Pompakita 7:3 - Kaili Ledo

³ Niulina, “Nepa ruru rapakageromiu tasi bo kabatana bo kayu-kayu dopame kami mombamere kire ntopangoseaka Alatala ala ira ledo rapambela kasusa-kasusa haitu.”

Pompakita 7:3 ပူးပေါင်းရင်းမြစ်များ

Matius 24:22

Rapana tempo pepandasa haitu ledo rapakambuku, natantu nau saitoa tona ledo maria matuvu. Tapi lako ri tove nu Alatala ka todea topomparasaya anu nipelisiNa, tempo pepandasa haitu kana rapakambukuNa.

Matius 24:31

Tabue nambaso rapopomoni bo Kutudu malaeka-malaekaKu hau mompasiromu tona nipelisiKu lako ri umba-umba ri dunia.”

Yohanes 12:26

Isema-sema mokarajaa ka Yaku kana mangoseaka Yaku ala ri umba-umba Kukalau, ia mosanggani-nggani nte Yaku. Bo isema-sema mokarajaa ka Yaku natantu rabila nTuamaKu.

Yohanes 3:33

Tapi isema-sema nomparasaya tesaNa haitu, raulina Alatala mpuu-mpuu nakana.

Roma 6:22

Tapi sii-sii komiu nikabasakamo lako ri kuasa nu dosa bo najadi batua nu Alatala. Haitu mpuu-mpuu nanggeni belo ka komiu, sabana komiu nompakule natuvu mpo todea nu Alatala bo kaupuna komiu matuvu mabelo sampe ri kasae-saena.

Pompakita 13:16

Pura-pura tona nipasuu nu binata karanduana haitu ramere ri pale nggana atau ri kirera, nau tona biasa, nau tomaoge, nau tona nakalumana nau tona napakasi, nau tona najadi batua nau madika-madika.

Pompakita 13:17

Ledo ria saitoa tona namala mangali atau mompobalu nuapa-nuapa ane ledo naria tanda haitu ri palena atau ri kirena, haitumo sanga nu binata pamulana atau lamoro anu norapaka sangana haitu.

Pompakita 14:1

Naliu haitu naria vai anu nipopakita ka yaku. Nikitaku Ana Bimba neangga ri bavo Bulu Sion nosanggani-nggani ante saatu patapulu bo pata-njobu tona. Bo sanga nu Ana Bimba bo sanga nTuamaNa Alatala nitulisi ri kirera.

Pompakita 14:9

Naupu haitu naria malaeka katataluna nantuntuni malaeka karanduana pangane. Nongaremo ia ante suara namangga mpuu ivei: “Isema-sema nombasomba binata nadaa ante pinoitona bo nantarima mere nu binata haitu ri kirena bara ri palena,

Pompakita 19:2

Ratoiyamo Ia sabana pombabotusiNa nakana bo nanoa. NihukuNamo bajinga haitu, anu nompakadaa dunia apa nipakenina tona ntanina nosipogau ante ia. Nipesava nu Alatalamo mombine haitu sabana pompatesina topangoseaka Alatala.”

Pompakita 20:4

Naupu haitu nikitaku bara sako-angu gadera kamagaua. Bo tona nonturo ri gadera haitu nidekeika kuasa mombatangara. Bo nikitaku muni nyawa-nyawa ntona namate nitampa balenggara sabana ira batena nompatolele pepatuduki nakana anu nipopaisani i Yesus, bo batena nompatolele Tesa nu Alatala. Ira ledo muni nombasomba binata nadaa bo pinoitona, bo ira ledo muni nantarima mere binata haitu ri kirera bara ri palera. Ira gahaitu natuvu mpanjili bo nomparenta mpo magau nosanggani-nggani ante i Kristus sanjobu mpae kasaena.

Pompakita 22:4

Bo ira manggita lenjeNa mpuu. Bo sangaNa ratulisi ri kirera pura-pura.

Pompakita 6:6

Naupu haitu niepeku suara lako ri olo ampa Anu Natuvu pangane nanguli, “Ali nu gando salite nasimbayu nte gaji saeo, bo ali labu nu ose talu-lite nasimbayu muni nte gaji saeo. Aga nee rapakagero talua zaitun bo talua anggur!”

Pompakita 7:1

Naupu haitu, nikitaku ampa malaeka neangga ri pata-njulapa dunia. Ira nombataamaka poiri rimboso lako ri pata-njulapa dunia ala poiri haitu ledo meburu ri tasi bo ri kabatana bo ri kayu-kayu.

Pompakita 7:2

Bo nikitaku munimo saito malaeka ntanina nesuvu lako ri mpandakena. Nikenina mere lako nte Alatala anu Natuvu. Bo nongaremo ia ante suara namangga ka ampa malaeka pangane, anu nidekei nu Alatala ka kuasa mompakagero kabatana bo tasi.

Pompakita 9:4

Nggaboro gahaitu nitagi mompakamate kavoko bara kayu bara tuda-tuda ntanina riara dunia. Aga manusia ledo naria mere nu Alatala ri kirena nipaloga rapandasa nggaboro gahaitu.