Pompakita 9:20 - Kaili Ledo

^20-21 Manusia ntanina anu ledo namate riara pepandasa-pepandasa haitu, ledo ntoto najea lako ri pokainggura nadaa. Haitumo, ira ledo nadota nenonto nepatesi, bo ledo nadota nenonto nombadoti tona. Ira ledo nadota nenonto nosipogau ante tona ledo bereira mboto, bo ira ledo ntoto nadota nenonto nangangga. Ira ledo muni nenonto nombasomba seta-seta bo anu nipoviara mboto, evamo pinoito-pinoito nipoviara lako ri bulava, salaka, tambaga, vatu, bo kayu. Pinoito haitu ledo naria matana mekita bo ledo muni naria talingana meepe bo ledo nokada sampe mamala molipa.

Pompakita 9:20 ပူးပေါင်းရင်းမြစ်များ

Matius 21:32

Sabana, i Yohanes Topediu neonga nompatuduki dala nanoa ka komiu, tapi ledo niparasayamiu ia. Tapi topesingara balasitee bo bajinga nomparasaya ia. Bo nau nikitamiu pura-pura anu nikitara, ledo najea komiu, bo ledo ntoto niparasayamiu.”

Suro-Suro 17:29

Jadi sampesuvu-sampesuvu, kita hii ana-ana nu Alatala. Sabana haitu, ledo mamala kita mompakasimbayu Alatala ante lenje nipovia lako ri bulava bara salaka bara vatu, nantuntuni kapande nu manusia.

Suro-Suro 19:26

Sii-sii nikitamiu bo niepemiu mbotomo anu nipovia i Paulus! Ia nanguli ka todea, pinoito-pinoito nu viata nipovia mpale manusia, ledo viata mpuu. Bo nadeamo tona nomparasaya pepatudukina haitu, ledo aga ri ngata Efesus hitu, tapi ri pura-pura propinsi Asia muni!

Suro-Suro 7:41

Jadipa, nipoviaramo sangu pinoito nolenje mpo ana japi. Naupu haitu nikenira pesomba bo nisambaleka binata ka pinoito haitu, bo nipoviara posusa mombatoiya anu nipovia mpalera mboto.

2 Korintus 12:21

Nakini raraku ane tou nte komiu vai yaku, Alatala mompakaeya yaku ri ngayomiu, bo yaku motumangi ri ngayomiu sabana madea komiu anu nadosa bara ipia dopa najea lako ri pokainggura nadaa bo nabuga. Bara maria da nompogau tona ledo bereina mboto, bara movia anu ledo ntoto masipato mpo anu nabiasa nipoviara bara ipia.

1 Timotius 4:1

Nosa Gasa nu Alatala nanguli pakalanto ka kita anu majadi ri tempo hitu napara kaupu nu dunia. Maria tona moura momparasaya pepatuduki nakana. Ira aga mangoseaka anu daa anu nombabagiu tona, bo momparasaya pepatuduki lako ri seta-seta.

Pompakita 15:1

Naupu haitu, nikitaku ri suruga naria sangayapa tanda nambaso anu nipokumaaka. Naria papitu malaeka ante pitu-ngaya pepandasa kaupuna. Ante pepandasa haitu maupumo rau rara nu Alatala mompokarau manusia ri dunia.

Pompakita 16:8

Naliu haitu, malaeka kaampana nombabusaka isi tubuna ri mata nu eo. Bo mata nu eo haitu nidekeika kuasa mompalabu manusia ante kapanena mpo apu.

Pompakita 9:19

Bo ri lelo nu jara gahaitu naria sangaya nolenje mpo balengga nu ule neteo. Ante lelora, nipandasara manusia. Jadi jara gahaitu nompandasa bo nompatesi manusia ante sumbara bo ante lelora.