Roma 1:11 - Kaili Ledo

¹¹ Apa naoge mpuu raraku mosinggava nte komiu ala yaku mamala mombabagi pedekei nu Alatala ka komiu, haitumo Nosa Gasa anu mompakaroso pomparasayamiu.

Roma 1:11 ပူးပေါင်းရင်းမြစ်များ

Suro-Suro 16:5

Jadi ivesiamo pomparasaya ntopangoseaka i Yesus nipakaroso, bo eo-eo nantambai kadea ntopomparasaya.

Suro-Suro 19:21

Naliutaka kajadia-kajadia haitu, i Paulus nonia hau ri propinsi Makedonia bo Akhaya, pade mapola hau ri ngata Yerusalem. Niulina ka roana, “Maupu yaku hau ri ngata Yerusalem, pade hau ri ngata Roma.”

Suro-Suro 19:6

I Paulus nombadika palena ri balenggara bo kaliu-liu Nosa Gasa nu Alatala nombakuasai ira. Pade ira notesa ante basa-basa nidekei nu Nosa Gasa ka ira bo nipasimbayura tesa lako nte Alatala.

Roma 1:12

Patujuku ala yaku muni rapakaroso sabana pomparasayamiu, jadi kita mpasanggani-nggani mosipakaroso rara.

Roma 15:23

Tapi sii-sii, naupumo pokarajaaku ri sii. Nompae-mpaemo yaku madota tou mosinggava nte komiu.

Roma 15:29

Bo nisaniku ane yaku makava nte komiu, natantumo madea belo lako nte i Kristus kukeni ka komiu.

Roma 15:32

Kuperapi muni, ane rapodota nTupu, yaku mamala tou mesai nte komiu ante damba nu raraku, bo kita mamala mosipakavoe rarata.

Roma 16:25

Ratoiyata Alatala! Ia nakuasa mompakaroso pomparasayamiu mpo niuli ri Kareba Belo nipatoleleku, haitumo kareba i Yesus Kristus. Kareba i Kristus haitumo nia nu Alatala anu nitabuniakaNa lako ri lamba pamulana.

2 Korintus 1:15

Nisaniku komiu mpuu-mpuu nadamba nompekirika yaku. Haitu sampe yaku nonia ronggani mesai nte komiu, ala komiu mamala mantarima belo ronggani kadeana lako nte yaku. Patujuku mesai mompelioda komiu ntani ruru pade mapola hau ri propinsi Makedonia. Bo tempo manjili lako ri Makedonia pade mesai vai mompelioda komiu ala komiu mamala mantulungi yaku mompapola polipaku hau ri bagia Yudea.

2 Korintus 1:21

Alatala mboto mompakaroso kita pura-pura ala kita mosangu rara ante i Kristus. NipelisiNa kita majadi todeaNa

2 Korintus 11:4

Nitesa kamimo i Yesus ka komiu bara ipia, bo nitarimamiumo Nosa Gasa bo niparasayamiumo Kareba Belo. Tapi hitupa nikitaku komiu nadamba nantarima tona ntanina anu nombatesa Yesus ntanina. Bo nasadia muni komiu nantarima kuasa ntanina bo nomparasaya kareba ntanina.

2 Korintus 9:14

Bo ira mosambayani komiu ante tovera apa pepotove nu Alatala anu nikita riara nggatuvumiu mpuu-mpuu naoge.

Filipi 1:8

Nalentora mpuu raraku nte komiu, apa pompotoveku komiu nasimbayu mpo pepotove i Yesus Kristus mboto. Nisani nu Alatala tesaku hitu nakana.

Filipi 2:26

Nalentoramo rarana nte komiu pura-pura, bo nasusa rarana sabana niepemiu ia nadua.

Filipi 4:1

Jadi, sampesuvu-sampesuvu nipotoveku bo nipolentoraku. Komiu mpuu-mpuu nompakadamba raraku, bo nasana mpuu raraku sabana pomparasayamiu asele pokarajaaku nompatolele Kareba Belo. Nantora anu niuliku pangane, nee molengga-lengga momparasaya bo mangoseaka i Pue Yesus.

1 Tesalonika 3:13

Kami merapi Alatala mompakaroso raramiu ala komiu magasa bo ledo makura nuapa-nuapa ri ngayo nTuamata Alatala tempo Tuputa i Yesus makava ante pura-pura todeaNa anu nagasa.

1 Tesalonika 3:2

bo i Timotius sampesuvuta sampomparasaya nitudu kami tuou nte komiu. I Timotius roa kami nokarajaa ka Alatala. Ia nantulungi kami nompatolele Kareba Belo anu notesaki i Kristus. Ia nitudu kami tou mompakadidi raramiu bo mompakaroso pomparasayamiu

2 Tesalonika 3:3

Petulungi i Pue Yesus ledo maupu-upu! Ia bate-batena mompakaroso raramiu bo mombajagai komiu lako ri kuasa Magau Seta.

Ibrani 13:9

Nee sampe komiu masalandala lako ri pepatuduki nakana ante mangoseaka mpengaya-ngaya pepatuduki anu nontani lako ri pomparasayata, evamo pepatuduki atura-atura pangande. Nadea tona bara ipia nangoseaka atura-atura pangande, tapi atura haitu ledo nanggeni belo ka topangoseakana. Aginapa kita mompakaroso rarata mompekirika kabelo rara nu Alatala, apa haitumo anu nanggeni belo ka kita.

1 Petrus 5:10

Komiu kana mombarasai susa, tapi ledo masae. Maliu haitu Alatala mboto mompakagana nuapa-nuapa nakura nte komiu. Ia mompakaroo raramiu sampe ledo maria tona ntanina mamala mompopolengga atau mompopoura pomparasayamiu. Alatala mpuu-mpuu mompakaroso komiu apa nabelo mpuu raraNa bo Iamo nompokio komiu manggava bagia ri kuasaNa bo kaogeNa sampe ri kasae-saena sabana komiu nosangu rara ante i Kristus.

1 Petrus 5:12

Yaku notulisi sura nambuku hitu ante petulungi i Silas, sampesuvuta sampomparasaya. Nisaniku ia namala raparasaya. Patujuku notulisi sura hitu ala mompakaroso raramiu bo mompakalanto ka komiu Alatala mpuu-mpuu nompotove bo nombatulungi kita evamo nitesaku pangane. Jadi komiu kana batena manjarumaka pepotoveNa haitu.

2 Petrus 1:12

Jadi sampesuvu-sampesuvu, nisanimiumo pura-pura anu nitesaku pangane, bo komiu naroo nangoseaka pepatuduki nakana anu nitarimamiu. Tapi naupa ivesia, yaku bate-batena mompopatora ka komiu pura-pura anu nitesaku haitu.