Pompakita 3:4 - Kaili Ledo

⁴ Tapi da nariapa nte komiu ri ngata Sardis bara sako-ndua tona nombajagai pakeara sampe ledo natapa. Iramo anu mamala molipa mosanggani-nggani ante Yaku mopakea mputi, sabana iramo anu masipato molipa ante Yaku.

Pompakita 3:4 ပူးပေါင်းရင်းမြစ်များ

Matius 10:11

Ane komiu mesua riara ngata, elomo saito tona nabelo rarana mantarima komiu riara banuana. Bo ponturomo hamai nte ira sampe komiu mompalaisi ngata haitu.

Markus 16:5

Pade nesuamo ira riara bolo vatu nipajadi dayo. Nikitara saito kabilasa nobaju bula nonturo ri sabingga ngganara. Natekaja bo naeka mpuu rarara.

Lukas 20:35

Tapi ane tona masipato rapakatuvu nu Alatala mpanjili bo manggava bagia ri dunia nabaru, domo moberei.

Lukas 21:36

Komiu kana mainga-inga bo masaro mekakai nte Alatala ala rapakulemiu mombatidamaka pura-pura anu majadi haitu bo ledo maeya matamiu mantingayo Yaku, Ana nu Manusia.”

Suro-Suro 1:15

Naria saeo, nitasere saatu ropulu kadeara nasiromu. Neanggamo i Petrus ri tatanga nu sampesuvu sampomparasaya bo nanguli,

2 Tesalonika 1:5

Jadi, lako ri karoo nu pomparasayamiu haitu, nisanita Alatala mpuu-mpuu nanoa nombatangara manusia. Komiu nombatidamaka riara kasusa bo kapari anu nambela komiu sabana pangoseakamiu Alatala, bo ivesiamo Alatala nompopakita komiu mpuu-mpuu masipato majadi todea ri PoparentaNa.

Yudas 1:23

Naria tona ntanina damo kasalandalana. Tulungimo ira ala ira rapakasalama lako ri pehuku, nasimbayu mpo porabutakamiu tona lako ri apu. Bo poasi munimo tona nikuasai dota rarara nadaa. Tulungi ira manjili ri dala nakana, tapi jagaimo, mbelaka komiu matekeni mangoseaka pokainggura nadaa. Potovemo tona nadosa tapi povuu matamo pokainggura.

Pompakita 1:11

Suara haitu nanguli ivei: “Tulisimo anu mukita bo pakatu ka todea topomparasaya nonturo ri pitu ngata, haitumo ngata-ngata Efesus, Smirna, Pergamus, Tiatira, Sardis, Filadelfia bo Laodikia.”

Pompakita 11:13

Eva nisuka, ri tempo haitu muni najadimo lingu mbaso. Bo nageromo sabagia lako ri sapulu bagia ngata mbaso haitu, bo pitu-njobu tona namate sabana lingu mbaso haitu. Nanggita haitu naviora mpuumo rara ntona da natuvu ri sia, bo niulira, “Nambaso mpuu kuasa nu Alatala anu naria ri suruga!”

Pompakita 14:4

Ira haitumo nasimbayu mpo tona ledo sanggani nosampaturu ante mombine, nagasa mpuu pokainggura. Ira nangoseaka Ana Bimba ri umba-umba nikalauNa. Iramo nitoloki lako nte pura-pura manusia ri dunia bo nipatani ka Alatala bo ka Ana Bimba, nasimbayu mpo tona nombadekei asele ntalua pamulana ka Alatala.

Pompakita 19:14

Tantara-tantara nu suruga anu nombatuntuni Ia nesavi jara bula pura. Pakeara nipovia lako ri kae mputi nalusu bo nagasa.

Pompakita 19:8

Ia nidekeika pakea mputi nalusu nenggila rapakena.” (Pakea nalusu nidekei ka mombine haitu nirapaka pokainggu-pokainggu nanoa anu nipovia ntodea nu Alatala.)

Pompakita 3:18

Haitu sampe Kutevai ka komiu ivei: Alimo bulava nipakagasa riara apu lako nte Yaku ala komiu mpuu-mpuu makalumana ri panggitaKu. Bo ali munimo pakea mputi lako nte Yaku, ala komiu mamala mopakea bo ledo maeya matamiu rakita ntona komiu novuloa. Bo ali munimo pakuli ragese ri matamiu ala komiu mamala mekita mpanjili.

Pompakita 3:5

Isema-sema padagi kana radekeika baju mputi. Bo sangara ledo Kupakalipo lako ri Buku Katuvua, tapi Kusaliku ri ngayo nTuamaKu bo malaeka-malaekaNa.

Pompakita 4:4

Bo naria muni ropulu bo ampa gadera ntanina nantiku Gadera pangane. Gadera ntanina haitu niponturo ntotua ropulu bo ampa. Ira nopakea mputi bo nosonggo bulava.

Pompakita 6:11

Naupu haitu, ira saito-saito nidekeika santonga baju mputi. Bo nangulimo Alatala ka ira, “Posabaramo sampalaipa sampe magana kadeana roamiu sampokarajaa, haitumo sampesuvumiu sampomparasaya anu rapatesi nasimbayu mpo komiu.”

Pompakita 7:9

Naupu haitu, naria vai anu nipopakita ka yaku. Nikitaku nadea mpuu manusia, ledo rapakule ntona mombabila kadeana! Ira topomparasaya lako ri njumangu dunia, lako ri pura-pura ngata, lako ri pura-pura valaa, bo tona lako ri pura-pura basa ri dunia. Ira neangga ri ngayo Gadera Kamagaua nu Alatala bo ri ngayo Ana Bimba. Ira nopakea mputi pura bo novenggo-venggo tava, tandana nadamba rarara.