Roma 1:1 - Kaili Ledo

¹ Sampesuvu-sampesuvu ri ngata mbaso Roma: Sura hitu lako nte yaku i Paulus, batua i Yesus Kristus. Alatala nompelisi bo nombasuro yaku mompatolele Kareba Belo lako nte Ia.

Roma 1:1 ပူးပေါင်းရင်းမြစ်များ

Markus 1:14

Naliu i Yohanes Topediu nisuaraka riara ntarunggu, haumo i Yesus ri bagia Galilea mompatolele Kareba Belo lako nte Alatala.

Yohanes 12:26

Isema-sema mokarajaa ka Yaku kana mangoseaka Yaku ala ri umba-umba Kukalau, ia mosanggani-nggani nte Yaku. Bo isema-sema mokarajaa ka Yaku natantu rabila nTuamaKu.

Yohanes 15:15

Komiu domo Kuuli batua, sabana batua ledo nisanina nia nu madikana. Tapi hitupa komiu Kuuli vegaKu sabana pura-pura anu niepeKu lako nte TuamaKu, nitesaKu muni ka komiu.

Yohanes 15:20

Toramo tesa niuliKumo ka komiu: batua ledo naogepa pade madikana. Ane Yaku nipandasara, natantumo komiu muni rapandasara. Ane nioseakara pepatudukiKu, natantumo raoseakara muni pepatudukimiu.

Suro-Suro 13:9

Tapi i Saulus, anu nidae muni i Paulus, nikeniaka Nosa Gasa nu Alatala. Nikanotosina toposibalimata haitu,

Suro-Suro 20:24

Tapi ledo kupotove katuvuku hitu. Nau yaku mpuu-mpuu rapatesi, ledo makuya, asaa kupakaupu pokarajaa nidekei i Pue Yesus ka yaku mompatolele Kareba Belo anu nombatesa kabelo nu Alatala nte kita.

Suro-Suro 21:40

Tadulako haitu nompaloga i Paulus motesa. Jadi i Paulus neangga ri tangga nu asrama bo nombalaeraka palena, ala ira malino mangepe tesana. Nalinomo ira sakide, bo nompamulamo i Paulus notesa ka ira ante basa Ibrani, basa ntoYahudi.

Suro-Suro 22:21

Tapi nanguli vaimo i Pue ka yaku, ‘Koimo. Yaku nantudu iko hau ri ngata-ngata nakavao, nte tona ledo toYahudi.’ ”

Suro-Suro 22:7

Nadunggamo yaku bo niepeku suara nanguli, ‘Saulus, Saulus! Nakuya iko nompandasa Yaku?’

Suro-Suro 26:1

Magau Agripa nanguli ka i Paulus, “Iko radekei loga motesa manjaliku karomu.” Jadi i Paulus nolaeraka palena, bo notesa nombasaliku karona ivei:

Suro-Suro 26:14

Kami pura-pura nadungga ri tana, bo niepeku suara nanguli ante basa Ibrani ivei: ‘Saulus, Saulus! Nakuya iko nompandasa Yaku? Iko aga mompakasusa karomu mboto ane batena mueva pekeniaka nTupumu!’

Suro-Suro 27:23

Nisaniku haitu sabana ibongi Alatala anu nisombaku bo anu nombajagai yaku, nantudu malaekaNa tumai nte yaku. Malaeka haitu nanguli,

Suro-Suro 9:15

Tapi nanguli i Pue, “Koimo! Apa nipelisiKumo ia mokarajaa ka Yaku mompatolele karebaKu ka tona ledo noagama Yahudi, ka magau-magau bo ka todea toIsrael muni.

Roma 1:16

Ledo naeya mataku nompatolele Kareba Belo. Apa Kareba Belo haitu pareva nu Alatala mompakasalama pura-pura tona anu nomparasaya i Yesus, pamula-mulana toYahudi, bo muni tona ledo toYahudi.

Roma 1:5

Alatala nabelo raraNa nte yaku bo yaku nipajadiNa suroNa sabana i Yesus. Yaku niposuroNa mompatolele Kareba Belo ka tona ri umba-umba ri dunia bo manggeniaka ira momparasaya bo matundu nte i Yesus, ala Ia rabila bo rapakaoge

Roma 1:9

Nisani nu Alatala yaku nasaro nosambaya ka komiu. Yaku batena ante rara mpuu-mpuu nombatui pokarajaa nidekei nu Alatala ka yaku, haitumo nompatolele Kareba nu AnaNa.

