Roma 11:16 - Kaili Ledo

¹⁶ Ane santubi roti niala ntani ruru bo nidekei ka Alatala, nasimbayu mpo pura-pura roti haitu nidekei ka Alatala. Bo ane kale nu kayu nireke Alatala tupuna, batuana tinggu-tingguna muni Ia tupuna. ToIsrael nggaulu nireke Alatala tupura, ivesia muni, muli ntoIsrael nireke Alatala tupura.

Roma 11:16 ပူးပေါင်းရင်းမြစ်များ

Roma 11:17

ToYahudi namala nirapaka kayu zaitun nipiara nu Alatala. Bo sanu tingguna nikotosi nu Alatala. Komiu tona ledo toYahudi anu nomparasaya i Yesus, nirapaka tinggu-tinggu lako ri kayu zaitun anu ledo nipiara. Tinggu-tinggu haitu niala nu Alatala bo nipatakaNa ri bela ntinggu nikotoNa pangane ala tinggu-tinggu nabaru haitu matuvu bo movua lako ri kayu nipiaraNa. Ivesiamo komiu nantarima belo lako nte Alatala, nasimbayu mpo belo nitarima ntoYahudi nggaulu.

Roma 8:23

Ledo aga dunia nandasa, tapi kita topomparasaya muni nandasa nirasaita, nantongoraka tempona Alatala mombakabasaka karota lako ri kuasa kamatea, bo mombadekei belo ka kita ana-anaNa. Nisanita tempo haitu kana makava, sabana nitarimatamo Nosa Gasa nu Alatala, tandana Alatala mpuu-mpuu mompakadupa pojanjiNa ka kita.

1 Korintus 7:14

Apa ana-anara nireke bagia nu Alatala sabana saito totuara nomparasaya i Kristus. Bereina anu ledo nomparasaya i Kristus nireke bagia nu Alatala sabana bereina topomparasaya. Ane ledo ivesia, ana-anara masimbayu mpo ana-ana ntona ledo nomparasaya.

Yakobus 1:18

Lako ri dotaNa mboto Ia nompajadi kita majadi ana-anaNa ala kita maogepa pade pura-pura anu ntanina nipajadiNa bo rapatani ka Ia mboto. Kita najadi ana-anaNa sabana kita nompariara tesaNa nakana.

Pompakita 14:4

Ira haitumo nasimbayu mpo tona ledo sanggani nosampaturu ante mombine, nagasa mpuu pokainggura. Ira nangoseaka Ana Bimba ri umba-umba nikalauNa. Iramo nitoloki lako nte pura-pura manusia ri dunia bo nipatani ka Alatala bo ka Ana Bimba, nasimbayu mpo tona nombadekei asele ntalua pamulana ka Alatala.