Roma 1:5 - Kaili Ledo

⁵ Alatala nabelo raraNa nte yaku bo yaku nipajadiNa suroNa sabana i Yesus. Yaku niposuroNa mompatolele Kareba Belo ka tona ri umba-umba ri dunia bo manggeniaka ira momparasaya bo matundu nte i Yesus, ala Ia rabila bo rapakaoge

Roma 1:5 ပူးပေါင်းရင်းမြစ်များ

Yohanes 1:16

Naoge mpuu tove i Yesus Kristus ka kita sampe ledo ria kaupu-upuna belo nidekeiNa ka kita.

Suro-Suro 15:14

I Simon Petrus dako notentei ka kita tove nu Alatala ka tona ledo toYahudi. Lako ri pamulana, Alatala nompekirika ira. PatujuNa, rapelisiNa lako nte ira tona majadi todeaNa.

Suro-Suro 6:7

Ivesiamo kareba nu Alatala nipatolele njuu bo kadea ntopomparasaya i Yesus ri ngata Yerusalem nantambai mpuumo. Bo nadea muni topanggeni pesomba nangoseaka i Yesus.

Suro-Suro 9:15

Tapi nanguli i Pue, “Koimo! Apa nipelisiKumo ia mokarajaa ka Yaku mompatolele karebaKu ka tona ledo noagama Yahudi, ka magau-magau bo ka todea toIsrael muni.

Roma 12:3

Lako ri kabelo rara nu Alatala, yaku nianggatakaNa majadi suroNa. Jadi sia sampe kuuli ka komiu pura-pura, Nee rapekirita karota mboto naoge ane ledo ivesia kakanana. Kita kana manoa bo manoto mompekirika karota mboto, nangoseaka suka pomparasaya nibagi nu Alatala ka kita saito-saito.

Roma 16:26

Tapi ri tempo sii-sii, nia haitu nipopaisani ka kita riara buku nitulisi nu nabi-nabi nggaulu. Bo Alatala anu natuvu sampe ri kasae-saena, nantudu ala niaNa haitu rapopaisani ka tona ri umba-umba ala pura-pura manusia mamala momparasaya bo matundu nte i Kristus.

Roma 3:29

Tantumo Alatala ledo aga Alatala ntoYahudi, tapi Alatala ntona ledo toYahudi muni.

1 Korintus 15:10

Tapi lako ri pepotove nu Alatala, yaku najadi suro i Pue Yesus. Bo pepotoveNa haitu naria aselena riara nggatuvuku. Yaku nokarajaa nelabipa kantamona pade suro-suro i Yesus ntanina. Tapi kakanana ledo yaku anu nokarajaa ntamo ivesia. Alatala anu nompotove yaku, Iamo nokarajaa nosanggani-nggani ante yaku.

1 Korintus 9:2

Nau ri panggita ntona ntanina yaku ledo nireke suro i Pue Yesus, natantu kana rarekemiumo yaku suroNa mami! Pomparasayamiu i Pue Yesusmo nompakalanto yaku hii mpuu-mpuu suroNa.

Efesus 1:12

Haitu sampe kami toYahudi anu nokolu nanjarumaka i Kristus masipato mantoiya Alatala sabana kaogeNa anu nipokumaaka!

Efesus 1:6

Alatala novia pura-pura haitu ala ratoiyata Ia. Nelabi mpuu kaoge nu toveNa ka kita! Lako ri kabelo nu raraNa, Ia nompopelabi bayangi toveNa ka kita anu nosangu rara ante AnaNa nipotoveNa.

Ibrani 5:9

Naganapa pura-pura haitu nirasaiNa, Ia najadi puna katuvua nabelo sampe ri kasae-saena ka pura-pura tona matundu nte Ia.