Roma 11:13

Sii-sii kupambela tesaku hitu ka komiu, tona ledo toYahudi. Yakumo hii suro i Yesus anu nisuroNa manggeni Kareba Belo ka komiu tona ledo toYahudi. Bo pokarajaaku haitu nirekeku nabelo mpuu.

Roma 15:16

Ia nanganggataka yaku nokarajaa ka i Yesus Kristus nanggeni karebaNa ka tona ledo toYahudi. Bo pokarajaaku haitu namala rarapaka pokarajaa ntopanggeni pesomba, sabana yaku nompatolele Kareba Belo lako nte Alatala ka tona ledo toYahudi, bo ira anu nomparasaya i Kristus nirekeku pesomba nipesombaku ka Alatala. Bo pesombaku haitu tantu nitarima nu Alatala sabana Nosa Gasa nompakagasa ira bo nompatani ira majadi bagia nu Alatala.

Roma 15:29

Bo nisaniku ane yaku makava nte komiu, natantumo madea belo lako nte i Kristus kukeni ka komiu.

Roma 16:18

Sabana, tona nokainggu ivehaitu ledo nokarajaa ka Tuputa i Kristus, tapi aga nangoseaka dotara mboto. Tona dopa nisanina belo pepatuduki nakana, nibagiura ante tesa-tesara napande bo namomi.

Roma 16:25

Ratoiyata Alatala! Ia nakuasa mompakaroso pomparasayamiu mpo niuli ri Kareba Belo nipatoleleku, haitumo kareba i Yesus Kristus. Kareba i Kristus haitumo nia nu Alatala anu nitabuniakaNa lako ri lamba pamulana.

1 Korintus 1:1

Sampesuvu-sampesuvu, todea nu Alatala ri ngata Korintus: Komiu nipelisi nu Alatala majadi todeaNa mboto sabana komiu nosangu rara ante i Yesus Kristus. Komiu nipokio majadi todea nu Alatala mosanggani-nggani ante pura-pura tona ri umba-umba dunia anu nekakai nte i Yesus Kristus, Tupura bo Tuputa muni. Sura hitu lako nte kami, i Paulus bo sampesuvuta sampomparasaya i Sostenes. Yaku nipelisi nu Alatala majadi suro i Yesus Kristus nangoseaka dota nu Alatala mboto.

1 Korintus 9:1

Yaku hii nakuasa novia nuapa-nuapa nipodotaku. Yaku hii suro i Yesus. Yaku mboto nanggita Tuputa i Yesus. Bo komiu mbotomo asele pokarajaa nipoviaku ka i Pue.

2 Korintus 1:1

Sampesuvu-sampesuvu todea nu Alatala ri ngata Korintus bo pura-pura topomparasaya ri njumangu propinsi Akhaya: Sura hitu lako nte yaku, i Paulus, bo i Timotius sampesuvuta sampomparasaya. Yaku nipelisi nu Alatala najadi suro i Yesus Kristus nangoseaka dotaNa.

2 Korintus 11:5

Niepemiumo tesa ntona anu nantoiya karo mboto, haitumo suro-suro anu ledo ria kasimbayuna. Jadi kana raepemiu muni tesaku hitu, apa yaku hii ledo ntoto natuei pade ira.

2 Korintus 11:7

Tempo yaku nompatolele Kareba Belo ka komiu, yaku ledo ntoto nerapi gaji lako nte komiu. Yaku nompakaede raraku nokarajaa ante paleku mboto nompaelo ala manggeni belo ka komiu pura-pura. Jadi, berimba nirasaimiu? Nasala poviaku ivesia?

2 Korintus 12:11

Sampesuvu-sampesuvu, yaku hii notesa mpo todoyo, tapi komiu nompasuu yaku notesa ivesia! Kakanana komiumo masipato mombatoiya yaku, sabana naupa yaku hii ledo naria nturoku, yaku ledo ntoto nakura ane rapoposisala ante tona nirekemiu suro-suro anu ledo ria kasimbayuna!

2 Korintus 2:12

Kapolana, tempo yaku nakava ri ngata Troas mompatolele Kareba Belo i Kristus, i Pue nombadekei ka yaku loga nabelo mokarajaa hamai.

2 Korintus 4:5

Kareba nipatolele kami haitu ledo kareba karo kami mboto. Tapi kareba haitu nompakalanto i Yesus Kristusmo Tuputa pura-pura, bo kami hitu najadi batua nisuro i Yesus mombatulungi komiu.

