Roma 1:14 - Kaili Ledo

¹⁴ Yaku madota mosinggava nte komiu sabana kana kupatolele Kareba Belo ka pura-pura tona ri dunia, ledo nipelisiku bara tona ri kota, bara tona ri bulu, bara toposikola bara ledo.

Roma 1:14 ပူးပေါင်းရင်းမြစ်များ

Matius 11:25

Tempo haitu nosambayamo i Yesus. NiuliNa, “Tata, Komiumo Tupu nu langi bo tana. Yaku nosukuru nte Komiu sabana nipopaisaniMiu pura-pura anu pangane ka tona ledo natau. Tapi nitabuniakaMiu ka tona nangisani bo tona napande,

Lukas 10:21

Tempo haitu muni Nosa Gasa nu Alatala nombakuasai i Yesus bo Ia nosambaya nte damba raraNa ivei: “Tata, Komiu Tupu nu langi bo tana! Nosukuru mpuu Yaku sabana nipopaisaniMiu pura-pura anu pangane ka tona ledo natau. Tapi nitabuniakaMiu ka tona nangisani bo tona napande, apa ivesiamo dotaMiu.”

Suro-Suro 22:21

Tapi nanguli vaimo i Pue ka yaku, ‘Koimo. Yaku nantudu iko hau ri ngata-ngata nakavao, nte tona ledo toYahudi.’ ”

Suro-Suro 28:2

Tona nonturo ri levuto haitu najole mpuu nte kami. Nikadambanakara kami pura-pura ante belo bo nipanakira apu rapanderu kami, sabana naranindi bo nompamulamo nauda.

Suro-Suro 28:4

Nikita ntupu ngata ule haitu noloe ri pale i Paulus, nisarumakara i Paulus mamate. Nosimpotesamo ira, “Natantumo tona moitu topepatesi, apa nau ia nasalamamo lako ri tasi, Viata Topotangara ledo mompalamba ia matuvu.”

Suro-Suro 9:15

Tapi nanguli i Pue, “Koimo! Apa nipelisiKumo ia mokarajaa ka Yaku mompatolele karebaKu ka tona ledo noagama Yahudi, ka magau-magau bo ka todea toIsrael muni.

Roma 1:22

Pangulira iramo tonoto pekiri, tano aga todoyo!

Roma 11:25

Sampesuvu-sampesuvu sampomparasaya! Ledo mabelo malanga gaga raramiu. Jadi yaku madota ala rasanimiu nia nu Alatala anu dopa nisani nu manusia nggaulu, haitumo, anu majadi nte toYahudi. Sii-sii nadea toIsrael nakaa bagara bo ledo nomparasaya. Tapi kakaa bagara haitu aga sampalai, sampe magana kadea ntona ledo toYahudi anu momparasaya i Yesus.

Roma 12:16

Komiu kana matuvu mosintuvu nte roa. Nee malanga raramiu tapi komiu kana masadia mosimporoa ante tona naede katuvuna. Nee rapekiri karomiu napandepa pade kakanana.

Roma 13:8

Nee kita moinda nte tona ntanina, tapi kita kana batena mosimpotove. Aga haitu inda masipato ka kita. Apa isema-sema nompotove singgamanusiana, nireke nioseakanamo pura-pura Atura agama.

Roma 16:19

Komiu, nisani ntona ri umba-umba komiu naroo nangoseaka pepatuduki lako nte Alatala. Haitumo sampe yaku nadamba nompekirika komiu. Tapi yaku madota ala komiu mapande mangisani anu nabelo, tapi nee mpuu mapande mangisani anu nadaa.

Roma 8:12

Jadi, sampesuvu-sampesuvu, kita masipato matuvu mangoseaka dota nu Alatala. Ledo masipato kita mangoseaka dotata mboto nadaa.

1 Korintus 14:11

Tapi ane ledo nisanita batua nu basa nipake ntona, tantu rareketa tosangatana ia, bo ivesia muni kita rareke ntona haitu tosangatana ane raepena basa nipaketa.

1 Korintus 14:16

Rapana kita manguli tarima kasi ka Alatala ante mompake basa nopuna lako ri Nosa Gasa. Ane maria tona ntanina mangepena, berimbamo ia manguli “Amin! Nakana tu!” ane ledo nisanina batuana tesata?

1 Korintus 2:13

Jadi ane kami nompatuduki nombatesa Alatala, kami ledo notesa ante tesa-tesa napande nipatuduki ka kami nangoseaka kapande nu manusia, tapi ante tesa-tesa nipatuduki nu Nosa Gasa ka kami. Kami nombatentei pepatuduki lako nte Nosa Gasa ka tona naria Nosa Gasa haitu.

1 Korintus 3:18

Nee mombabagiu karomiu mboto! Ane maria nte komiu tona nompekiri karona mboto napande ri panggita nu manusia, agina ia majadi madoyo ri panggita nu manusia ala ia mpuu-mpuu majadi mapande.

2 Korintus 10:12

Natantu ledo mabia kami manguli karo kami nasimbayu ante ira anu nombatoiya karora mboto! Ledo mabia kami mompakasimbayu karo kami ante ira! Ira nantoiya karora nangoseaka panggitara mboto. Nadoyo mpuu tona ivehaitu!

2 Korintus 11:19

Nikitaku komiu nadamba nosabara ante tona nadoyo, apa niulimiu komiu napande mpuu!

Kolose 3:11

Kita najadi manusia nabaru, jadi domo ria posisalana toYahudi bo tona ledo toYahudi. Tona nisuna nangoseaka ada agama Yahudi bo tona ledo nisuna, nasimbayu ri panggita nu Alatala. Alatala ledo nompelenje bara tosangatana bara toribulu bara batua bara tona ledo nipobatua. I Kristusmo nopoko, bo Iamo nonturo riara ntaita pura-pura.

2 Timotius 2:10

Jadi yaku nombatidamaka mpengaya-ngaya kasusa ala mamala kutulungi tona nipelisi nu Alatala sampe ira muni mamala momparasaya i Yesus Kristus bo rapakasalama bo matuvu mabelo mosanggani-nggani nte Alatala sampe ri kasae-saena.

Titus 3:3

Toramo, kita muni bara ipia da nalanda rarata nasimbayu mpo tona ledo nomparasaya i Yesus. Ledo nisanita dala nakana mosisani nte Alatala bo ledo nioseakata parentaNa. Katuvuta bara ipia nikuasai dota nu rarata nadaa bo kasana nu dunia anu ledo nabelo. Kita natuvu narau rara nanggita roa, nasiriati, bo nosipovuu mata nte tona ntanina.