Pompakita 3:15 - Kaili Ledo

¹⁵ NisaniKumo pura-pura pokainggumiu. Komiu ledo baliKu bo ledo muni topangoseaka Yaku. Aginamo komiu nompoara atau nompoiyo.

Pompakita 3:15 ပူးပေါင်းရင်းမြစ်များ

Matius 10:37

Isema-sema nipotovenapa tina-tuamana pade Yaku, ledo masipato rauli topangoseaka Yaku. Bo tona nipotovenapa anana pade Yaku, ledo muni masipato rauli topangoseaka Yaku.

Matius 24:12

Tempo haitu kadaa ntona mantambai, sampe madea tona domo mosimpotove.

Matius 6:24

Ledo rapakule ntona saito matundu nte madika randua. Apa saito rapotovena bo saitopa ledo rapeilina. Saito raoseakana parentana bo saitopa rapoarana. Ivesia muni ante komiu. Ane komiu mompotove mbara-mbara ri dunia hitu, ledo rapakulemiu mpuu-mpuu mangoseaka dota nu Alatala.”

Roma 12:11

Kana matutu mokarajaa, nee masanda! Kana madidi raramiu mokarajaa ka Tupu.

1 Korintus 16:22

Isema-sema ledo nompotove i Pue Yesus, masurukavumo ia! Maranata! Tupu kami, kakavamo!

2 Korintus 12:20

Apa nakini raraku, nee-nee ane yaku tou nte komiu kukava komiu ledo mpo anu nisarumakaku, bo pokaingguku nte komiu ledo mpo anu nisarumakamiu. Nee-nee kukava komiu mosinggarau, bara masiriati, bara marau, bara aga mompekirika karo mboto. Nee-nee kukava komiu mosisalai bara mositunturaka bara malanga rara bara mompakagado todea topomparasaya.

Filipi 1:9

Jadi, iveimo pomperapiku nte Alatala, ala pepotovemiu mantambai, bo mantambai rasanimiu anu nakana, bo mantambai kanoto mpekirimiu.

2 Tesalonika 1:3

Sampesuvu-sampesuvu, kami kana masaro motarima kasi nte Alatala sabana komiu. Kami masipato motarima kasi sabana pomparasayamiu nte i Yesus nantambai karosona, bo nantambai posimpotovemiu.

1 Petrus 1:22

Sampesuvu-sampesuvu, katuvumiu nipakagasamiu sabana komiu nangoseaka pepatuduki nakana. Haitumo sampe komiu namala nompotove sampesuvumiu sampomparasaya ante rara naliangu. Sabana haitu, posipotovemo ante rara mpuu-mpuu.

Pompakita 2:2

NisaniKu pura-pura pokainggumiu. Komiu natutu nokarajaa ka Yaku bo komiu nosabara tempo nipandasa sabana nomparasaya Yaku. NisaniKumo komiu ledo nasituju ante pokainggu ntona nadaa. Tona nompangaku karona suro-suroKu tano ledo nakana, niparesamiu pokainggura sampe nalantomo ira topodava.

Pompakita 2:4

Tapi naria sangaya inggumiu anu ledo nipodambaKu. Komiu domo nompotove Yaku mpo bara ipia tempo komiu dako nomparasaya.

Pompakita 3:1

Ana nu Manusia netudu vai ala kutulisi ka malaeka anu nanggeniaka todea topomparasaya ri ngata Sardis ivei: “Hitumo tesa lako nte Yaku anu nombakuasai papitu Nosa nu Alatala bo anu nantipale pitu-angu betue. NisaniKumo pura-pura pokainggumiu. Komiu nireke ntona topomparasaya naroso, tano pomparasayamiu haitu namatemo.

Pompakita 3:16

Tapi komiu aga netanggode, ledo nompoara, ledo nompoiyo. Sabana haitu Kuteveulusaka komiu lako ri ngangaKu.