Pompakita 6:11 - Kaili Ledo

¹¹ Naupu haitu, ira saito-saito nidekeika santonga baju mputi. Bo nangulimo Alatala ka ira, “Posabaramo sampalaipa sampe magana kadeana roamiu sampokarajaa, haitumo sampesuvumiu sampomparasaya anu rapatesi nasimbayu mpo komiu.”

Pompakita 6:11 ပူးပေါင်းရင်းမြစ်များ

Matius 10:21

Makava tempona maria tona mombadekei sampesuvuna mboto rapatesi sabana sampesuvuna nomparasaya Yaku. Bo maria muni totua mombadekei anana mboto rapatesi. Bo ngana-ngana mangeva tina tuamara mboto bo mombadekei ira rapatesi.

Lukas 15:22

Tapi tuamana nombaronde batua-batuana bo nituduna, ‘Koi ala masalisa baju nabelo bo popasuaka ia. Pasuaka muni sinji ri koya mpalena bo sapatu ri kadana.

Yohanes 16:2

Komiu domo radekei metupu ri banua petupu ntoYahudi. Bo makava tempona topompatesi komiu rasarumakara poviara haitu mompakadamba rara nu Alatala.

Suro-Suro 20:24

Tapi ledo kupotove katuvuku hitu. Nau yaku mpuu-mpuu rapatesi, ledo makuya, asaa kupakaupu pokarajaa nidekei i Pue Yesus ka yaku mompatolele Kareba Belo anu nombatesa kabelo nu Alatala nte kita.

2 Tesalonika 1:7

bo rakabasakaNa komiu lako ri kasusa nirasaimiu sii-sii, bo ivesia muni kami. RakabasakaNa pura kita tempo i Pue Yesus manau lako ri suruga mosanggani-nggani ante malaeka-malaekaNa nakuasa,

2 Timotius 4:7

Nituntuniku belomo dala nipakatantu i Pue ka yaku; nipakaupukumo pokarajaa nidekeiNa ka yaku. Yaku ledo nolengga-lengga nomparasaya i Kristus sampe ri kaupuna.

Ibrani 11:40

sabana naria nia nabelopa nipakasadia nu Alatala ka kita pura-pura. PatujuNa ala ira mompopea sampe kita pura-pura mosanggani-nggani rapajadi magasa bo ledo makura nuapa-nuapa.

Ibrani 12:23

Bo komiu nantingayo todea topomparasaya Alatala. Ira nireke ana-ana lumbua nu Alatala bo sanga-sangara nitulisi riara buku nu Alatala ri suruga. Komiu nantingayo Alatala, Topotangara pura-pura manusia. Bo komiu nantingayo nyawa-nyawa ntona nanoa anu namatemo, anu najadi nagasa.

Ibrani 4:10

Nalantomo haitu, apa isema-sema menonto mosanggani-nggani ante Alatala menontomo lako ri pokarajaana nasimbayu mpo Alatala muni nenonto lako ri pura-pura pokarajaaNa bara ipia.

Pompakita 10:6

Bo nojanjimo ia ante sanga nu Alatala anu natuvu sampe ri kasae-saena, anu nompajadi langi, tana bo tasi bo pura-pura isina. Nanguli malaeka haitu, “Tempona domo rakonto-konto.

Pompakita 13:15

Binata karanduana nidekeika kuasa mompopoinosa pinoito haitu sampe pinoito haitu namala motesa. Bo pinoito haitu momparenta isema-sema ledo madota mombasomba ia kana rapatesi.

Pompakita 14:13

Naupu haitu niepeku suara lako ri suruga nanguli, “Tulisimo tesa hitu: nompamula sii-sii nabelo mpuumo tona natutu nomparasaya i Pue sampe namate.” Bo nesanamo Nosa Gasa nu Alatala, “Nakana mpuu tutu. Domo rarasaira kasusa bo kapari, bo maria tambo radekei ka ira nangoseaka panggaviara.”

Pompakita 17:6

Bo nikitaku mombine haitu nalangu sabana nanginu raa ntodea nu Alatala. Batuana, nadidi rarana nompatesi tona nomparasaya i Yesus bo nompatolele karebaNa. Nokumaa mpuu raraku nanggita mombine haitu.

Pompakita 7:14

Nesanamo yaku, “Tua, ledo nisaniku, komiu nangisanina.” Bo nangulimo ia ka yaku, “Ira gahaitumo tona nipakasalama tempo pepandasa anu nelabi mpuu kadaana. Nitoposira pakeara sampe naramputi ante raa nu Ana Bimba, haitumo, dosara niampungi.

Pompakita 7:9

Naupu haitu, naria vai anu nipopakita ka yaku. Nikitaku nadea mpuu manusia, ledo rapakule ntona mombabila kadeana! Ira topomparasaya lako ri njumangu dunia, lako ri pura-pura ngata, lako ri pura-pura valaa, bo tona lako ri pura-pura basa ri dunia. Ira neangga ri ngayo Gadera Kamagaua nu Alatala bo ri ngayo Ana Bimba. Ira nopakea mputi pura bo novenggo-venggo tava, tandana nadamba rarara.