Pompakita 7:2 - Kaili Ledo

² Bo nikitaku munimo saito malaeka ntanina nesuvu lako ri mpandakena. Nikenina mere lako nte Alatala anu Natuvu. Bo nongaremo ia ante suara namangga ka ampa malaeka pangane, anu nidekei nu Alatala ka kuasa mompakagero kabatana bo tasi.

Pompakita 7:2 ပူးပေါင်းရင်းမြစ်များ

Matius 16:16

Nesana i Simon Petrus, “Komiu Magau Topepakasalama anu nijanji nu Alatala. Komiu Ana nu Alatala anu natuvu sampe ri kasae-saena.”

Matius 26:63

Tapi nau ledo nasala, i Yesus ledo notingo. Bo sangganipa Pakeni nanguli ka Ia, “Ulimo ri ngayo nu Alatala anu Natuvu, uli ka kami ane Iko mpuu-mpuu Magau Topepakasalama, Ana nu Alatala!”

Yohanes 6:27

Nee aga mokarajaa ala manggava kandea anu masalisa maupu atau mavai. Agina komiu mokarajaa ala manggava kandea anu ledo mavai bo anu mombadekei katuvua mabelo sampe ri kasae-saena. Yaku, Ana nu Manusia mombadekei kandea haitu ka komiu, sabana Yakumo nianggataka nTuamaKu Alatala mantui pokarajaa haitu.”

2 Korintus 1:22

bo nidekeiNa Nosa GasaNa riara ntaita, tandana kita todeaNa. Nosa GasaNa haitu panggangisita ala rasanita janji nu Alatala ka kita mpuu-mpuu rapakadupaNa.

Efesus 1:13

Bo ivesia muni komiu. Komiu najadi todea nu Alatala tempo niepemiu bo niparasayamiu pepatuduki nakana, haitumo Kareba Belo anu nompopaisani ka komiu, komiu mamala rapakasalama. Komiu nomparasaya i Yesus, jadi Alatala nombadekei Nosa GasaNa ka komiu anu nijanjiNa nggaulu. Nosa Gasa haitu tandana komiu mpuu-mpuu todea nu Alatala.

Efesus 4:30

Jadi, nee rapoviamiu anu mompakabuku rara Nosa Gasa nu Alatala. Toramo! Alatala nombadekei Nosa Gasa ka kita, tandana kita najadi todeaNa. Bo Nosa GasaNa haitu muni najadi panggingisita ala rasanita kita mpuu-mpuu rakabasaka lako ri dunia nadaa hitu ngena.

1 Tesalonika 1:9

Ira mboto notesa ka kami berimba komiu toTesalonika nantarima kami tempo kami nakava nte komiu bara ipia. Bo nitesara muni berimba komiu nenonto netupu nte viata-viata bo nompamula netupu nte Alatala anu natuvu bo nakana.

2 Timotius 2:19

Tapi naupa ivesia, Tesa nu Alatala batena nakana bo namala raparasaya. Tesa nu Alatala naroso mpo pandasi nau ragoya ledo mogoya. Tesa nu Alatala haitu nitulisi ivei: “Nisani nTupu isema todeaNa.” Bo naria tesa ntanina nanguli, “Isema-sema nanguli ia topangoseaka Tupu, kana menonto mokainggu nadaa.”

Ibrani 12:22

Tapi ledo ivesia komiu. Komiu nantarima pojanji nu Alatala nabaru, komiu nantingayo Bulu Sion, ngata nu Alatala anu matuvu sampe ri kasae-saena, haitumo ngata Yerusalem ri suruga. Komiu nantingayo nenjobu-njobu malaeka anu nasiromu madamba-damba.

Pompakita 1:3

Masana mpuu tona anu mombabaca tesa-tesa niboto riara buku hitu ka todea, bo masana muni tona mangepe bo mompariara anu nitulisi riarana. Apa domo masae pura-pura kajadia nitesa ri sii mpuu-mpuu kana majadi.

Pompakita 10:1

Naupu haitu nikitaku malaeka ntanina anu naroso mpuu nanau lako ri suruga. Ia nibungu kulimu bo balenggana nilili ntirauve. Lenjena mpo kareme nu eo bo kadana mpo tinja, nenjela mpo vaya nu apu.

Pompakita 10:4

Naupu pitu-angu guru haitu notesa, yaku madota motulisi anu niuli nu guru haitu. Tapi naria suara lako ri suruga nombatagi yaku ivei: “Tabuniakamo tesa niuli nu guru pitu-angu haitu! Nee mutulisi tesara!”

Pompakita 16:12

Naupu haitu, malaeka kaaonona nombabusaka isi tubuna ri binangga mbaso nosanga Binangga Efrat. Bo kaliu-liu naotimo uve ri binangga haitu ala masadia dala raose nu magau-magau anu makava lako ri bagia pandakena.

Pompakita 5:2

Bo nikitaku naria saito malaeka naroso mpuu nakava nekutana ante suara namangga, “Isema masipato mombabuka populu sura bo mombavole sura hitu?”

Pompakita 8:3

Naupu haitu naria saito malaeka ntanina nakava neangga ri ngayo Lanta Pesomba. Malaeka haitu nanggeni santonga tubu bulava rapotunju dupa. Nadea dupa nidekei ka ia ratunjuna majadi pesomba ka Alatala nosanggani-nggani ante posambaya ntodea nu Alatala pura-pura. Bo nitunjuna dupa haitu ri Lanta Pesomba anu nipovia lako ri bulava. Lanta haitu naria ri ngayo Gadera Kamagaua nu Alatala.

Pompakita 9:14

Suara haitu nanguli ka malaeka kaaonona ivei: “Volemo ampa malaeka anu nisoo ri Binangga Efrat haitu.”

Pompakita 9:4

Nggaboro gahaitu nitagi mompakamate kavoko bara kayu bara tuda-tuda ntanina riara dunia. Aga manusia ledo naria mere nu Alatala ri kirena nipaloga rapandasa nggaboro gahaitu.