Pompakita 8:13 - Kaili Ledo

¹³ Naupu haitu nitingoaku bo nikitaku sambaa tonji love nevoro ri laerava. Niepeku love haitu notesa ante suara namangga. Niulina, “Mandasamo! Mandasamo! Mandasamo tona nadaa nonturo ri dunia tempo malaeka tatalupa mompopomoni tabuera ngena.”

Pompakita 8:13 ပူးပေါင်းရင်းမြစ်များ

Ibrani 1:14

Jadi, isema kakanana malaeka-malaeka nTupu? Ira pura-pura topotulungi Alatala anu nisuroNa mantulungi bo manggeniaka tona rapakasalamaNa.

Pompakita 11:14

Jadi naliumo pepandasa karanduana. Epemo! Domo masae pepandasa katataluna muni kana majadi.

Pompakita 12:12

Sabana haitu, kana madamba mpuu komiu toponturo ri suruga. Tapi mandasamo komiu toponturo ri tana bo ri tasi sabana nanaumo Magau nu Seta tou nte komiu. Bo nagigi mpuumo rarana sabana nisanina logana mebagiu damo sampalai.”

Pompakita 14:3

Tona saatu patapulu pata-njobu haitu nodade dade nabaru ri ngayo nu Alatala bo ri ngayo ampa Anu Natuvu bo totua-totua anu nombatiku Gadera Kamagaua nu Alatala. Dadera haitu ledo namala nipeguru ntona ntanina aga ira saatu patapulu bo pata-njobu anu nitolo nu Ana Bimba lako ri dunia.

Pompakita 14:6

Bo nikitaku saito malaeka ntanina nevoro ri laerava. Ia nanggeni Kareba Belo anu ledo nabali sampe ri kasae-saena ka pura-pura manusia ri dunia, haitumo ka tona ri pura-pura ngata, ri pura-pura valaa, bo lako ri pura-pura basa ri dunia.

Pompakita 19:17

Naupu haitu, nikitaku saito malaeka neangga ri mata nu eo. Nongaremo ia ante suara namangga nompokio pura-pura tonji nevoro ri laerava, “Kamaimo komiu pura-pura, mangande ri posusa mbaso nipakasadia nu Alatala!

Pompakita 3:10

Komiu nangoseaka parentaKu anu nanguli pakaroo rara bo mosabara tempo nipandasa. Sabana haitu, Kusaliku komiu lako ri kasusa makava ri njumangu dunia mompesori tona nonturo ri dunia.

Pompakita 8:2

Bo nikitaku papitu malaeka neangga ri ngayo nu Alatala. Ira nidekeika pitu-angu tabue.

Pompakita 9:1

Naupu haitu malaeka kaalimana nompopomoni tabuena. Nomonipa tabue haitu, nikitaku sangu betue lako ri langi nanavu ri tana. Betue haitu nidekeika gunji vamba nu lovu anu ledo rapakule mantuvu kandalana.

Pompakita 9:12

Pepandasa pamulana naliumo, tapi epemo! Da nariapa rongaya pepandasa ntanina makava.