Roma 10:16 - Kaili Ledo

¹⁶ Tapi ledo pura-pura tona nomparasaya Kareba Belo haitu. Naria tesa Nabi Yesaya nggaulu nanguli ivei: <> Yesaya 53:1

Roma 10:16 ပူးပေါင်းရင်းမြစ်များ

Matius 13:14

Jadi, pokainggura nompakadupa Tesa nu Alatala anu nipasimbayu Nabi Yesaya nggaulu ivei: ‘Tona gahaitu batena mangepe tapi ledo ntoto rasanira batuana. Ira batena manggita tapi ledo ntoto rasanira nuapa najadi.

Yohanes 10:26

Tapi ledo ntoto niparasayamiu sabana komiu ledo bimba-bimbaKu.

Suro-Suro 28:24

Naria tona nomparasaya anu niuli i Paulus, tapi naria muni ledo nomparasaya.

Roma 1:5

Alatala nabelo raraNa nte yaku bo yaku nipajadiNa suroNa sabana i Yesus. Yaku niposuroNa mompatolele Kareba Belo ka tona ri umba-umba ri dunia bo manggeniaka ira momparasaya bo matundu nte i Yesus, ala Ia rabila bo rapakaoge

Roma 11:17

ToYahudi namala nirapaka kayu zaitun nipiara nu Alatala. Bo sanu tingguna nikotosi nu Alatala. Komiu tona ledo toYahudi anu nomparasaya i Yesus, nirapaka tinggu-tinggu lako ri kayu zaitun anu ledo nipiara. Tinggu-tinggu haitu niala nu Alatala bo nipatakaNa ri bela ntinggu nikotoNa pangane ala tinggu-tinggu nabaru haitu matuvu bo movua lako ri kayu nipiaraNa. Ivesiamo komiu nantarima belo lako nte Alatala, nasimbayu mpo belo nitarima ntoYahudi nggaulu.

Roma 16:26

Tapi ri tempo sii-sii, nia haitu nipopaisani ka kita riara buku nitulisi nu nabi-nabi nggaulu. Bo Alatala anu natuvu sampe ri kasae-saena, nantudu ala niaNa haitu rapopaisani ka tona ri umba-umba ala pura-pura manusia mamala momparasaya bo matundu nte i Kristus.

Roma 2:8

Tapi ane tona aga nompekirika karora mboto, bo ledo nadota nangoseaka dota nu Alatala, tapi aga nangoseaka dota nu rarara nadaa, tona gahaitumo rapokarau nu Alatala bo rapambela pehuku.

Roma 3:3

Sanu toYahudi ledo naroo nomparasaya pojanji nu Alatala. Tapi nau ivesia, nee rasarumakamiu Alatala ledo mompakadupa pojanjiNa.

Roma 6:17

Bara ipia, dopame niparasayamiu i Yesus, komiu najadi batua nu dosa. Tapi nosukuru mpuu nte Alatala! Sii-sii komiu mpuu-mpuu nangoseaka pepatuduki nakana anu nipatolele ka komiu.

Galatia 3:1

Nadoyo mpuu komiu toGalatia! Isema nanjalipuyo komiu sampe komiu domo nadota nangoseaka pepatuduki nakana? Nipakalantoku mpuu nanguli ka komiu bara ipia patuju kamate i Yesus Kristus ri kayu salib.

Galatia 5:7

Bara ipia nioseakamiu nabelo Kareba Belo. Jadi nakuya hitupa komiu domo nadota nangoseaka pepatuduki nakana? Isema nombalava komiu?

2 Tesalonika 1:8

bo ante apu navaya-vaya. Ia manau mombahuku tona ledo nadota nompeili Alatala bo ledo nadota nangoseaka Kareba Belo anu notesaki Tuputa Yesus.

Ibrani 11:8

Lako ri pomparasaya i Abraham, nioseakana parenta nu Alatala. Alatala nompokio ia bo nituduNa hau ri ngata nakavao. Alatala nojanji ngata haitu majadi bagia i Abraham. Jadi, nau dopa nisanina ri umba ngata rakalauna haitu, nipalaikanamo ngatana mboto nangoseaka parenta nu Alatala.

Ibrani 4:2

Apa kita muni nangepe Kareba Belo nu Alatala nasimbayu mpo totuata nggaulu. Tapi kareba niepe ntotuata ledo ria gunana ka ira, sabana aga niepera bayangi, ledo niparasayara kareba haitu.

Ibrani 5:9

Naganapa pura-pura haitu nirasaiNa, Ia najadi puna katuvua nabelo sampe ri kasae-saena ka pura-pura tona matundu nte Ia.

1 Petrus 1:22

Sampesuvu-sampesuvu, katuvumiu nipakagasamiu sabana komiu nangoseaka pepatuduki nakana. Haitumo sampe komiu namala nompotove sampesuvumiu sampomparasaya ante rara naliangu. Sabana haitu, posipotovemo ante rara mpuu-mpuu.

1 Petrus 2:8

Bo naria tesa ntanina ri Buku Gasa ivei: “Vatu haitu nompakatepasunu tona. Vatu haitu nompakadungga ira.” Yesaya 8:14-15 Ira natepasunu sabana ira ledo nadota nangoseaka Tesa nu Alatala, bo haitumo bagiara nipakatantu nu Alatala ka ira.

1 Petrus 3:1

Ivesia muni komiu totua-totua mombine kana mekou nte bereimiu langgai. Apa ane bereimiu ledo nomparasaya tesa nu Alatala, pekoumiu haitu mamala mompakeni ia momparasaya. Ledo paraluu raulimiu nuapa-nuapa ka ia,