Galatia 1:1

Sampesuvu-sampesuvu sampomparasaya i Yesus anu nasiromu ri umba-umba ri propinsi Galatia: Sura hitu lako nte yaku i Paulus, suro i Yesus Kristus. Yaku ledo nisuro nu manusia bo ledo muni nianggataka nu manusia majadi suro. Tapi yaku nianggataka i Yesus Kristus mboto bo Tuamata Alatala anu nompakatuvu Ia mpanjili lako ri kamateNa. Nadea tabe lako nte yaku, i Paulus, bo lako nte pura-pura sampesuvuta sampomparasaya anu nosanggani-nggani ante yaku ri sii.

Efesus 1:1

Sampesuvu-sampesuvu anu najadi todea nu Alatala bo naroo nomparasaya i Yesus Kristus ri ngata Efesus: Sura hitu lako nte yaku i Paulus, anu nianggataka najadi suro i Yesus Kristus nangoseaka dota nu Alatala.

Efesus 1:13

Bo ivesia muni komiu. Komiu najadi todea nu Alatala tempo niepemiu bo niparasayamiu pepatuduki nakana, haitumo Kareba Belo anu nompopaisani ka komiu, komiu mamala rapakasalama. Komiu nomparasaya i Yesus, jadi Alatala nombadekei Nosa GasaNa ka komiu anu nijanjiNa nggaulu. Nosa Gasa haitu tandana komiu mpuu-mpuu todea nu Alatala.

Efesus 4:11

Iamo nompalele pedekei-pedekei ka kita. Sanu nidekeikaNa pompakule majadi suro, sanu nidekeikaNa pompakule majadi nabi anu mompasimbayu tesa nitarimana lako nte Alatala. Sanu muni nidekeikaNa pompakule majadi topompatolele Kareba Belo, bo ntanina nidekeikaNa pompakule manggeniaka bo mompatuduki todea topomparasaya.

Filipi 1:1

Sampesuvu-sampesuvu sampomparasaya anu nonturo ri ngata Filipi: Sura hitu lako nte yaku i Paulus, bo i Timotius, batua-batua i Yesus Kristus. Kami notulisi ka komiu pura-pura anu nosangu rara ante i Yesus Kristus, bo muni ka pakeni ntodea topomparasaya bo topotulungi pakeni ntopomparasaya.

Filipi 2:11

bo pura-pura ira mompangaku i Yesus Kristusmo Tupura. Ivesiamo, ira mombabila bo mombatoiya Tuamata Alatala.

Kolose 1:1

Sampesuvu-sampesuvu sampomparasaya ri ngata Kolose, todea nu Alatala anu naroo nosangu rara nte i Kristus: Sura hitu lako nte yaku, i Paulus, anu nipelisi majadi suro i Yesus Kristus nangoseaka dota nu Alatala; bo lako nte i Timotius, sampesuvuta sampomparasaya. Nadea tabe kami. Kami merapi Tuamata Alatala mombadekei belo ka komiu bo mompakatinonto raramiu.

Kolose 1:25

Yaku nianggataka nu Alatala mantulungi todea topomparasaya; niparasayakaNa yaku pokarajaa haitu ala kupasimbayu pura-pura karebaNa ka komiu tona ledo toYahudi.

1 Tesalonika 2:2

Dopame kami nakava ri ngatamiu, kami mpuu-mpuu nipandasa bo nipakadaa ntona ri ngata Filipi. Nisanimiumo tesana. Nau nadea tona nangeva kami, tapi Tuputa nompakaroso rara kami ala kami ledo maeka mompatolele Kareba BeloNa ka komiu ri ngata Tesalonika.

1 Tesalonika 2:8

Nambaso mpuu tove kami nte komiu, sampe kami nadamba nompatolele Kareba Belo ka komiu. Bo kami muni nasadia mantulungi komiu nau kami mamate, sabana kami mpuu-mpuu nompotove komiu!

1 Tesalonika 2:9

Sampesuvu-sampesuvu, natantu da nitoramiu pompasimbuku kami bo kasusa kami bara ipia. Eo bongi kami nompasimbuku nokarajaa nompaelo mboto ala komiu ledo masesa mompekirika katuvu kami tempo nompatolele Kareba Belo nu Alatala ka komiu.

1 Timotius 1:1

Timotius nipotoveku; iko mpuu-mpuu nirekeku anaku mboto sabana kita sampomparasaya: Sura hitu lako nte yaku Paulus, suro i Yesus Kristus. Yaku najadi suroNa nangoseaka parenta nu Alatala anu nompakasalama kita, bo nangoseaka parenta i Yesus Kristus anu nisarumakata. Kuperapi Tuamata Alatala bo Tuputa Yesus Kristus mompoasi iko bo mombadekei belo bo katinonto ka iko.

