Roma 11:14 - Kaili Ledo

¹⁴ Apa nisarumakaku maria sanu sampesuvuku toYahudi masiriati manggita komiu, sampe ira muni mamala kukeni momparasaya i Yesus bo rapakasalama.

Roma 11:14 ပူးပေါင်းရင်းမြစ်များ

Roma 10:19

Jadi berimbamo? Dopa nisani ntoYahudi batuana Kareba Belo? Natantu nisaniramo! Pamula-mulana naria tesa nu Alatala nipasimbayu Nabi Musa ivei: <> Ulangan 32:21

Roma 11:11

Jadi, deanapa toYahudi nanavu sabana ira ledo nomparasaya. Tapi nee rapekirimiu ira nanavu sampe ri kasae-saena! Ledo ivesia patuju nu Alatala! Lako ri pesapuaka ntoYahudi haitu, tona ledo toYahudi nanggava loga momparasaya bo rapakasalama. Kaupuna, toYahudi masiriati manggita ira apa ira muni madota rapakasalama.

Roma 9:3

Ane rapana mamala, aginapa yaku rapindasi nu Alatala bo rapopogaa lako nte i Kristus, asaa sampesuvuku toYahudi momparasaya.

1 Korintus 1:21

Alatala napande mpuu, bo nipakatantuNa manusia ledo mamala mosisani ante Ia ane aga manjarumaka kapandera mboto. Tapi nibotusiNa mompakasalama isema-sema momparasaya Kareba Belo nipatolele kami. Tano mai tona ri dunia nanguli Kareba haitu aga tesa ntodoyo.

1 Korintus 10:33

Yaku mboto nompasimbuku matuvu mompakadamba pura-pura rara ntona riara mpengaya-ngaya pokaingguku. Yaku ledo aga nompekirika kabelo karoku mboto tapi yaku nompekirika kabelo ntona pura-pura, ala ira pura-pura mamala rapakasalama.

1 Korintus 7:16

Tapi dopa nisanimiu anu majadi. Bara berei mombine topomparasaya mamala manggeni bereina langgai momparasaya i Kristus bo rapakasalama. Bara berei langgai topomparasaya mamala manggeni bereina mombine momparasaya bo rapakasalama.

1 Timotius 1:15

Naria tesa nanguli ivei: “I Yesus Kristus nakava ri dunia ala mompakasalama tona nadosa.” Tesa haitu nakana bo masipato ratarimata bo raparasayata mpuu. Bo yakumo nelabipa nadosa pade pura-pura tona ntanina.

1 Timotius 2:4

Ia madota ala pura-pura tona rapakasalama bo mangisani pepatuduki nakana,

1 Timotius 4:16

Jagaimo pokainggumu bo jagai muni pepatudukimu. Iko kana matutu movia pura-pura anu nipatudukiku ka iko. Apa ane mupovia ivesia, iko mboto rapakasalama bo topangepe pepatudukimu muni rapakasalama.

2 Timotius 1:9

Alatala nompakasalama kita bo nompokio kita majadi todeaNa nagasa. Kita nipakasalama ledo sabana pompasimbukuta mboto, tapi sabana nia nu Alatala bo pepotoveNa. Ri lamba pamulana dopame dunia nipajadi, Alatala nonia mamimo mompopakita pepotoveNa ante anu rapovia i Yesus Kristus.

2 Timotius 2:10

Jadi yaku nombatidamaka mpengaya-ngaya kasusa ala mamala kutulungi tona nipelisi nu Alatala sampe ira muni mamala momparasaya i Yesus Kristus bo rapakasalama bo matuvu mabelo mosanggani-nggani nte Alatala sampe ri kasae-saena.

Titus 3:5

Kita nipakasalamaNa, ledo sabana pokaingguta nanoa, tapi sabana kaasi mataNa nanggita kita. Alatala nompakasalama kita ante nompakagasa kita bo nombalelaka dosata. Haitu nipoviaNa ante kuasa Nosa Gasa anu nombadekei katuvu nabaru ka kita bo nombabaliki rarata majadi nabelo.

Filemon 1:12

Yaku mpuu-mpuu nompotove i Onesimus, bo sii-sii nituduku ia manjili tou nte iko.

Ibrani 1:14

Jadi, isema kakanana malaeka-malaeka nTupu? Ira pura-pura topotulungi Alatala anu nisuroNa mantulungi bo manggeniaka tona rapakasalamaNa.

Ibrani 2:3

Ane ivesia nte Atura nTupu, nemopa Kareba Belo anu nipatolele i Yesus! Kareba haitu nombatesaki carana kita mamala rapakasalama. Kareba haitu nelabipa kabelona pade Atura nipapola malaeka-malaekaNa nggaulu. Jadi ane ledo rapeilita kareba haitu, berimbamo kita makabasaka lako ri pehuku? Kareba haitu pamulana nipatolele i Pue Yesus mboto. Tona anu nangepe Ia nompakalanto ka kita, kareba haitu mpuu-mpuu nakana bo namala rasarumakata.

Yakobus 5:20

Tona nompakeni roana nadosa haitu manjili lako ri dalana nasala, ia mompakasalama roana haitu lako ri pehuku nu Alatala sampe ri kasae-saena, bo dosana nadea raampungi. Tabe lako nte yaku, Yakobus