Pompakita 3:11 - Kaili Ledo

¹¹ Domo masae Yaku makava! Jadi kingisi pakarosomo pepatuduki nipatuduki ka komiu ala komiu manggava hadia padagi lako nte Alatala. Nee sampe maria tona mangago hadia haitu lako nte komiu.

Pompakita 3:11 ပူးပေါင်းရင်းမြစ်များ

1 Korintus 9:25

Tona nantuntuni posilumba kana meguru mombakuasai karona mboto riara mpengaya-ngaya. Rapoviana ivesia ala manggava hadia padagi anu ledo mainti, haitumo sangaya talidangga bunga anu aga sampalai malelemo. Tapi kita hitu neguru mombakuasai karota ala rakavata hadia mainti sampe ri kasae-saena.

Filipi 4:5

Kusarumaka pura-pura tona manggita kabelo raramiu. Toramo! Domo masae makava i Pue Yesus.

2 Timotius 2:5

Topomore ledo mamala majadi padagi ane ia ledo matundu ri atura-atura nipakatantu.

2 Timotius 4:8

Jadi hitupa nasadiamo hadia padagi ka yaku sabana katuvuku nompakadamba rara nu Alatala. I Pue Yesus Topotangara nanoa, bo ri Eo Potangara ngena radekeiNa hadia haitu ka yaku, bo ledo aga ka yaku tapi ka pura-pura tona nompotove Ia bo nompopea kakavaNa.

Yakobus 1:12

Nabelo mpuu tona naroso rarana riara kasusa bo pesori! Ane maroso rarana sampe ri kaupu pesori haitu, Alatala mombadekei katuvu nabelo ka ia sampe ri kasae-saena. Katuvu nabelo haitu nijanji nu Alatala ka tona nompotove Ia.

Yakobus 5:9

Nee mongalu bo mosipakasala, ala komiu ledo rahuku nu Alatala. Toramo! Domo masae makavamo Ia mombatangara manusia.

Pompakita 1:3

Masana mpuu tona anu mombabaca tesa-tesa niboto riara buku hitu ka todea, bo masana muni tona mangepe bo mompariara anu nitulisi riarana. Apa domo masae pura-pura kajadia nitesa ri sii mpuu-mpuu kana majadi.

Pompakita 16:15

Bo nangulimo i Yesus, “Pariaramo! Yaku makava ri tempo ledo nisani-sanimiu nasimbayu mpo topangangga. Mabelo mpuu tona batena mainga bo mombajagai pakeana ala tempo Yaku makava ledo maeya matana mpo tona novuloa nelaya ri ngayo ntodea.”

Pompakita 2:10

Tapi nee maeka komiu mantingayo kasusa bo kapari anu domo masae kana rarasaimiu. Pariaramo! Magau nu Seta mompopesua sanu komiu hau rantarunggu bo mompesori komiu ala moura pomparasayamiu. Komiu rapandasa sapulu eo kasaena. Tapi nee maupu raramiu momparasaya Yaku nau komiu rapatesi, sabana Kudekei ka komiu hadia padagi, haitumo komiu matuvu mabelo sampe ri kasae-saena.

Pompakita 2:13

NisaniKumo ngata niponturomiu, haitumo ri ngata ponturo Magau nu Seta. Tapi naupa ivesia, naroso pomparasayamiu Yaku. Tempo sabiKu nosanga i Antipas nipatesi ri ngatamiu, komiu ledo nesapu nomparasaya Yaku. I Antipas haitu sabiKu bo ia bate-batena nomparasaya Yaku sampe ia nipatesi ntona ri ngatamiu, haitumo ri ngata nikuasai Magau nu Seta.

Pompakita 2:25

Kingisi pakarosomo pepatuduki anu naria nte komiu sampe Yaku makava mpanjili.

Pompakita 22:12

Bo nanguli munimo i Yesus, “Pariaramo! Domo masae makavamo Yaku manggeni tambo bo Kubalasi pura-pura tona nangoseaka pokainggura.

Pompakita 22:20

Bo i Yesus anu nompasimbayu pura-pura tesa hitu nanguli, “Nakana! Domo masae makavamo Yaku!” Amin! Maranata! Kakavamo, Pue Yesus!

Pompakita 22:7

Bo nangulimo i Yesus, “Pariaramo! Domo masae makavamo Yaku. Nabelo mpuumo tona nompariara anu niboto ri buku hitu!”

Pompakita 3:3

Jadi toramo pepatuduki niepemiu bo nitarimamiu bara ipia. Oseakamo pepatuduki haitu bo kajeamo lako ri dosamiu. Ane ledo mainga komiu, sampesanika Yaku makavamo mombahuku komiu. Yaku makava mpo topangangga, ledo rasanimiu maipia Yaku makava.

Pompakita 4:10

ropulu bo ampa totua haitu nantaputu sampe ri tana ri ngayo nToponturo haitu. Ira nombasomba Ia anu natuvu sampe ri kasae-saena, bo nialara songgo bulava lako ri balenggara mboto bo nituura ri ngayo Gadera Kamagaua nu Alatala, tanda pobilara Ia. Bo niulira ivei:

Pompakita 4:4

Bo naria muni ropulu bo ampa gadera ntanina nantiku Gadera pangane. Gadera ntanina haitu niponturo ntotua ropulu bo ampa. Ira nopakea mputi bo nosonggo bulava.