Pompakita 6:13 - Kaili Ledo

¹³ Bo betue-betue nanavu sampe ri tana nasimbayu mpo vua kayu naleso naronto lako ri pantakana tempo niburu mpoiri narimboso.

Pompakita 6:13 ပူးပေါင်းရင်းမြစ်များ

Matius 24:29

“Maupu tempo pepandasa nadaa haitu, ‘mata eo majadi malanda bo bula domo ntoto mareme. Betue-betue manavu lako ri langi bo mpengaya-ngaya anu nakuasa ri langi ragoya.’ Yesaya 13:10; 34:4

Lukas 21:25

“Tempo haitu maria tanda-tanda nipokaeka rakitamiu ri mata nu eo, bula, bo ri betue-betue. Pura-pura manusia maeka rarara bo maingu mangepe pogu balumba mbaso ri tasi moruu mpo guru kede.

Pompakita 9:1

Naupu haitu malaeka kaalimana nompopomoni tabuena. Nomonipa tabue haitu, nikitaku sangu betue lako ri langi nanavu ri tana. Betue haitu nidekeika gunji vamba nu lovu anu ledo rapakule mantuvu kandalana.