Pompakita 8:12 - Kaili Ledo

¹² Naupu haitu malaeka kaampana nompopomoni tabuena. Kaliu-liu naria anu nambela mata nu eo, bula bo betue-betue, sampe nalipomo sabagia lako ri tatalu bagia remera. Jadi, pata-jaa ri eona, mata nu eo ledo nareme, bo ivesia muni bula bo betue-betue tempo nabongi.

Pompakita 8:12 ပူးပေါင်းရင်းမြစ်များ

Matius 24:29

“Maupu tempo pepandasa nadaa haitu, ‘mata eo majadi malanda bo bula domo ntoto mareme. Betue-betue manavu lako ri langi bo mpengaya-ngaya anu nakuasa ri langi ragoya.’ Yesaya 13:10; 34:4

Matius 27:45

Natongo eo, sampesanika nalandamo njumangata haitu sampe tinti tatalu nggoviana.

Markus 13:24

<

Markus 15:33

Natongo eo, njumangu bagia haitu nitaulandana talu-jaa kasaena, nompamula lako ri tinti sapulu randua sampe tinti tatalu nggoviana.

Lukas 21:25

“Tempo haitu maria tanda-tanda nipokaeka rakitamiu ri mata nu eo, bula, bo ri betue-betue. Pura-pura manusia maeka rarara bo maingu mangepe pogu balumba mbaso ri tasi moruu mpo guru kede.

Suro-Suro 2:20

Mata nu eo mabali majadi malanda, bula majadi mpo raa, dopame makava eo mbaso anu ledo ria kasimbayuna, haitumo Eo Tupu mombatangara manusia.

2 Korintus 4:4

Ira ledo nomparasaya sabana Magau nu Seta anu nombakuasai dunia hitu nompakaburo pekirira ala ledo rakitara reme nu Kareba Belo. Kareba Belo haitu nompakalanto kaoge i Kristus anu nasimbayu ntoto ante Alatala.

Pompakita 12:4

Lelo nu ule naga haitu nangumbunjai sabagia lako ri tatalu bagia betue ri langi, bo nitedakana ri tana. Ia neangga ri ngayo nu mombine ranja mpoana haitu. Patujuna mangome ana nu mombine haitu mesuvu.

Pompakita 16:10

Naupu haitu malaeka kaalimana nombabusaka isi tubuna ri ponturo binata nadaa. Sampesanika pura-pura ngata niparenta nu binata haitu najadi nalanda mpuu. Bo pura-pura todeana nanggiki dila sabana kandasara.

Pompakita 6:12

Naupu sia, nikitaku Ana Bimba nombabuka populu kaaonona. NibukaNapa, nalingu mbasomo bo mata nu eo najadi navuri mpo karu vuri. Bo bula najadi nalei njumangu mpo raa.

Pompakita 9:15

Jadi nivolenamo malaeka ampa haitu. Malaeka ampa haitu nipakasadia mamimo lako ri nggauluname bo ira nompopea gantana ri mpae bo bula bo ri eo bo jaa nipakatantumo mompatesi sabagia lako ri tatalu bagia manusia ri dunia.

Pompakita 9:18

Sabagia lako ri tatalu bagia manusia ri dunia nipatesi ante talu-ngaya pepandasa, haitumo ante apu, unu nu apu, bo vatu colonggata narega nesuvu lako ri sumbara.