Pompakita 7:13 - Kaili Ledo

¹³ Naupu sia, naria saito totua lako nte ira ropulu bo ampa haitu nompekutana nte yaku ivei: “Isema tona nopakea mputi gahaitu? Lako ri umba ira?”

Pompakita 7:13 ပူးပေါင်းရင်းမြစ်များ

Yohanes 7:28

Jadi tempo i Yesus da nompatuduki ri doyata Banua nu Alatala, nitesaNa ante suaraNa namangga, “Nisanimiu tano isema Yaku bo lako ri umba kakavaKu? Yaku ledo nakava nangoseaka dotaKu mboto, tapi Yaku nakava nangoseaka dota nu Alatala anu nombatudu Yaku. Iamo masipato raparasaya. Ledo ntoto nisanimiu Ia,

Suro-Suro 3:12

Tempo i Petrus nanggita todea gahaitu, niulikana ira, “Sampesuvu-sampesuvuku toIsrael! Nakuya komiu nokumaa nanggita anu najadi pangane? Nakuya nikanotosikamiu kami? Natantu nisarumakamiu tona hitu nolipa sabana kabaraka kami mboto, atau sabana poagama kami naroso. Tapi ledo ntoto nakana!

Pompakita 3:4

Tapi da nariapa nte komiu ri ngata Sardis bara sako-ndua tona nombajagai pakeara sampe ledo natapa. Iramo anu mamala molipa mosanggani-nggani ante Yaku mopakea mputi, sabana iramo anu masipato molipa ante Yaku.

Pompakita 4:10

ropulu bo ampa totua haitu nantaputu sampe ri tana ri ngayo nToponturo haitu. Ira nombasomba Ia anu natuvu sampe ri kasae-saena, bo nialara songgo bulava lako ri balenggara mboto bo nituura ri ngayo Gadera Kamagaua nu Alatala, tanda pobilara Ia. Bo niulira ivei:

Pompakita 4:4

Bo naria muni ropulu bo ampa gadera ntanina nantiku Gadera pangane. Gadera ntanina haitu niponturo ntotua ropulu bo ampa. Ira nopakea mputi bo nosonggo bulava.

Pompakita 5:11

Naupu haitu nipeintaku, bo niepeku suara malaeka nadea, nonjobu-njobu bo nojuta-juta kadeana. Ira nombatiku Gadera Kamagaua nosanggani-nggani ante ampa Anu Natuvu bo ropulu bo ampa totua.

Pompakita 5:5

Nanggita yaku notumangi, naria saito totua lako nte ira ropulu bo ampa haitu nanguli ka yaku, “Nee motumangi! Peintamo! Nariamo padagi. Sangana Singa lako ri valaa i Yehuda, Muli Magau Daud. Iamo masipato mombabuka sura pitu-mpopulu haitu.”

Pompakita 7:9

Naupu haitu, naria vai anu nipopakita ka yaku. Nikitaku nadea mpuu manusia, ledo rapakule ntona mombabila kadeana! Ira topomparasaya lako ri njumangu dunia, lako ri pura-pura ngata, lako ri pura-pura valaa, bo tona lako ri pura-pura basa ri dunia. Ira neangga ri ngayo Gadera Kamagaua nu Alatala bo ri ngayo Ana Bimba. Ira nopakea mputi pura bo novenggo-venggo tava, tandana nadamba rarara.