Roma 1:21 - Kaili Ledo

²¹ Nisanira Alatala naria bo nisanira Ia masipato rabila, tapi ledo nibilara, bo ledo muni niulira tarima kasi nte Ia. Ira aga nompekirika anu ledo ria gunana. Pekirira nadoyo bo ledo nipahara anu nakana.

Roma 1:21 ပူးပေါင်းရင်းမြစ်များ

Yohanes 3:19

Ana nu Alatala nakava ri dunia eva reme nombavanta kalandana, tapi ira nihuku sabana nipokonorapa kalandana pade karemena apa pokainggura nadaa.

Suro-Suro 26:18

Kutudu iko hau mombabuka matara, ala ira domo matuvu ri kalandana tapi matuvu riara reme nu Alatala, ala ira rakabasaka lako ri kuasa Magau nu Seta bo matundu nte Alatala. Bo dosa-dosara raampungi bo ira majadi todea nu Alatala anu nipelisiNa, sabana pomparasayara Yaku.’ ”

Roma 1:19

Nisani nu manusia inggu nu Alatala, sabana Alatala mboto nompopaisanina ka ira.

Roma 1:28

Tona gahaitu ledo nadota mosisani ante Alatala. Jadi Alatala nompalamba ira rakeniaka mpekirira nadaa sampe ira novia anu ledo masipato rapoviara.

Roma 11:10

Pakaburo pekirira sampe ledo mamala rakitara dala nakana. Bo pakandasamo ira sampe ira bate-batena mabundu nte kasusara!>> Mazmur 69:23-24

Roma 15:9

Bo muni i Kristus nakava ala tona ledo toYahudi mantoiya Alatala, sabana kabelo raraNa nte ira. Riara Buku Gasa naria tesa nombaboto tempona tona ledo toYahudi mantoiya Alatala mosanggani-nggani nte toYahudi ivei: <> 2 Samuel 22:50; Mazmur 18:50

2 Timotius 3:2

Tempo haitu madea tona aga mompotove karora mboto. Ira madoko doi, mamango, malanga rara, mantunturaka roa, bo ledo matundu nte totuara. Ledo rasanira motarima kasi, bo ledo rapeilira agama.

1 Petrus 1:18

Pekoumo nte Alatala sabana nisanimiu mbotomo sompo nibayariNa mombakabasaka komiu lako ri katuvumiu nggaulu. Katuvumiu ledo ria gunana haitu, nipasialamiu lako nte ntotua nggaulu. Tapi Alatala nombakabasaka komiu lako ri katuvumiu nokolu haitu. Sompo ledo nibayariNa ante mbara-mbara anu ledo nainti evamo bulava atau salaka

1 Petrus 2:9

Tapi sampesuvu-sampesuvu, komiu ledo mpo ira haitu. Komiumo todea nipelisi nu Alatala. Komiumo nipelisi majadi mpo topanggeni pesomba anu mantulungi magau. Komiumo todeaNa nipatani ka Ia, komiumo najadi bagiaNa. Komiu nipelisi nu Alatala mompatolele panggaviaNa anu nipokumaaka ka tona ntanina. Iamo nompokio komiu mesuvu lako ri kalandana ala matuvu riara karemeNa anu nabelo mpuu.

Pompakita 14:7

Notesamo ia ante suara namangga, “Bilamo Alatala, bo tesamo kaogeNa! Apa nakavamo tempona Alatala mombatangara manusia! Petupumo nte Alatala anu nompajadi langi, tana bo tasi bo pura-pura mata nu uve!”

Pompakita 15:4

Pue, pura-pura manusia mekou nte Komiu. Pura-pura tona mombabila bo mombatoiya kaogeMiu, sabana aga Komiu mpuu-mpuu nagasa. Pue, pura-pura tona ri dunia makava mombasomba Komiu, sabana nisanira pura-pura pobotusiMiu nanoa.”