Pompakita 7:16 - Kaili Ledo

¹⁶ Ira gahaitu domo mombarasai ara ntai bara bai ntambolo. Bo ira domo muni rapapusi mata nu eo bara mombarasai eo mpane.

Pompakita 7:16 ပူးပေါင်းရင်းမြစ်များ

Matius 13:21

Tapi ledo naroso pomparasayara, nasimbayu eva tuda-tuda ledo naroso pokalena. Tempo ira nipandasa bo nipakasusa sabana nomparasaya Tesa haitu, kaliu-liu nouramo pomparasayara.

Matius 13:6

Tapi napanepa eo, nalelemo bo nangaumo savua haitu sabana ledo nandala kalena.

Matius 5:6

Nabelo mpuumo tona naino rarana matuvu manoa ri panggita nu Alatala, sabana Alatala mbotomo mompopapakule ia matuvu manoa.

Markus 4:17

Tapi ledo naroso pomparasayara, nasimbayu mpo tuda-tuda ledo naroso pokalena. Tempo ira nipandasa bara nipakasusa sabana nomparasaya Tesa haitu, kaliu-liu nouramo rarara.

Markus 4:6

Tapi napanepa eo, nalelemo bo nangaumo sabana ledo nandala kalena.

Lukas 1:53

Tona naara, nipakabosuNa sampe nabasa ante mpengaya anu nabelo. Bo tona nakalumana nipopalaiNa ante pale boa.

Lukas 6:21

Nabelo mpuu komiu anu naara sii-sii, sabana komiu rapakabosu. Nabelo mpuu komiu nasusa rara sii-sii, sabana raramiu rapakasana.

Yohanes 4:14

Tapi isema-sema manginu uve Kudekei ka ia, domo mabai tambolona sampe ri kasae-saena. Sabana uve Kudekei ka ia haitu majadi uve mpemata moili lako riara ntaina bo nombadekei katuvua mabelo ka ia sampe ri kasae-saena.”

Yakobus 1:11

Tempo peindo nu eo napane, kavoko haitu nalele sampe naronto sesena, bo naronto puramo rambana. Ivesia muni ante tona nakalumana. Sanggani tempo riara popaelona, mamate muni ia.

Pompakita 21:4

Ia mbotomo mombapaisi pura-pura uve mata lako ri matara. Domo maria tona mamate, domo maria tona masusa rarara bara motumangi, bo domo maria tona madua. Sabana, dunia nokolu domo naria.”