1 Timotius 2:7

Bo haitumo sabana yaku nianggataka nu Alatala majadi suroNa. NituduNa yaku hau mompatolele Kareba Belo ka tona ledo toYahudi. NituduNa yaku mompatuduki pepatuduki nakana ka ira ala raparasayara i Yesus. Anu nitesaku hitu nakana mpuu, yaku ledo nodava!

2 Timotius 1:11

Yaku nianggataka nu Alatala majadi suroNa ala mompatolele bo mompatuduki Kareba Belo haitu ka tona ledo toYahudi.

Titus 1:1

Sampesuvuku i Titus: Sura hitu lako nte yaku Paulus, batua nu Alatala bo suro i Yesus Kristus. Yaku nianggatakaNa bo nisuroNa mompakaroso pomparasaya ntona nipelisi nu Alatala. NituduNa muni yaku mompatuduki ira ala rasanira pepatuduki nakana, anu manggeni ira matuvu nangoseaka dota nu Alatala.

Ibrani 5:4

Ledo ria saitoa tona nanganggataka karona mboto majadi Pakeni nTopanggeni Pesomba, tapi ia nipelisi bo nianggataka nu Alatala, nasimbayu mpo i Harun nggaulu nipelisi bo nianggataka nu Alatala majadi Pakeni nTopanggeni Pesomba ka toYahudi.

Ibrani 7:26

Jadi i Yesusmo Pakeni nTopanggeni Pesomba anu nompakule nombatulungi kita. Ia nagasa, ledo ntoto ria salaNa atau dosaNa. Ia nitaniaka lako ri tona nadosa, bo Ia nioretaka sampe ri ponturo nalangapa pade pura-pura anu naria ri langi, haitumo ri suruga.

Yakobus 1:1

Sura hitu lako nte yaku, i Yakobus. Yaku batua nu Alatala bo batua i Pue Yesus Kristus. Nadea tabe ka komiu todea nu Alatala ri njumangu dunia.

1 Petrus 4:17

Nakavamo tempona Alatala mombatangara pura-pura manusia. Bo kita todeaNa mboto mokolu ratangaraNa. Ane kita todeaNa mokolu ratangaraNa natantu mantamo mpuumo pehukuNa ka tona ledo nadota nomparasaya Kareba Belo lako nte Ia!

2 Petrus 1:1

Sampesuvu-sampesuvuku anu mpuu-mpuu nomparasaya i Yesus Kristus, nasimbayu mpo kami. Iamo Alatala bo Topompakasalama kita, anu nompopompakule pura-pura kita nomparasaya sabana Ia nanoa bo ledo nompelenje. Sura hitu lako nte yaku, i Simon Petrus. Yaku batua bo suro i Yesus Kristus.

Yudas 1:1

Sampesuvu-sampesuvu anu nipokio nTuamata Alatala majadi todeaNa: Komiu mpuu-mpuu nipotove nu Alatala, bo nijagaiNa sampe i Yesus Kristus makava mpanjili. Sura hitu lako nte yaku, i Yudas, batua i Yesus Kristus bo sampesuvu i Yakobus.

Pompakita 1:1

Isi buku hitu notesaki kajadia-kajadia anu majadi bara maipia, anu nipopaisani nu Alatala ka i Yesus Kristus. I Yesus nitudu nu Alatala mompopaisani kajadia haitu ka topangoseaka Ia ala rasanira anu domo masae majadimo. Jadi i Yesus nombatudu malaekaNa hau mompopaisani anu majadi haitu ka batuaNa i Yohanes.

Pompakita 22:6

Naupu haitu, nangulimo malaeka pangane ka yaku, “Pura-pura tesa pangane mpuu-mpuu nakana bo namala raparasaya. Alatala nombadekei Nosa GasaNa ka pura-pura nabiNa, haitumo, todeaNa anu nompasimbayu tesa lako nte Ia. Iamo nombatudu malaekaNa tumai mombatuduaka ka topangoseaka Ia anu domo masae majadi.”

Pompakita 22:9

Tapi malaeka haitu nombatagi yaku, “Nemo! Nee rasomba yaku! Sombamo Alatala! Apa yaku hii aga batua nu Alatala nasimbayu mpo iko bo roa-roamu nabi bo tona natutu nangoseaka tesa-tesa nitulisi riara buku hitu.”