Pompakita 8:7 - Kaili Ledo

⁷ Bo malaeka pamulana nompopomoni tabuena. Kaliu-liu nauda esi bo apu nogalo raa sampe ri tana bo naromba mpuu. Bo sabagia lako ri tatalu bagia tana naupu sanggani nikande nu apu, sampe napapu sabagia lako ri tatalu bagia kayu-kayu bo pura-pura kavoko naramata.

Pompakita 8:7 ပူးပေါင်းရင်းမြစ်များ

Yakobus 1:11

Tempo peindo nu eo napane, kavoko haitu nalele sampe naronto sesena, bo naronto puramo rambana. Ivesia muni ante tona nakalumana. Sanggani tempo riara popaelona, mamate muni ia.

1 Petrus 1:24

Riara Buku Gasa nitulisi ivei: “Katuvu manusia pura-pura nasimbayu mpo kavoko, bo pura-pura kuasa bo kagayana mpo sese nggavoko. Kavoko haitu nalele bo sesena naronto.

Pompakita 12:4

Lelo nu ule naga haitu nangumbunjai sabagia lako ri tatalu bagia betue ri langi, bo nitedakana ri tana. Ia neangga ri ngayo nu mombine ranja mpoana haitu. Patujuna mangome ana nu mombine haitu mesuvu.

Pompakita 16:2

Nangepe haitu, haumo malaeka pamulana nombabusaka isi tubuna ri dunia. Bo sampesanika neumbamo bisu-bisu nadaa anu nadua mpuu ri karo ntona pura-pura anu naria mere binata nadaa haitu bo ri pura-pura tona anu nombasomba pinoitona.

Pompakita 16:21

Bo naria vatu-vatu esi nambaso mpuu nanavu lako ri langi nombarunju manusia. Kantamo nu vatu esi haitu nitasere nte limapulu kilo kantamona sangu. Nanggita haitu manusia nanjalai Alatala sabana nadaa mpuu pepandasa uda esi haitu.

Pompakita 6:8

Naliu haitu nikitaku sangu jara navaa buluna! Topesavi jara haitu nosanga “Kamatea.” Bo anu netuntuni ri purina nosanga “Ponturo Ntomate.” Ira randua haitu nidekeika kuasa mombabagi ampa pura-pura manusia ri dunia bo mompatesi sabagia. Naria sanu namate tempo posieva, naria sanu namate tempo nu ara, naria sanu namate tempo dua timboro, bo naria muni sanu namate nikande binata-binata nasingi ri dunia.

Pompakita 7:1

Naupu haitu, nikitaku ampa malaeka neangga ri pata-njulapa dunia. Ira nombataamaka poiri rimboso lako ri pata-njulapa dunia ala poiri haitu ledo meburu ri tasi bo ri kabatana bo ri kayu-kayu.

Pompakita 9:15

Jadi nivolenamo malaeka ampa haitu. Malaeka ampa haitu nipakasadia mamimo lako ri nggauluname bo ira nompopea gantana ri mpae bo bula bo ri eo bo jaa nipakatantumo mompatesi sabagia lako ri tatalu bagia manusia ri dunia.

Pompakita 9:18

Sabagia lako ri tatalu bagia manusia ri dunia nipatesi ante talu-ngaya pepandasa, haitumo ante apu, unu nu apu, bo vatu colonggata narega nesuvu lako ri sumbara.

Pompakita 9:4

Nggaboro gahaitu nitagi mompakamate kavoko bara kayu bara tuda-tuda ntanina riara dunia. Aga manusia ledo naria mere nu Alatala ri kirena nipaloga rapandasa nggaboro gahaitu.