Pompakita 7:10 - Kaili Ledo

¹⁰ Bo nongaremo ira ante suara namangga, “Kamaimo kita mombatoiya bo mombabila Alatala anu nonturo ri Gadera Kamagaua! Kamaimo kita mombatoiya bo mombabila Ana Bimba, sabana Iramo nompakasalama kita!”

Pompakita 7:10 ပူးပေါင်းရင်းမြစ်များ

Lukas 3:6

Pura-pura tona ri njumangu ngata mompeinta Alatala mompakasalama manusia.’ ” Yesaya 40:3-5

Yohanes 1:29

Eo kamailena i Yohanes nanggita i Yesus nakava tumai nanggaparai ia, bo niulina ka tona hamai, “Peintamo! Tumaimo Ana Bimba nipakasadia nu Alatala anu mompakalali dosa manusia!

Yohanes 1:36

Tempo nikitara i Yesus noliu ri sia, nangulimo i Yohanes, “Peintamo! Haitumo Ana Bimba nu Alatala!”

Yohanes 4:22

Komiu toSamaria ledo nisanimiu mpuu Alatala. Tapi kami toYahudi nisani kami isema nisomba kami, apa Magau Topompakasalama manusia meumba lako nte kami toYahudi.

Efesus 2:8

Lako ri pomparasayamiu i Kristus, komiu nipakasalama sabana kabelo rara nu Alatala. Haitu ledo asele pompasimbukumiu mboto tapi pedekei nu Alatala bayangi.

Pompakita 12:10

Naupu haitu niepeku suara riara suruga namangga mpuu nanguli, “Sii-sii nakavamo gantana Alatala mompakasalama todeaNa. Sii-sii nipopakitaNamo kuasaNa, nompamulamo Ia nomparenta mpo Magau. Sii-sii nakavamo Magau Topepakasalama anu nipelisi nu Alatala mompopakita kuasaNa, sabana Magau nu Seta nipopalaimo lako ri suruga, Magau nu Seta haitumo anu nompangadu todea sampomparasaya eo bongi ri ngayo nTuputa Alatala.

Pompakita 19:1

Naupu haitu yaku i Yohanes, nangepe moni mpo suara ntona dea novoo nongare-ngare ri suruga. Niulira, “Haleluya! Ratoiyamo Alatala! Sabana Iamo nompakasalama kita. Iamo Alatala anu naoge bo nakuasa!

Pompakita 21:5

Naupu haitu nangulimo Toponturo ri Gadera Kamagaua, “Pariaramo! Sii-sii Yaku nompakabaru pura-pura anu naria.” Bo niuliNa munimo ka yaku, “Tulisimo anu Kutesa, sabana tesa hitu mpuu-mpuu nakana bo namala raparasaya.”

Pompakita 22:3

Riara ngata haitu domo naria nuapa-nuapa nipindasi nu Alatala. Gadera Kamagaua nu Alatala bo Ana Bimba naria riara ngata haitu. Bo pura-pura topangoseaka Ia metupu ri ngayoNa.

Pompakita 4:6

Bo ri ngayo Gadera haitu naria muni sangaya nikitaku eva tasi nevayo mpo kaca. Ri sia naria ampa Anu Natuvu, nombatiku Gadera haitu. Nadea mpuu matara, ri njumangu karora naria mata, ri ngayora bo ri bengora.

Pompakita 5:7

Bo nekaparaimo Ana Bimba haitu mangala sura nibaluu lako ri pale nggana nToponturo ri Gadera Kamagaua.