee malanga raramiu, agina komiu maeka!

Roma 11:22

Jadi lako rahaitu nisanita kabelo rara nu Alatala, bo nisanita Ia nasadia mombahuku. Ia nombahuku topesapuaka, tapi nabelo raraNa nte komiu anu nomparasaya, asaa komiu maroo manjarumaka kabeloNa haitu. Ane ledo, komiu muni rapoaraNa!

Roma 8:32

Ledo natove raraNa nte AnaNa mboto, nidekeiNa rapatesi mantolo dosata. Sabana haitu, nisanita kana radekeiNa muni ka kita mpengaya-ngaya anu niparaluuta ante joi raraNa.

Yudas 1:5

Nau nisanimiumo pura-pura hitu, kana kupopatora ka komiu pehuku nu Alatala ka tona novia nadaa. Nggaulu, Tupu nombakabasaka todeaNa toYahudi lako ri tana Mesir. Tapi naupu sia, naria sanu ira ledo nomparasaya sampe nipatesiNamo ira ri karava bai.