Pompakita 3:17 - Kaili Ledo

¹⁷ Komiu nanguli, ‘Kami hii nakalumanamo, nagana puramo katuvu kami, domo kami paraluu nuapa-nuapa.’ Tapi kakanana ledo nisanimiu katuvumiu mboto! Komiu nelabi napakasi. Katuvumiu aga nipoasi mata ntona. Komiu napakasi mpuu, naburo matamiu, bo novuloamo komiu.

Pompakita 3:17 ပူးပေါင်းရင်းမြစ်များ

Matius 5:3

“Nabelo mpuumo tona nisanina ledo rapakulena mompakasalama karona mboto bo aga nanjarumaka Tupu, sabana iamo najadi todea riara Poparenta nu Alatala.

Matius 9:12

Niepe i Yesus tesara haitu. Jadi niulikaNa, “Tona ledo nadua ledo nomparaluu pakuli nu dokutoro. Aga tona nadua paraluu rapakulisi.

Lukas 1:53

Tona naara, nipakabosuNa sampe nabasa ante mpengaya anu nabelo. Bo tona nakalumana nipopalaiNa ante pale boa.

Lukas 6:24

Mandasa mpuu komiu anu nakalumana sii-sii, sabana nikavamiu puramo anu nompakasana raramiu.

Roma 11:20

Haitu nakana mami, tapi toramo, ira nipoara sabana ira ledo nomparasaya, bo komiu nitarima sabana komiu nomparasaya. Jadi nee malanga raramiu, agina komiu maeka!

Roma 11:25

Sampesuvu-sampesuvu sampomparasaya! Ledo mabelo malanga gaga raramiu. Jadi yaku madota ala rasanimiu nia nu Alatala anu dopa nisani nu manusia nggaulu, haitumo, anu majadi nte toYahudi. Sii-sii nadea toIsrael nakaa bagara bo ledo nomparasaya. Tapi kakaa bagara haitu aga sampalai, sampe magana kadea ntona ledo toYahudi anu momparasaya i Yesus.

Roma 12:3

Lako ri kabelo rara nu Alatala, yaku nianggatakaNa majadi suroNa. Jadi sia sampe kuuli ka komiu pura-pura, Nee rapekirita karota mboto naoge ane ledo ivesia kakanana. Kita kana manoa bo manoto mompekirika karota mboto, nangoseaka suka pomparasaya nibagi nu Alatala ka kita saito-saito.

Roma 7:24

Nasilaka mpuumo yaku! Isemamo mamala mombakabasaka yaku lako ri karo anu nanggeni kamate hitu?

2 Petrus 1:9

Tapi tona ledo noinggu ivehaitu, pekirina nasimbayu mpo tona naburo matana, nalingamo rarana dosana nipegasa bara ipia.

Pompakita 16:15

Bo nangulimo i Yesus, “Pariaramo! Yaku makava ri tempo ledo nisani-sanimiu nasimbayu mpo topangangga. Mabelo mpuu tona batena mainga bo mombajagai pakeana ala tempo Yaku makava ledo maeya matana mpo tona novuloa nelaya ri ngayo ntodea.”

Pompakita 2:9

NisaniKu kasusa bo kapari nirasaimiu. NisaniKu komiu mpuu-mpuu napepa, tapi kakanana komiu nakalumana riara pomparasayamiu. NisaniKu komiu nisalai ntona anu nompangaku karona toYahudi tano ledo nakana. Ira aga todea nu Magau nu Seta.

Pompakita 3:16

Tapi komiu aga netanggode, ledo nompoara, ledo nompoiyo. Sabana haitu Kuteveulusaka komiu lako ri ngangaKu.