Pompakita 9:1 - Kaili Ledo

¹ Naupu haitu malaeka kaalimana nompopomoni tabuena. Nomonipa tabue haitu, nikitaku sangu betue lako ri langi nanavu ri tana. Betue haitu nidekeika gunji vamba nu lovu anu ledo rapakule mantuvu kandalana.

Pompakita 9:1 ပူးပေါင်းရင်းမြစ်များ

Lukas 10:18

Nanguli i Yesus ka ira, “NikitaKu Magau nu Seta nanavu lako ri langi eva kila.

Lukas 8:31

Seta-seta haitu mpuu-mpuu nerapi nte i Yesus, “Nee ratudu kami hau rapandasa nu Alatala ri lovu ledo rapakule mantuvu kandalana!”

Roma 10:7

Ledo muni paraluu rapekutanana: <>

Pompakita 1:18

Yakumo hii anu Natuvu. Bara ipia Yaku namatemo. Tapi peintamo, sii-sii Yaku natuvu mpanjili sampe ri kasae-saena. Yakumo nakuasa nantipale gunji kamatea bo ponturo ntomate.

Pompakita 1:20

Dopa nisanimu batuana pitu-angu betue nikitamu ri pale ngganaKu hitu bo pitu nggada poindo bulava. Jadi kupakalanto batuana ivei: pitu-angu betue haitu nirapaka papitu malaeka anu nanggeniaka todea topomparasaya anu nonturo ri pitu-ngata. Bo pitu nggada poindo bulava haitu nirapaka todea topomparasaya anu naria ri pitu-ngata haitu.”

Pompakita 11:7

Ane maupumo ira randua mompasimbayu tesa nu Alatala, makavamo binata nadaa mangeva ira. Binata nadaa haitu anu mesuvu lako riara lovu anu ledo rapakule mantuvu kandalana. Ia mombadagi randua tona pangane bo mompatesi ira.

Pompakita 17:8

Da nokolu, binata nikitamu haitu da naria natuvu, tapi sii-sii domo naria. Tapi ia meumba mpanjili bara maipia lako riara lovu anu ledo rapakule mantuvu kandalana. Maliu haitu ia rahuku sampe ri kasae-saena. Bo tona natuvu ri dunia anu ledo nitulisi sangara riara Buku Katuvua dopame dunia nipajadi nu Alatala, ira mpuu-mpuu mokumaa manggita binata haitu. Sabana, da nokolu binata haitu natuvu, sii-sii domo naria, tapi meumba mpanjili bara maipia.

Pompakita 20:1

Naupu haitu, nikitaku saito malaeka nanau lako ri suruga. Ri palena naria gunji vamba nu lovu anu ledo rapakule mantuvu kandalana. Bo nitipalena muni sangu rante nambaso.

Pompakita 20:10

Maupu haitu Magau nu Seta anu nombabagiu ira ratedaka riara ntasi apu navaya ante vatu-vatu colonggata narega. Haitumo ponturo nipotedaka binata nadaa bo nabi mpodava nokolu. Hamai, eo bongi ira rapandasa sampe ri kasae-saena.

Pompakita 6:13

Bo betue-betue nanavu sampe ri tana nasimbayu mpo vua kayu naleso naronto lako ri pantakana tempo niburu mpoiri narimboso.

Pompakita 8:10

Naupu haitu malaeka katataluna nompopomoni tabuena. Kaliu-liu nanavumo sangu betue mbaso lako ri langi, narega mpo sulo. Betue haitu nanavu nambela sabagia lako ri tatalu bagia binangga bo mata nu uve ri dunia.

Pompakita 8:12

Naupu haitu malaeka kaampana nompopomoni tabuena. Kaliu-liu naria anu nambela mata nu eo, bula bo betue-betue, sampe nalipomo sabagia lako ri tatalu bagia remera. Jadi, pata-jaa ri eona, mata nu eo ledo nareme, bo ivesia muni bula bo betue-betue tempo nabongi.

Pompakita 8:2

Bo nikitaku papitu malaeka neangga ri ngayo nu Alatala. Ira nidekeika pitu-angu tabue.

Pompakita 9:2

Naupu betue haitu nombabuka vamba lovu, nesuvumo unu nu apu oge lako riara lovu ndala haitu, nasimbayu mpo unu ntalua luo nitunju ntona. Bo mata nu eo bo laerava najadi nalanda sabana unu oge nesuvu lako riara lovu ndala haitu.